للبيع جيب ربع عشه مصندق ابو شنب 82

[فرخ العقاب]

السلام عليكم

للمرة الثانية انزل اعلاني
للبيع جيب ربع مديل 82 عشه أو مصدنق على مايقولون .
اللون بيج
العداد 271000 حقيقي .
السيارة كانت حكومية وانا اشتريتها من مزاد كل شي فيها شد بلد .
ماعدا الوية راشها بويه كامل لوجود الشعار الرسمي للوزارة وتجديد بوية ، لا يوجد صدوم أو دعمات أو حوادث بدي سليم ولله الحمد .
المكينة والقير والدفرنسات والدبلات كل شي 100% ولله الحمد .
طاره أو درقسون عادي .
والسيارة بالرياض وهذا رقمي بعد اذن الإدارة / 0533546315
والصور باحاول انزالها ان شاء الله لاني باقي ما صورتها .

[أبا مجاهد]

كم وصل سومها يالطيب؟؟؟

[ألشاكي]

وووين الصووور

[VIP-503]

لايوجد صور موضوع غير كامل الرجاء تكميل الموضوع

[عاصفة نجد]

ياليت صور خارجيه + داخليه + المكينة + بطن السيارة
وكل صورة سليمة حط عليها 1000 ريال سومه يعني المجموع 4000 ريال واي صورة يتضح فيها عطب الموتر تبطل السومه
( العداد 271000 حقيقي .) صادق بس كم صفر من مره انت تقول حق وزاره يعني 24 ساعه دوران
ألا اذا كنت متأكد من العداد وتحطه بذمتك هذا كلام ثاني
وآسف على الاطالة

[TARTOOSH]

لو سمحت ممكن صورة للسيارة من الداخل و الخارج من كل جهه
وصورة للمكينه
شكرا

[فرخ العقاب]

يا أخوان الصور احاول انزلها اليوم ان شاء الله .

أما العداد فنعم ما شي 271 وكسور والفحص يبين كل الحاجة والمية تكذب الغطاس . اذا كان ماشي حقيقي واذا كان غير ذلك . واللي يبي يشوف السيارة على الطبيعة يكلمني على الجوال واوصف مكانها له . مكانها واضح جدا .

[GM0C]

| لآهنننـت صصورٍ ’,.

كــم سـ،يـم ؟

وكـم حــدك ؟

[فرخ العقاب]

السوم ما سيم يا أخوان
وكلن يسوم بخراجه .

والحد لأعلى سومة ان شاء الله .

والصور اذا احد بيقدر يساعدني يصوره وينزله في الموقع فأكون ممنون .

[TARTOOSH]

على حسب وصفك للسيارة انا اسومها 5000 ريال
وبشرط الفحص و المعاينه

[برنكو]

6000 شرط الفحص والمعاينه

[راعي سراااب]

الله يرزقك ان شاء الله

[فرخ العقاب]

يالربع من يخدمني وينزل لي الصور الله يجزاكم خير .
يرسل لي اميله ، وانا ارسلها عليه .

[_Abu Omar]

الله يرزقك البيعه الطيبه ،،

آمين ،،

[TARTOOSH]

فرخ العقاب
من هذا الرابط تقدر تنزل صور سيارتك
http://www.mekshat.com/pix/index.htm (http://www.mekshat.com/pix/index.htm)

[فرخ العقاب]

يا أخ TARTOOSH الله يجزاك خير ويعطيك العافية

أنا ارسلت لك الصور على الاميل ، وانت حاول انزالها .

وشاكر لك ومقدر وجزاك الله خير .

[TARTOOSH]

هذ صور سيارتك اخوي فرخ العقاب
http://www.mekshat.com/pix/upload04/images195/mk58771_ads-600x600.jpg
http://www.mekshat.com/pix/upload04/images195/mk58771_aaaa-500x500.jpg
http://www.mekshat.com/pix/upload04/images195/mk58771_b-500x500.jpg
http://www.mekshat.com/pix/upload04/images195/mk58771_c-500x500.jpg
http://www.mekshat.com/pix/upload04/images195/mk58771_d-500x500.jpg
http://www.mekshat.com/pix/upload04/images195/mk58771_dd-500x500.jpg

[TARTOOSH]

الله يرزقك البيعه الطيبه

[فرخ العقاب]

الله يجزاك خير ويعطيك العافية ما قصرت

[VIP-503]

الموتر هذا الي كان واقف امس عند كبري الحرس قبله واليوم العصر داعس مع خريص رايح للمعارض

[VIP-503]

بكم سيم الموتر ان كان هو فعطني بكم سيم ولاهنت

[فرخ العقاب]

نعم هو

وبكره ان شاء الله باطلع عليه الثمامه .

والسوم سيم اسوام واجد ولكن ما ابي اذكرها .

الصامل يسوم ويجي ويفحص ويشل السياره . ونشوف سومات الناس الصاملة والشراية .

[مهند500]

6500 شرط الفحص والمعاينة

[عاشق الخسائر]

7000 ريال اسووووم

[فرخ العقاب]

مهند 500

عاشق الخساير

جزاكم الله خير على السوم لكن باقي ما عطيتوا الموتر حقه

[بوزايد]

السلام عليك اخوي وش رايك 10000

[مهند500]

طيب انت قريب ولا بعيد عن السومة؟؟

المكينة تنقص زيت؟؟ وداخلية الموتر كيف؟؟

والفحص والأستمارة مجددة؟؟


اذا كانت تمام



7500

[فرخ العقاب]

بو زايد سومة طيبة من وجه طيب وباقي عليه الموتر يستاهل اكثر ، كل شي فيه وكالة ما عدا البوية راشه بوية للتجديد .


أما انت يا مهند 500 فهداك الله الناس يسومون ب 10 وانت ب 7500 هل هذا ابخاس للسلعة أو فسر لي .

أما بالنسبة للمكينة فالحمد لله والله العظيم انها سليمة وشغالة ولا تنقص وايضاً اللي بيشتري لا يأخذ على كلامي عند الفحص وافحص واذا طلع في السيارة أي شيء فقيمة الفحص علي .

والديكورات سليمة والحمد لله .
والاستمارة والفحص جديدة .

[Al Rasee]

لك بالبدل ياغالي

[فرخ العقاب]

وش عندك بدل اخوي الراسي

[مهند500]

ياخي الرجال يشاورك ما زاد على السومة

يقول وش رايك ؟؟ ههههههههههههههههههه وانا متأكد لو تقولة الموتر لك ما اخذة


على العموم الله يرزقك وتبية فوق ما تتمنى فية

[فرخ العقاب]

يا خي انت كذا دخلت في نوايا الرجال ، يا مهند الله يجزاك خير يا تسوم زي الناس أو جنب عن السوم ودور لك سيارة ب 7500 ، على قد حالك . ولا تستهزئ بالناس .

[ولد الحجاز]

السلاااااااام عليكم
اخوي فرخ العقاب اعطيك بموترك 13 الف اذا الموتر على كلامك اذا لك رغبه راسلني على الخاص

[فرخ العقاب]

سومة طيبة من وجه طيب . راجع الخاص يا ولد الحجاز

[فرخ العقاب]

للرفع
للرفع
للرفع

[مرهف]

الله يرزقك بالبيعه التي تسر خاطركي يااخي فرخ العقاب
انا اشهد انها سيارات الموديلات القديمه من 78 الي موديل 84 تطربك والذي لم يجربها لايحكم عليها

[نٍيٍوٍتٍنٍ111]

4000 بشررط الفحص والمعاينه

[فرخ العقاب]

يا مرهف شاكر لك مرورك الجميل ، وصدقت من لا يعرف هذه النوعية من السيارات لا يحكم عليها .

أما أنت يا نيوتن111

فسأدع غيري يحكم على أخلاقك من خلال سومتك .

[مهند500]

ياخي وش الي دور لك سيارة على قد حالك

هههههههههههههههههههههههههه


يعني بالغصب سيارتي تسوى على العموم قلنالك الله يرزقك

شكلك شريطي وبلشت بالسيارة خخخخخخخخخخخ

[فرخ العقاب]

ياخي ترا لا زلت ماسك اعصابي ورجاءً على الاقل احترم المنتدى اللي انت فيه .

وجوالي موجود في حالة اخرى .

[فرخ العقاب]

يا اخوان السيارة بعناها اليوم ، والله يبارك لصاحبها ، وارجوا من المشرفين الأفاضل حذف الموضوع

[aoao.83]

بعشره 10,000 والله يرزق الجميع

[ذيب شرعان]

مشاءالله الله يرزقك البيعه الطيبه

[عاشق الكمب]

الله يرزقك

[مكشاتي1122]

بعد اذن الادارة ...

انا في الرياض ياليت اشوف الموتر وهذا رقمي ارجوا التواصل 0555930977

[مكشاتي1122]

اتصلت على جوالك مفصول الرقم

تواصل معي على رقمي الخاص

بعد اذن الادارة 0555930977

[شايب حرب]

اتصلت على جوالك مفصول الرقم

تواصل معي على رقمي الخاص

بعد اذن الادارة 0555930977

الرجال باع السيارة الله يرزقك بغيرها ويبارك للمشتري