سيارتي اليوكن فيها صوت أفيدوني لاهنتوا

[الكشّات]

بسم الله الرحمن الرحيم
السلام عليكم ورحمة الله وبركاته
يالربع ما أبغى أطوّل عليكم أنا سيارتي يوكن 2007 اسمع فيها صوت ترترة وانا امشي عليها بسرعة (50) كيلو متر في الساعة تقريباً والصوت هذا ما أسمعه إلاّ إذا صرت امشي في مكان ضيّق أو بجانب جدار وما شابهه أمّا إذا أسرعت يختفي الصوت فأرجو منكم يا إخواني إفادتي وإن كنتم لا تعلمون مالمشكلة أرجو أن تدلّوني على أفضل ميكانيكي سيارات أمريكية ولكم منّي جزيل الشكر

اخوكم/ الـــكـــشّـــات

[VIP-503]

موترك مافيه الا العافيه يارجال فك عنك الوساويس ياخي عادي صوت الشكمان والصوت الترتره هذا صدى الصوت ياخي لاتوسوس اكثر من الازم نصيح اخ لك احترامي

[الكشّات]

موترك مافيه الا العافيه يارجال فك عنك الوساويس ياخي عادي صوت الشكمان والصوت الترتره هذا صدى الصوت ياخي لاتوسوس اكثر من الازم نصيح اخ لك احترامي


الله يجزاك كل خير يا أخي VIP-503 الصراحة السيارة تبع خالي لكني اعتبرها سيارتي وخالي من يوم شراها وهو يسمع هالصوت المهم قال لي شف لي حل انا وهالصوت قلت له مافيه الاّ عطايا الله أعضاء المنتدى الأكثر من مميز مكشـــات وردّيت علي يا أخي العزيز تقول خل عنك الوساويس والله انّك صادق الله يكفينا شر الشيطان ووسوسته , لكن خالي مو مقتنع يقول شف لي حل قلت ابشر الشباب مايقصرون

[dr.tooth]

تماما كما قال الاخوان

هذا صوت اتداد الصوت ( صدى )

خليه يمشي جنب صبات اللي على الدايري مثلا ويشوف
(بس عاد خله في الصباااااح او اخر الليل ترى خمسين على الدايري بيقتلوك الناس)

السيارة ما فيها الا العافية

[الكشّات]

تماما كما قال الاخوان

هذا صوت اتداد الصوت ( صدى )

خليه يمشي جنب صبات اللي على الدايري مثلا ويشوف
(بس عاد خله في الصباااااح او اخر الليل ترى خمسين على الدايري بيقتلوك الناس)

السيارة ما فيها الا العافية


لكن يا إخوان الصوت هذا ما سمعته الاّ في سيارة خالي انا ركبت كم يوكن ماسمعت هالصوت الوالد الله يحفظه ويطوّل عمره وجميع المسلمين على الطاعة سيارته سوبر بان شفروليه 2008 لكن ماسمعت هالصوت فيه أفيدوني الله يرحم والديكم

[VIP-503]

يارجال حد الموتر يمشي ولاتسمع الصوت وانت مسكر الدريشه فامش يابو شنب وحد الموتر جديد فالامور باذن الله تمام وهذي وسوسه ماعليك حد الموتر اشتغاله صافي ولا يصرف بنزين ولا زيت لايهمك الاصوات الخفيفه لك احترامي وهذي ماهي مشكله يارجال وطمن خالك واذا ماقتنع انا اجيك واقنعه باذن الله ان كانك من اهل الرياض

[mhajer666]

خذ به مشوار طلع كربونه بس هههههههههههه
او معليش شيك فلتر الهواء يمكن يكون مسكر او تعبان غيره وتوكل على الله

[أبن الجنوب]

اخوي عندي نفس المشكله خاصة في الطرق الضيقه والصبات الحواجز طلع( حصى صغير) في دعسة الكفر

[كديان]

و الله نصيحتي دام الموتر ما قال شي فلا تفتح على نفسك ابواب مسكرة
و خساير على غير فايدة

[قمة افرست]

اذا تعبي بنزين 91 والسيارة استعمال طبيعي يطلع صوت من المكينة
غير بنزين 95 وينتهي الصوت

[ابوغسان 2]

أخي الكريم
ارفع الكفر الأمامي الأيمن ثم الأيسر عند البنشري ولفه بيدك إذا كان الصوت موجود فقد يكون من حساس الكفر أو الفلنجه ( من الرمان بلي الذي داخل الفلنجه )
طبعا الفلنجه من مويل 2000 الى 2006 ماتنفك و لازم تتغير
أما إذا كان الصوت خفيف فكثير من السيارات بها هذا الصوت وماشيه

خراب الفلنجه عادة بسبب مطب أو بسبب الارتطام برصيف
اذا كان من الفلنجه راجع موضوع الاستاذ الفاضل سوبرفتك
http://www.mekshat.com/vb/showthread.php?t=150286 (http://www.mekshat.com/vb/showthread.php?t=150286)

ونتمنى لكم التوفيق