صوت جاب لي الهم في الفتك 2004

[صقر20]

السلام عليكم ورحمة الله وبركاته

أسعد الله مساء وصبح الجميع

بإختصار المشكلة ظهرت عندي بعد رفع الباترول(بابين) توماتيك-عادي بيايات إسترالية خلفية
رقمها 980 (4سم 200كغم)

الصوت يبدأ من سرعة 40 على خفيف وأكثر وضوحاً عند 60 كم/س
تناسيت الصوت بالبداية ولازال على وضعه لم يتغير
الصوت وروره ( وروررررر) يزيد أكثر لما ألف الدركسون يمين وأنا أمشي
الصوت مستمرررررر حتى فوق الـ 100
------------

قلت يمكن من العمود رحت لورشة وحيد بالصناعية قال ما أشتغل إلا تويوتا قلت فرقاك عيد :mad:

رحت لورشة المحترف مهوب بعيد عنه نزل القير وغطاء القير بوردتين على كل مسمار
وجربت السيارة ونفس الشيئ ... يعني ماطلع من العمود وعطيته 50 ريال.

رحت لورشة التركي بالصناعية وغيرت الشدادات الأربع الخلفية
ومافيه فايده .....
ابوصالح أقترح تغيير الكفرات لأن كفرات الدانلوب الأوله كانت محبله وفي حاله يرثى لها
غيرت أربع كفرات جديده (هانكوك)
245/85R16 114 S
ماطلع من الكفرات ..... لكن تغييرهن ما اعتبره خساره

من بكرى رحت لميزان المجد بالصناعية وقالوا غير الشدادت الأمامية حصلوهن نص عمر
وفحصوا الرمان والعكس ورمان العكس للكفر الأمامي اللي جهة السواق
لأن الصوت تحت وأنتم كرامة رجلين السايق
وسويت ميزان ولافيه فايده :(

رحت لميكانيكي حضرمي أعرفه قال إنزل تعال شف الكفرات الجديده
كأنه مع الجوانب تاكل شوي(تمسح مع الجوانب) وهذا اللي ضيق الصدر
وأقترح أن السبب رفع الموتر بصراحه قلت بس هذا عنده العلم

طلعت من عنده رحت لميزان اليرموك فحصوا الدفرنس الخلفي لقوه سليم
وقالوا مانعرف حل للمشكلة ويمكن من رفع السيارة...

يوم الخميس العصر رحت لورشة الرماية اللي بالتخصصي عند الفلبيني
ألفيريدو وكنت مكلمه على الجوال قبل أروح (أدري إنه مزحوم)
الرجال فاهم يوم ركب معي وسمع الصوت قال اليايات ماله دخل وعلشان أقنعك
فك اليايات الخلفية والكعكات الألمنيوم 3سم وركب يايات شد بلده
وجربت السياره وأنا على أعصابي قلت بس اليايات هي السبب
ماطلع من اليايات الصوت موجود
رجع اليايات الأسترالية وقلت ركب بدل الكعكات الألمنيوم كعكات الرماية
الصفراء (1سم) وحده بس (طبعاً تركب فوق الربله حقت الياي شد البلد)

هناك من إقترح إني أروح يوم السبت لميزان البلاد الجديد (فحص كمبويتر)
ويقول إن الرفع خرب الميزانية .... وشي الميزانية ... الله أعلم

هاذي سالفتي بإختصار ومعاناتي مع الموتر
والله يفرجه من عنده على يديكم

وإلا الورش اللي بالرياض الله يخلف كلن يجيب من راسه صوت

* الموتر عليه فرارت برازيلية جديدة وركبته بعد ظهور المشكلة
يعني مهوب من عمود الدبل.
* طقم الكفرات الأربع جديدة مالها إلا 4 أيام.

[mmgarni]

غرييييب وضعك الله يوفقك وتلقا صلاحة باابخس الاثمان لللررررفع
كان عندي صوت نفسة بس خفيف ويزيد مع اللفات وطلع رمان الفلنجة وغيرتها وضبط الموتر

[صقر20]

غرييييب وضعك الله يوفقك وتلقا صلاحة باابخس الاثمان لللررررفع
كان عندي صوت نفسة بس خفيف ويزيد مع اللفات وطلع رمان الفلنجة وغيرتها وضبط الموتر

الله يرضا عليك ولايهينك ياغالي
أخوك عليمي مايعرف الفلنجه ...!!!!
الصوت مايطلع إلا لما يمشي الموتر ويلاحظه اللي يركب جنب السايق وحتى اللي ورى
مزعج ماهوب حره ولاونه :)
هل الصوت كان عندك واضح عند سرعة 60
ومستمر ؟؟؟

[العابر2222]

أخوي فيه طريقة سهله تقدر تكتشف المشكلة بأبسط الطرق

ارفع الموتر على عفريته او عند ميزان وخل احد في السيارة ويدعس وانت والمهندس تحت السيارة لحد ما تسمع الصوت

واذا الصوت تقول يجي من تحت رجلين السايق فاتوقع والله اعلم

1- عمود الكردان
2- القير

بس سو الطريقة الي قلتلك وبيبان معاك على طول

[صقر20]

أخوي فيه طريقة سهله تقدر تكتشف المشكلة بأبسط الطرق

ارفع الموتر على عفريته او عند ميزان وخل احد في السيارة ويدعس وانت والمهندس تحت السيارة لحد ما تسمع الصوت

واذا الصوت تقول يجي من تحت رجلين السايق فاتوقع والله اعلم

1- عمود الكردان
2- القير

بس سو الطريقة الي قلتلك وبيبان معاك على طول

الله يرضا عليك أخوي ويجمل وجهك
سويت الطريقة عند ميزان المجد بالصناعية رفعوا الموتر على (عفريته قدام وورى) وخلى المهندس حقهم الفني يعشق ويدوس بنزين
وماطلع الصوت وانا كنت بجنبه .... ماتسمعه
الصوت مايطلع لين تمشي السيارة على الأرض (تلمس الكفرات الأرض) ...!!
بورك فيك ياغالي

[فارس الشمال33]

وعليكم السلام ورحمة الله وبركاته

أخوي الصوت هذا اتوقع انه من الكفرات طبيعي جدا بسبب تغيير وزنية السياره كانت معي صابونه 96
فيها نفس الصوت اللي وصفته ماخليت ورشه كل مهندس يقولي سبب خسرت حوالي 5000 ريال
ولا في فايده
اهم شي وان اخوك لا يلعبون عليمية الورش في الموتر
وان شالله يفيدونك الاخوان

[صقر20]

وعليكم السلام ورحمة الله وبركاته

أخوي الصوت هذا اتوقع انه من الكفرات طبيعي جدا بسبب تغيير وزنية السياره كانت معي صابونه 96
فيها نفس الصوت اللي وصفته ماخليت ورشه كل مهندس يقولي سبب خسرت حوالي 5000 ريال
ولا في فايده
اهم شي وان اخوك لا يلعبون عليمية الورش في الموتر
وان شالله يفيدونك الاخوان

حياك الله يافارس
الصوت موجود حتى قبل أغير الكفرات ولازال موجود حتى يوم ركبت كفرات جديده الأسبوع الماضي
ما أسوق إلا باترول ولي أكثر من 12 سنة :)
كثر الله ألف خيرك على ردك

[مساح الحزوم]

أخوي اذا الصوت كأنه صوت حره وصوت رمان ويزيد بالمشي شيك على كراسي المكينه المشكله منها قبل لاتلعب بالوزنيات والفلنجه والرمانات شيك على كراسي المكينه وماراح تخسر شيء
*** وتأكيد على كلامي الصوت يزيد وانت تأخد دوار اولفه

[صقر20]

أخوي اذا الصوت كأنه صوت حره وصوت رمان ويزيد بالمشي شيك على كراسي المكينه المشكله منها قبل لاتلعب بالوزنيات والفلنجه والرمانات شيك على كراسي المكينه وماراح تخسر شيء
*** وتأكيد على كلامي الصوت يزيد وانت تأخد دوار اولفه

شيكت عليهن + كراسي القير عند ورشتين
لكن مايمنع أشيك عليهن مرة ثانية عند ورشة ثالثة
* والصوت يزيد لو لفيت الطاره يمين وأنا أمشي حتى بدون ما ألف مع لفه أو دوار
بيض الله وجهك

[قرم العيال]

رحت لورشة المحترف مهوب بعيد عنه نزل القير وغطاء القير بوردتين على كل مسمار
وجربت السيارة ونفس الشيئ ... يعني ماطلع من العمود وعطيته 50 ريال.

طيب رجعته وزينه البلد !!!

[الثويرات]

طيب انت فكيت عمود الدبل او الخلفي

[الباثفندر 3.5]

الله يعينك يا خوي
لكن انت فحصت العمود الخلفي او الامامي؟؟؟

[فارس المدى]

انا معي باترول وطلع معي نفس الصوت هذا


ياطويل العمر بسبب الرفع عامود الدبل يكون مايل

روح نزل قيرك شوي وراح يروح الصوت ان شاء الله ..>>اذا انت رافع الموتر

[هوندا 0770]

أتوقع من البيرنقات الأمامية للهوبات أذاكنت غيرتهم ممكن من العامود الأمامي
الموصل لدفرنش الأمامي
خلي يفصل العامود و جرب أمش باسيارة و شف الفرق يروح الصوت أو لا
تحياتي

[صقر20]

رحت لورشة المحترف مهوب بعيد عنه نزل القير وغطاء القير بوردتين على كل مسمار
وجربت السيارة ونفس الشيئ ... يعني ماطلع من العمود وعطيته 50 ريال.

طيب رجعته وزينه البلد !!!


نعم أخوي رجعه شد بلد مثل أول لأن الصوت ماراح
مشكور والله ماقصرت

[صقر20]

طيب انت فكيت عمود الدبل او الخلفي

لا ماجربت هالطريقة ياغالي

الله يعينك يا خوي
لكن انت فحصت العمود الخلفي او الامامي؟؟؟
مالاحظوا فيهن شيئ يقولون سليمات
ولو فيهن شيئ أتوقع كان يبين يوم رفعوا السيارة بالعفريته وخلوا الكفرات الأربع تدور
مشكور ياغالي

انا معي باترول وطلع معي نفس الصوت هذا
ياطويل العمر بسبب الرفع عامود الدبل يكون مايل
روح نزل قيرك شوي وراح يروح الصوت ان شاء الله ..>>اذا انت رافع الموتر

ما اتوقع إنه عمود الدبل لأني مركب فرارات والصوت يطلع سواء شبكت أو فصلت الفرارات
مشكور جعل عمرك طويل

[VIP-503]

اخوي بوصف لك ابو راكان المورقي وعنده مهندس اسمه ممتاز مشاء الله عليه اسم على مسمى باذن الله تلقى الحل عنده موقعه صناعيه السلي نهايه شارع الميه ادخل مع الخدمه يجيك على يدك اليمين محلات اللديترات لف يمين اسم الشارع شارع جاكرتا فبتل سيده تعد محلات التشاليح سيارات بنص الخط بين السايدين بعد ماتعدا اخر ورشه على يدك اليمين قبل الساحه واللوحه مكتوب عليها ورشت المورقي وابو راكان من الرجال الثقه ومن الي يخافون الله وباذن الله ترتاح من المشكله وتتيسر امورك باذن الله بس لاتاخذ منك الا ممتاز وهو باذن الله راح يحل المشكله رقم جوال ابو راكان واذا اسئلك قله جايك من طرف فواز السبيعي منتدى مكشات وهو ماراح يقصر معك واسعاره معقوله جدا جواله 0506241817

[صقر20]

أتوقع من البيرنقات الأمامية للهوبات أذاكنت غيرتهم ممكن من العامود الأمامي
الموصل لدفرنش الأمامي
خلي يفصل العامود و جرب أمش باسيارة و شف الفرق يروح الصوت أو لا
تحياتي

البرينقات قصدك الرمانات صح
الكفر الأيسر جهة السواق فكيته كامل وفحصوه كامل لين العكس داخل الهوب عند ميزان المجد
وكنت جنب الفني كل الرمانات والركبه سليمه ورمان العكس
باقي برينقات الكفر الأمامي الأيمن(اللي جهة الراكب) والله إني شاك فيه بس اللي غثني الأجور والقطع
اللي دفعت قيمته على أشياء ماله علاقه
وبنسبة لعمود الدبل يوجد على السياره فرارات وجديده وركبته بعد ماطلع الصوت
السؤال هل ممكن برينق الكفر اللي جهة الراكب الأمامي يخلي الصوت
كأنه جهة السائق ...؟؟؟
لكن بإذن الله تفرج
مشكور ياغالي وحياك ربي وبياك

[صقر20]

اخوي بوصف لك ابو راكان المورقي وعنده مهندس اسمه ممتاز مشاء الله عليه اسم على مسمى باذن الله تلقى الحل عنده موقعه صناعيه السلي نهايه شارع الميه ادخل مع الخدمه يجيك على يدك اليمين محلات اللديترات لف يمين اسم الشارع شارع جاكرتا فبتل سيده تعد محلات التشاليح سيارات بنص الخط بين السايدين بعد ماتعدا اخر ورشه على يدك اليمين قبل الساحه واللوحه مكتوب عليها ورشت المورقي وابو راكان من الرجال الثقه ومن الي يخافون الله وباذن الله ترتاح من المشكله وتتيسر امورك باذن الله بس لاتاخذ منك الا ممتاز وهو باذن الله راح يحل المشكله رقم جوال ابو راكان واذا اسئلك قله جايك من طرف فواز السبيعي منتدى مكشات وهو ماراح يقصر معك واسعاره معقوله جدا جواله 0506241817

والنعم فيك وفيه الله يرضا عليك ويجمل وجهك دنيا وآخره يافواز
بإذن الله أروح للورشة يوم الأثنين
كثرالله خيرك الله يوفقك ماقصرت

[الثويرات]

انا اقول المشكله عندك من الصليب حق العمود الخلفي .

[نواف685]

شف وانا اخوك دام الصوت تقول معي قب رفع الموتر الله اعلم انه رمان الكارونه تاكد وشف

[صقر20]

باقي برينقات الكفر الأمامي الأيمن(اللي جهة الراكب) والله إني شاك فيه بس اللي غثني الأجور والقطع
اللي دفعت قيمته على أشياء ماله علاقه



ما طلع منه اليوم فكوه بميزان المجد وحصوا الرمانات حقت الهوب سليمه
رجعوا كل شيئ لمكانه بعد التشحيم والله يعين

[صقر20]

انا اقول المشكله عندك من الصليب حق العمود الخلفي .

والله اليوم أقول بيني وبين نفسي لايصير صليب عمود كردان
بس معقوله الميكانيكي إذا جرب السياره مايقدر يميز صوت
الصليب من غيره...
وهل صوت الصليب يبدأ من سرعة 40 ويزيد عند 60
ويستمر ويزود أكثر مع اللفه يمين
الثويرات مشكور ماقصرت ياغالي

[صقر20]

شف وانا اخوك دام الصوت تقول معي قب رفع الموتر الله اعلم انه رمان الكارونه تاكد وشف

هلا يانواف ومرحبا ومسهلا فيك بمكشات
الصوت ماطلع إلا عقب رفع الموتر.... ونزلت الموتر الأسبوع اللي فات ولاتغير شيئ
اليوم المهندس يقول لي مابقى إلا رمان الكارونه وش رايك
وشلون أقدر أميز إذا الصوت من رمان الكارونه وإلا لا
ماقصرت ياغالي

[سفاري959]

اخوي صقر اذا الموتر قير عادي وسبق ونزلت القير لأي سبب يمكن يكون التطبيق غلط لأن له وزنيه معينه ما كل واحد يعرفها واذا ما انوزن صح يا يطلع صوت او يستهلك صوف كل شوي تغير صوفه القير بس الغريبه ان ابو صالح التركي ما حل المشكله اتوقع لو استمريت عنده كان حصل المشكله انا شفت باترولات عنده مطلعه من الوكاله ما لقولها حل وزينها ما شاء الله عليه اتمنى تبشرنا بزوال المشكله قريب باذن الله واي خدمه حنا حاضرين طال عمرك تقبل تحياتي

[صقر20]

اخوي صقر اذا الموتر قير عادي وسبق ونزلت القير لأي سبب يمكن يكون التطبيق غلط لأن له وزنيه معينه ما كل واحد يعرفها واذا ما انوزن صح يا يطلع صوت او يستهلك صوف كل شوي تغير صوفه القير بس الغريبه ان ابو صالح التركي ما حل المشكله اتوقع لو استمريت عنده كان حصل المشكله انا شفت باترولات عنده مطلعه من الوكاله ما لقولها حل وزينها ما شاء الله عليه اتمنى تبشرنا بزوال المشكله قريب باذن الله واي خدمه حنا حاضرين طال عمرك تقبل تحياتي


هلا بك والله أخوي سفاري
الموتر ياغالي توماتيك-قير عادي ....
وصدقت ابوصالح الكل يشهد له ماقصر معي والله
قال أترك الموتر عندي ولازم ألقى مشكلته بس ما أستمريت لمشاغلي
يعني أنا مستغرب إن الصوت إلا الحين ماحد شخص مصدره...
جعل عمرك مايقصر يالأجودي

[mmgarni]

اخوي الصوت اذا بدا من ال60 فمعناتة ان المشكلة امامية من بعد 80 من الخلف
اخوي تاكد من زيت الدفرنس الامامي والرمان تبع الكرونة الامامية هذا اولا
وتاكد من الجنب اليمين الامامي الرمانات اتوقع توقع كبير انة منها
لو الصلايب خربانه الخلفية بيكون فية فضاوة فقط الامامي يسبب رجة من 80 الى120
والله يكون في عونك واتوقع انة رمان العكس يمين
انا اقول كذا عندي باث فندر ورفعتة بيايات استرالية وطلعت نفس المشكلة بس الصوت خفيف ومع اللفات الخفيفة وانا ماشي فوق 40 غيرت الجنبين وضبط

[صقر20]

اخوي الصوت اذا بدا من ال60 فمعناتة ان المشكلة امامية من بعد 80 من الخلف
اخوي تاكد من زيت الدفرنس الامامي والرمان تبع الكرونة الامامية هذا اولا
وتاكد من الجنب اليمين الامامي الرمانات اتوقع توقع كبير انة منها
لو الصلايب خربانه الخلفية بيكون فية فضاوة فقط الامامي يسبب رجة من 80 الى120
والله يكون في عونك واتوقع انة رمان العكس يمين
انا اقول كذا عندي باث فندر ورفعتة بيايات استرالية وطلعت نفس المشكلة بس الصوت خفيف ومع اللفات الخفيفة وانا ماشي فوق 40 غيرت الجنبين وضبط

هلا أخوي القرني فعلاً الصوت يبدأ من 40 ولا طلع إلا يوم رفعت الموتر بيايات إسترالية خلفية
فحصت الجنب الأيسر عند المجد وفحصوا العكس والرمانات كلها سليمة 100 بالميه
أمس رجعت لهم لقوا فيه فضاوه بالكفر الأيمن(جهة الراكب) فكوه كامل(بدون مايفحصون العكس الأيمن) حصوا الرمانات كلها سليمة والصوت ماراح
آخر شيئ قالي المهندس حق ميزان المجد يمكن رمان الكارونه الأمامي وهذا مانقدر نفحصه أو نشتغله يبيلك تشوف ميكانيكي بورشة ثانية......
ماقصرت

[عبدالرحمن السالم]

الله يكون بعونك وان شاء الله تلقى حل بأذن الله
انا معي باثفندر قبل 6 شهور كنت اسمع به صوت ورى واذا احتمي الموتر راح الصوت ، فحصت مابه شى الموتر مريت عند بنشري قلت شفلي زيت الدفرنس وفعلاً طلع ناقص فضيته كله وعبيت زيت والحمد الله راح الصوت ، جرب شيك على زيوته
وعسى الله يوفقك ويسر آمرك

[راس التل]

الصوت ظهر بعدما رفعت السيارة من الخلف فقط ولم ترفعها من امام ( اجل المشكله هناء من ميزانية عمود كردان ) صار العمود مشدود وصليباته لاتعطي مرونه والصوت يصير من الصليب الامامي وقد يكون سبب فضاؤه في رمان العرموطه

[صقر20]

عبدالرحمن السالم
راس التل
ماقصرتوا يامال الجنه
السياره وديته لمركز متخصص والمشكلة بعيده كل البعد عن التوقعات
بإذن الله تطلع وتزين وأجربه وأعطيكم التفاصيل :)
كثر الله خيركم

[الجاعد2005]

الله يعينك
بالانتظار

[ابوفيصل vtc]

شيك على الدبه ومواصير الدبه لاتكون لامسه البدي؟

[مخفي]

متابعين معك

والله يكون بعونك . .

فيه عدة ورش بالقصيم يمكن تفيدك ..

منها ورشة العتيق متخصص بالبواترول

وفيه ورشة أبو خالد الخضير رجال نصوح وشغله زين ..

[mmgarni]

الله يرزقك وباذن الله يزين موترك باقل الاثمان والله يوفقك لما يحب ويرضى

[سالم محمد]

الله يسهل لك امورك
ان شاء الله تبشرنا بالحل قريب .

[قصر1423]

طبيعي اي سيارة ترفعها من خلف فوق اللزوم يطلع اهالصوت شحم العمود او رجع يايات البلد او ركب يايات اقل

[صقر20]

شيك على الدبه ومواصير الدبه لاتكون لامسه البدي؟

الله لايهينك ياغالي والدبه ترى ماعرفته :)


متابعين معك

والله يكون بعونك . .

فيه عدة ورش بالقصيم يمكن تفيدك ..

منها ورشة العتيق متخصص بالبواترول

وفيه ورشة أبو خالد الخضير رجال نصوح وشغله زين ..

لاخلا ولاعدم وكثر الله خيرك
والله المشاغل والبعد وإلا ما أوقف إلا هناك
لكن الحمد لله تم حل المشكلة


الله يرزقك وباذن الله يزين موترك باقل الاثمان والله يوفقك لما يحب ويرضى

آمين تسلم يالأجودي على الدعوه الطيبه


الله يسهل لك امورك
ان شاء الله تبشرنا بالحل قريب .

آمين وياك وإبشروا بالحل ياغالي


طبيعي اي سيارة ترفعها من خلف فوق اللزوم يطلع اهالصوت شحم العمود او رجع يايات البلد او ركب يايات اقل

جربت ولانفع واليايات ماكان له علاقه بس يمكن صادفت
-------------------
سبب الصوت كان جنزير قير الدبل (يعني شبه توضيب)
كلف شغل اليد 1400 يال (ضمان شهرعلى شغل اليد) طبعاً(بالإضافه لتشييك الرمانات الأمامية
يمين ويسار)
جنزير مستعمل 500 ريال وصوف وزيت
المهم كلف كامل (قطع وشغل يد) 2200 ريال
وسيارة أجار 360 ريال :p

[صقر20]

يا أخوان ربلة عصا قير الدبل اللي تحت البدي من أول
كان يدخل منها هواء وحرارة بسيطة
الحين أشوف إن الربلة تحتاج تغيير والمشكلة سألت الوكيل الحمراني
وقالوا مهيب موجودة بالجهاز لا بجده ولا بأي فرع هل لازم أطلبه وإلا وشي الطريقة.... إمحق وكيل
سعره بالجهاز 46 ريال وغير موجوده :mad:... مع العلم إن تغييره سهل عن طريق فك الديكور اللي عند القيور
وبعدين فك ربلة القير الدبل اللي فوق وهي تجي تحته
أحد مرت عليه هالمشكله وهل فيه بديل....!!!!
وهاذي صورته
كان يبون يغيرونه على الضمان لكن المشكلة مالقيته لا بالوكالة ولاغيره
ربلة عصا قير الدبل للفتك 2004 (تحت البودي)
وظيفته على ما أعتقد: حماية من الحرارة وتمنع الهواء والإزعاج

http://www.mekshat.com/pix/upload04/images196/mk18662_05012011141-001.jpg

مشكورين والله ماقصرتوا

[ساحووق]

اسااااال الله لك التوفيق يالغااااااااااااااااااااااااااااااااااااااااالي

[صقر20]

اسااااال الله لك التوفيق يالغااااااااااااااالي

ولك كذلك الله لايهينك ويرضا عليك ياساحوق
وش هالتوقيع والمنظر اللي يروع ماشاء الله

[كديان]

احسن الله عزاءك اخوي صقر في وفاة والدك و جبر مصيبتكم و عوضكم خيرا
الحمدلله على قضائه و قدره
الحمدلله منه و اليه




بخصوص الباترول خصوصا ببريدة دبل باترول استخدام ياباني من التشليح
قيمته مع التركيب من 800 الى 1200 و نظيفات بالحيل
اعانك الله
دائما اذا شكيت باصوات بالموتر فك العمود الخلفي و امش على الدبل الخفيف و لاحظ الصوت
و العكس صحيح
و تستطيع ان خروج الصوت انك ترجع راسك للخلف بين المرتبتين و تسمع مصدر الصوت واضح جدا خصوصا اذا كان الصوت خلفي
و العكس صحيح تقدم راسك للطبلون و فوق الدركسون و تسمع الصوت (توح :D الصوت)

[القناص المميز]

أخوي شيك على ربلات الكنداااسه ..

[سفاري959]

اخوي صقر الحمد لله ان المشكله انحلت والله يعوض عليك ان شاء الله بالنسبه لربلات القير والدبل كد غيرتها طقم من عند الحمراني كيف ماهي موجوده تراهم بهذلوني لين كلمت مدير قطع الغيار بالوكاله قالي بكره تجي اذا ما حصلتها كلمني وجيت بنفس الوقت لقيتها قدامي مشكله الحمراني ماهي منه عنده موظفين لاعبين بالوكاله لكن وصل الشكوى لمدير القطع وراح تنحل واذا تبي شي راسلني على الخاص وابشر انا اعرف موظفين واجد عندهم ومشكلتي الأوله معهم انحلت عن طريقهم

[مخاوي 2004]

أولاً :هذي قد صارت علي بس على هايلكس 2004 قالوا من عمود الكردان رصصة ورصصته بالصناعية زان يومين بعدين رجع الصوت

ثانياً : اتوقع موترك يبي من يقرأ عليه جبه لي والا وده لشيخ يقرا عليه وان شاء الله تطلع السكنية(الجنيه هع)

بعدين

[مخاوي 2004]

ثالثا : مبروك حل المشكلة ماشاء الله وتكسرة بالعافية

[باب هداج]

الحمدلله على السلامه والله يعوض عليك انشاء الله