زيت جربوكس فورشنر

[الهكسان6]

استفسار عن
نوع زيت الجربوكس فور شنر اوتوماتيك 2010
نوع الزيت
عدد العلب او اللترات
مكان العيار
المشكلة : صاحبنا راح للبنشري بيغير الزيت للمكنة الهندي فك صرت القير وما اكتشف الغبي حتى عبى المكينه علبتين الا والزيت مع حلق المكينع طالع علية
وصاحبا واقف يناظر المهم فكو سره المكينة وغير الزيت للمكينه بس الرجال محتار مع زيت الجربوكس والموتر موقف عند صديقة البنشري يبي فزعتكم]

[الهكسان6]

عشرين مكشاتي ولا رد
خوينا شال الفشفش على الشركة وغير زيت بدون فلتر ب 320 ريال وللمعلومية ماله عيار
الله يعين اصحاب الفشافيش على الشركه
ه>ي المشكلة والحل ونشالله يستفيد منها اخوانا اصحاب الفشافيش ..........ههههههههه

[حزوبر]

السلام عليكم
يا أخي الكريم انا معي هايلكس دبل قير تماتيك، ونفس قير الفشنر، ولها عيار زيت، وأنا مستغرب ليش غير الزيت، المفروض يغير الفلتر ، مع الزيت،وذلك بفك كرتير القير، انا غيرته بالصناعية عند حقين القير التماتيك ، قريب من كبري الصناعية المعروف بدوار الخرج، ب100 ريال
بالنسبة للزيت المفضل ، عليك بزيت تايوتا، اعتقد انه ب 60 ريال(ماني متأكد من السعر) للجلون 4 علب، للأربعة سرندل
ولا تنسى معجون الكرتير، احرص على معجون تيوتا، قيمته 100 ريال( لأن الكرتير ليس له وجه)، وتستطيع استخدامه أكثر من خمس مرات، بس حافظ عليه