اجازة منتصف السنة الدراسية وش رايكم وين نروح؟

[ابو الشمقمق]

السلام عليكم
ياخوان عندنا اجازة منتصف السنة الدراسية
ومحتار وين اروح صراحة
خصوصا اني ماسفرت الصيف الماضي
وودي اعوض الاهل
احترت بين الامارات
وبين ينبع وحقل حايل وماجاورها من هالمناطق
بس مشكلة السياحة الداخلية مافيه اي خدمات عندك

وش رايكم
واذا احد الشباب ينصحن بمكان ثاني غير اللي ذكرتها يدلنا
ويشير علي
وشكرا للجميع

[أبوعبدالرحمن الأسعدي]

انا اقول اذا انت بتروح للإمارات رح للشارقه

طبعا ارخص وآآآمن وأنظف واسواقها روعه وقبل هذا كله إماره (محتشمه على الآخر )

رحله موفقه

[wewe150]

جزيرة فرسان الجو معتدل ورايق في الشتاء

الا ياشباب حقل كيف جوها ووجو الساحل الغربي من الشمال الى جده؟

[الستانس]

^^^^^^^^^^^

زي ما قال الرجال جيزان و فرسان هذا وقتها الجو حلو ورايق

وادخل على اليمن ان كانك تبي التغيير

وخذ لك جوله فيها (انا زرت اليمن بالجو ومعي الأهل واللي يقولك ما فيها امان سلمني عليه )

وزي ما اعرف ان صنعاء العاصمه تبعد عن الحدود 200 كيلو ما ادري ان كانت المعلومه مغلوطه تأكد

وزر منطقه اسمها اب هذي منطقه آمنه جداً ولا فيها احد وتبعد 200 كيلو بس كأنها 500

ولكن تأكد من احوال الطقس قبل

ولكن للأسف مافيه خدمات ان كانك تدور الراحه في ( جيزان )

اما الخدمات في اليمن فهي جميله وكل سبل الراحه متوفره

انا زرت صنعاء القديمه والأهل مع الوالد زارو الملاهي ومعجبتهم مرره

وزرنا مناطق شعبيه تقريبا اخذنا جوله كامله في صنعاء العاصمه

ولو معنا وقت (ترانزيت يوم كامل) كان رحنا لـ إب ولكن لي عوده لليمن ان شاء الله

ولاحظت خلال الرحله مافيه احد يشوفك او تحس انك مراقب بالعكس تحس انك من اهل البلد

ومرحب فيك فيه ناس كثيرين يقولون لوحات سعوديه ومن هالخرابيط

تدري ان نص سياراتهم لوحاتها سعوديه وكثير منها سيارات هاي هاي جيوب بورش واودي بكثره ومرسدسات

يعني شي غير طبيعي وانا مستغرب ان هذي السيارات عندهم الله يزيدهم نعمه

(يعيب اليمن في الفتره اللي رحت فيها كان انقطاع الكهرباء ثاني ايام عيد الفطر فكان الكربون في كل مكان لدرجه اني كرهت نفسي

ولما نزلت في الأرض الافريقيه اريتيرا حسيت بانتعاش لا يوصف لدرجه اني تخيلت نفسي اول مره اشم هوا )
ــــــــــــــــــــــــــــــــــــــــــــــــــ ــــــــــــــ
اخوي ان كان عايلتك قليله

مر اقرب مكتب سياحي

وخله يظبط لك جوله في ماليزيا ولا غيرها

فطور+ غدى +تنقلات

اما اذا كنتم كثيرين

فمالك إلا دول الخليج يس المشكله الحين برد

ان كانك تبي الدفا رح المنطقه الغربيه اجوائها ادفاء

شد الرحال لمكه ثم المدينه واطمر ينبع ووقف في املج وخذ لك لفه في المناطق الشماليه الغربيه

ولكن اسال عن الأجواء قبل لا تروح

وهذا موقع متخصص بالعروض

http://www.al7ot.com/vb/f101.html

وفيه شركه مشهوره ومظمونه تحجز بالأنتر نت واسعارهم تنافسيه ومالقيتها للاسف


والله يوفقكم جميعاً











اخوي الكريم هذي الردود تلخبطت على بعضها كل شوي ارجع ازيد فلا تؤاخذني

[الشقردي 205]

البر البر البر . . .


وإذا ما تبي تطلع للبر رح للامارات وه فديتها يا لبى قلبها . . .

[سهومي]

السلام عليكم




ياحوان عندنا اجازة منتصف السنة الدراسية
ومحتار وين اروح صراحة
خصوصا اني ماسفرت الصيف الماضي
وودي اعوض الاهل
احترت بين الامارات
وبين ينبع وحقل حايل وماجاورها من هالمناطق
بس مشكلة السياحة الداخلية مافيه اي خدمات عندك

وش رايكم
واذا احد الشباب ينصحن بمكان ثاني غير اللي ذكرتها يدلنا
ويشير علي


وشكرا للجميع

ااهههههههههههههههههههههههه
يزين بلادي ياخوي انا ذهبت للاردن وفي مدينة ملاهي بغيت حمام لاطفالي وهم متحاجينه ظروري و دفعت فلوس عللشان يدخلوا ويقضون حاجاتهم ...لا والحمامات صناديق خشب الله لا يعيدها من بلد ............
وكذلك في تركيا ايظاً تدفع قريشات الدخول قبل الدخول ولا ............
الحمد لله والله في بلادي عندك اقل شي الخلاء هههههههههههههههه
امزح طبعاً الله يديم الأمن والراحة والعز علينا عندك المساجد ودورات مياهها والمحطات ووغيرها الله لالالالالالا يغير علينا,
الله يوفقك بحلك وترحالك ........سفرة موفقه ...تقبل مروري.

[ابو الشمقمق]

الله يبيض وجيهكم جميعا على المرور والتفاعل

[ابو هيون]

يازين المملكة بكبرها من شمالها لجنوبها لشرقها لغربها الصراحة اشجع السياحة الداخلية

[ابو الشمقمق]

شكرا للجميع على التفاعل
ودنا بسياحة داخلية
بس ان رحت جيزان لقيت الفنادق كلها فل والا تلى سويت واحد فاضي ويعطيك اسعار خيال
او حقل ماتلقى فيها الا شقق تعبانة نوعا ما
والخدمات تعبانة
وانا كتبت الوضوع ابغى استفيد من تجارب الشباب في هذا المنتدى العريق
الشكر موصول لكل من شارك ورد

[النمر]

الامارات كل الناس تزورها في هذه الايام اما المناطق التي ذكرتها بتبقى نفسها
والحين الامارات في تطور مستمر :)
و فيها اماكن سياحية اكثر من الرائعة :)

[جير دبي]

السلام عليك ياخوي :بلنسبه لي اقولك الامارات حلوه وفيها مرافق وخدمات متنوعه ...
فكل اماره تتميز بشي يبهرك ..
خاصه دبي..
والله يسرك امرك لما هو خير

[توفيق البلوي]

استراليا

:)

[abumesfr77]

اخي العزيز ابو الشمقمق تحية طيبة اشكرك على طرحك لهذا الموضوع الجيد واحب اشارك في موضوعك اذا سمحتلي
1- بالنسبة لسفر لدولة الإمارات الشقيقة في وقت موعد سفرك يكون الجو بارد جداً
2- بالنسبة للمنطقة الشمالية من حائل الى تبوك فانت سيد العارفين تكون درجاتها تحت الصفر.
3- اما المناطق الساحلية من جيزان الى املج جوها ممتاز جداً .اما الوجة وضباء وحقل تكون بادة لقربها من الشمال.
4-اما ماقلت عن حقل شققها تعبانه وقليلة. يوجد في حقل مجموعة من الشاليهات الجميلة بالشكل والنظافة وكذلك يوجد شقق ممتازة ونظيفة ولكن ليسة على الساحل في الأماكن المرتفعة .
وشكراً لرحابة وسعة صدرك

[ابو الشمقمق]

الله يبيض وجهك ياخوان على الردود واشكر لكم التفاعل
لان هذا الموضوع يخدم الجميع ممن يرغب بالسفر بالشتاء

[نايف الراشد]

شف وانا اخوك انا مقدر انصحك باي شي
لاكن بقدم لك خدمه اذا نويت تزور حايل فأرسلي رساله ع الخاص
وانا برتب لك جدول سياحي هنا حسب خبرتي وبدمج لك بين الرحلات البريه (سفاري) وبين رحلات المدن (ستي نور)

تحيتي

[ابو الشمقمق]

الله يبيض وجهك اخوي نايف الراشد
وماه مستغرب الطيب على راعين الطيب

[basel2222]

السلام عليكم
الإجازة يعنى انك تغير جو إذا كنت في منطقة ساحلية ما فيه داعي تذهب إلى منطقة ساحلية آخري

إذا كنت في وسط السعودية مثل منطقة الرياض أو القصيم أو حائل الأفضل الذهاب إلى الساحل
طبعا جيزان حلوه بالشتاء لكن الأسعار نار هناك الشقة إذا حصلت أسعارها مرتفعة بسبب إن أهل
عسير أبها وخميس مشيط والمرتفعات أكثرهم ينزلون إلى الساحل جيزان والشقيق
في حائل في هذا الوقت ربما مهرجان السباق { الرالي }
والرياض ربما يكون مهرجان الجنادرية
الإمارات حلو والكويت زينة
أو البر روعة
أو عمره وزيارة جده تشوف الأسواق و الشواطئ { أم الرخاء والشدة} وزيارة للمسجد النبوي الشريف
أو ميل على الشرقية وأهلها الطيبين

[ابو الشمقمق]

هو هذا المطلوب من السفر التغيير والاستجمام
ولكن احيانا نطيح بسوء خدمات وغلاء اسعار
تخاف من جدة تجيك السيول وتروح في خبر كانا

[بن لادن 506]

أنصحك بتبوك و ضباء و حقل

تبوك فيها اماكن سياحيه خياليه و إن رحت لمها تراك بتدعيلي


أنا إن شاء الله حاجز تذاكر لتبوك بداية الإجازه


و أنصحك فيها لأنها بصراحه فيها مناطق تراثيه عجيبه و غريبه

[مثل الزمن]

معك دراهم لاتروح لدولة عربيه

[ترهيم]

السلام عليكم

اتكل على الله وعليك ولا توقف إلا في دبي :)
يعني هي انسب الخيرات القريبه ..
جيزان للي طالع بحر كل يوم بس عايله بتمل ولا فيها شي غير البحر الجو مو دافي إلا حر يازين الشتاء بس :)
جده انت رايح استجمام وتفتك من خريص وزحمته تطب في زحمه جده !! بس ان قردك الله ورحت لها كثر اللساتك ترى عليهم امطار ..
دبي ان بغيت بحر وان بغيت تمشيه وان بغيت تسوق بتستانس والصرف تراه واحد هنا وهناك . جوها حلو انا جاي منها قبل اسبوعين وبنسبه لتعليق الاخوان اختصرها بكلمتين(لاتقرب الاماكن المشبوهه بالليل ) ولا راح تشوف مناظر سيئه ..
اما السياحه الداخليه بيني وبينك للحين بدري علينا شوي الصيف الماضي سافرت لاحدى المناطق السعوديه (يقال سياحيه) اخذت شقه غرفتين وصاله ودورة مياه ماودك تخشها ب400 ريال ثاني يوم هجيت منها ,, وقبل شهر كنت في بلاد الاندمي (اندنوسيا) ماخذ فله ثلاث غرف وصاله ودورتين مياه ومطبخ ومسبح ومطل يفتح النفس في مجمع سكني يعني عليه سكيرتي وامطار وخيرات ب170 ريال ويقولون الله يجزاك خير بعد .

[ramii2010]

بالنسبه للجو في حقل
بااااارد والله الجو هاليومين بحكم الشتاء وكذا

[emad45]

ما لك إلا فيفا
http://chat-jeddah.net/wordpress-test/wp-content/uploads/38.jpg
http://www.qwled.com/vb/imgcache/5789.imgcache
http://www.aljawarh.net/vb/imgcache/8843.imgcache.jpg

[المكتشفون]

انصحك بحايل لانها وقت الشتاء رووووعه والاماكن الجميله متوفره وقريبه وخصوصا ان الاجازه قصيره وصعب السفر للخارج

[ابو الشمقمق]

والله الظاهر مالها الا دبي
المشكلة الداخل دمار الدامرين
والله ودنا نقعد هنا ونتمشى ولكن وين تروح

[لوبكيت]

رح ابها رهيبه

[ابو الشمقمق]

ابها مووووووووووووت برد وضباب كثيف

[نبراس 07]

ماودك تطلع لم الجسر المعلق قال سياحه قال

[فتى سلمى]

حياك الله عندنا بحايل والجو بالشتاء بارد شوي بس ممتع وخاصة لارحت لسلمى وجبالها الحمر

اللي تدهشك بجمالها وأهلها طيبين مره وأهل نخوة وكرم بلا قصور بباقي الديار وأهلها

[ابو الشمقمق]

والله ودنا نتمشى وديارنا زينة ولله الحمد
ولكن كل ديرة متميزة بحاجة زينة ولا فيها شيء ثاني
بعكس بعض الدول فيها اكثر من منشط سياحي

[اخو الخبير]

انا والله مثلك .. محتار ما ادري وين اروح

قبل شهرين تقريبا جيت من الهند انا والاهل ...
واسبوع الاجازة القادم ... شكله قصير ومايمدي نسافر برى
والا طرت علي اني اسافر لسوريا والاردن ... او اندونيسيا ... لكن احس الوقت ضيق

فكرت بالسياحة الداخلية ...
قلت اخذها تمشية القصيم وحايل ... ونميل على مكة عمرة ..

لكن ليت الاخوة الكرام اهل حايل
يعطونا اسماء بعض الاماكن العائلية ... اللي يمكن نزورها ...

[بني عدنان]

توكل على الله مكه وخذ لك عمره والمدينه وينبع واملج

[بلاستر]

انا افضل انك تروح حقل بس لاتنسي الجوزات عشان تروح العقبه في الاردن وتروح وادي رم والبترا قريبه مره من حقل واغلب سكان تبوك تلاقيهم هناك خاصه في العطل لقرب المسافه

[ibnaffan]

السلام عليكم انا من سكان المدينه
وستكون الرحله بإذن الله
المدينه حايل القصيم الرياض الدمام ابو ظبي
السياره جمس سوبربان 2001
الاشخاص 5 اشخاص
فكر بالرحله هذي احس انها حلوه وتشمل بر بحر اسواق وكل شي

[لاهوب الشمال]

السلام عليكم انا من سكان المدينه
وستكون الرحله بإذن الله
المدينه حايل القصيم الرياض الدمام ابو ظبي
السياره جمس سوبربان 2001
الاشخاص 5 اشخاص
فكر بالرحله هذي احس انها حلوه وتشمل بر بحر اسواق وكل شي


رحلة حلوة لكن مشوار طويل ...
ومتعبه جدا اذا اردت ان تقضيها بالاجازة النصفية ...

[ibnaffan]

اهاااا
والله اذا شباب مافيها اي تعب وانا اخوك
شكرا لك

[ابو الشمقمق]

والله اني فكرة حقل وزرقة خفافية للاردن زينة

[zeeezoo]

تبي نصيحتي
مالك إلا جيزان وخذلك لفة على القنفذة الاجواء روعة
ورح جهت محايل عسير والمخواة
ورحلة موفقة وين مارحت