@@@..... لمن يهمه الأمر .....@@@

[ديزب]

السلام عليكم ورحمة الله وبركاته وبعد

أسعد الله جميع أوقاتكم بكل خير ..

لا أستغني عن مشورتكم في سيارتين لا ثالث لهما ( أيهما أفضل )

1- فورتشنر 2- اكسبلورر

من حيث الجودة والتحمل وقلة الاعطال ونزول السعر عند البيع

شاكرا ومقدرا للجميع حسن تعاونهم ..

[احمد الشمال]

وعليكم السلام..
فورتشنر
من ناحيه قطع الغيار
وعدم انخفاض السعر
والقوه هذا بالنسبه ل 6 اسلندر

عكس تماماً الاكسبلور قطع غاليه وانخفاض السعر بعد الاستعمال..

والراي الاول والاخير لك ..

والله يوفقك.

[جروان]

والراي الاول والاخير لك ..

والله يوفقك.

[الباثفندر 3.5]

نصيحة اخو ابتعد عن الاكسبلورر نهائيا ولا تفكر فيه

[يريور عيمان]

الفورشنر طبعا
لكن يعيبه ضيق المساحة و الشكل العبيط

[ديزب]

الأخوة التالية معرفاتهم :

1- احمد الشمال

2- الباثفندر 3.5

3- يريور عيمان

أشكركم جزيل الشكر والصراحة أنا كنت متردد على الفورتشنر ولكن بعد مشورتكم الظاهر إني جزمت عليه والله يكتب اللي فيه

الخيرة ... قولوا آمين ...

[عاشق السيل]

وعليكم السلام ورحمة الله وبركاته ،،

الإكسبلورر يتميز على الفشفش بشي واحد فقط (( إنه أوسع مركب )) !!

وباقي المواصفات من صالح الفشفش بشرط يكون 6 سلندر !!!

والله يوفقك للي فيه الخير والصلاح وألف مبروك مقدما .....

[هلبان]

وعليكم السلام ورحمة الله وبركاته
انصحك بالفورتشنر بشرط 6 سرندل
يكفي انه تويوتا

[ذيب صعافيق]

وعليكم السلام ورحمة الله وبركاته ،،

الإكسبلورر يتميز على الفشفش بشي واحد فقط (( إنه أوسع مركب )) !!

وباقي المواصفات من صالح الفشفش بشرط يكون 6 سلندر !!!

والله يوفقك للي فيه الخير والصلاح وألف مبروك مقدما .....
وأنا :good2:ا قول

[بن سليمان]

لا تبحث عن الراحة والامان في الفورتشنر وعن تجربة وفوق هذا سعره مبالغ فيه اذا عرفنا انه تجميع اندونسي
هو افضل من الاكسبلورر في البر والنفود بحكم ارتفاعه لكنه راح يتفكك بسرعة اذا استخدمته بدفاشه
والسعر عند البيع المسألة نسبة وتناسب أعرف وأحد اخذ لها اكسبلور قبل شهرين موديل 2005 بخمسين الف

[حاتم العمر]

اخوي الغالي .. خذ فورتشنر ولاتتردد والله اني منصحلك معي بالاستراحه 2 معهم اكسبلور ومتبهذلين واحد خبط قيره والثاني عنده مشكله بالكهرباء على ماأظن ..

[ويلومني]

الله يسر أمرك
الفورتشنر خذ سته سلندر اما من ناحيه البيع فهو ماسك سعره بس مايعيبه الراحه بالخطوط والموتر رفيع والصناعه مادري عنه وديكوره الداخلي مادخل مزاجي وهو هايلكس بس مصندقه

أما الأكسبلورر فهو منظر جميل ووسيع مايعيبه مشاكل قيره والتبديل من نمره لنمره وفعلا مثل ماذكر الأخوان ال2006 بأول الستين النظيف منهن وكذلك الفورتشنر متقاربه نفس الأسعار بالستين لموديل 2006
ولاتنسى الأستخارة
وأعتبر كلامي وجه نظر

[عناز الحره]

ابـــــــــــــــــعد عن الاكسبلور نصيحه تراه زى العروس الشينه يازينهااا اول اسبوع بعدين ماتشرب المااا وراها
هههههههههههههههه

[الباحث_6610]

نصيحة لواحد طالب النصيحة
خذ الفورتشنر ولا تتردد على شرط يكون 6 سلندر
وأنت صاحب الإختيار

[AMERALNET]

وعليكم السلام..
فورتشنر
من ناحيه قطع الغيار
وعدم انخفاض السعر
والقوه هذا بالنسبه ل 6 اسلندر

عكس تماماً الاكسبلور قطع غاليه وانخفاض السعر بعد الاستعمال..

والراي الاول والاخير لك ..

والله يوفقك.


كلام عين العقل يالذيب واسال مجرب

[m3ax]

الهايلوكس

عفواً أقصد الفورتشنر حق مطامر بران وطعوس لا راحه ولا فخامه ولا فيه شي يجملك عند نفسك واللي يقول قطع الغيار رخيصه اقول له مالك لوى لأن ما عاد فيه اي سيارة قطع غيارها رخيصة ولا تنسى ان عمر القطع الاستهلاكية في صالح الاكسبلورر يعني بتزود 100 او حتى 200 على القماشات لكن بتعيش معك ضعف المده اللي بتعيشها قماشات الفورتشنر

ذبحونا شعب التويوتا والنوكيا ما غير يطامرون على غير سنع

[ديزب]

شكرا للجميع على تفاعلهم .. ولا تزال المباراة في صالح الفورتشنر لعبا ونتيجة !!

[أبو عزّيز]

و الله انا مع الذيب ما ينفع الا الذيبان

سواء اربع سلندر عادي ولا 6 سلندر عادي وتماتيك

يعجبني الموتر لا صار رجال وخشن

الفورتشنر ذكر ما يقارن باالـجنس الناعم

وترى على فكره هو من احسن السيارات من ناحية العملية

وهذا عز الطلب