جمس حوض 2003 مشكلة في المكينة

[حوض 2003]

السلام عليكم ورحمة الله وبركانه
أنا عندي جمس حوض موديل 2003 سيرا 2500 HD
المهم دخلته عند واحد يفحصه بحكم أنني شاري السيارة قريب فقالي فيها بداية شنبر وأنا خايف يحوسني علمن بأن العزم جيد جدا بنسبة لجمس حوض أخر ولا ينقص الزيت ولا فيه دخان
وفيه مشكلة ثانية يقول العكس اليسار يهرب زيت وعلى حسب ما سمعت أنه مايكلف شي ممكن 100 ريال
السؤال :
1- أنا خايف من بداية الشنبر هل أصلح الأن قبل بداية المشكلة أو أنتضر
2- كم التكلفة تقريبا
3- هل سعر تصليح التهريب الذي في العكس واقعي وأين تتوقعون مكان المشكلة وكم السعر ؟
شاكر ومقدر

[حوض 2003]

كل من مر يشاهد فقط ولا يرد

[العنقري]

ان كان ماشى افل من200 الف ولم يتعرض للكرف اوارتفاع للحراره فالموضوع طبيعى ولايحتاج اصلاح شنبر

[حوض 2003]

ممشى 240000ألف ومافي أرتفاع حرارة ملاحظ السيارة وارد أمريكا
والسيارة نوعا ما مكروفه
وش قلتو

[راع العوجاء]

طيب لو تفحصة عند واحد ثاني حتى تطمئن ؟

[Faisal_1]

اخوي ماذكرت لنا المشكله

وش الي يخليك تحكم انه في مشكله بالمكينه او الميكانيكي يقول بداية شنبر؟؟؟؟

[HW80]

اخوي حسب معرفتي الشنبر يسبب دخان ونقص الزيت بشكل ملحوض واهم شي راقب الزيت واشوف انك ماتصلح الا بعد التأكد100% لانهم اذا فكوها موب كل واحد يشتغل زين ومن ناحية الممشا اشوف انه معقول ولايمديه يخرب

[حوض 2003]

خبير جموس دراني يوم رحت أفحص السيارة

[salih100]

بيطق معك سنتين اذا استخدامك احليل ع السياره
وبعدين خلق مراقب الزيت وشهوله تفكفك المكينه من الحين

[مكشآتي للآخر]

والله غريبة وانا إخوك لاكن ماعليك اهم شي المشاوير المشاوير شيك على الزيت

[Bader-M]

وعليكم السلام ورحمة الله

افحص ضغط غرفة الاحتراق (السلندر) عن طريق الساعة القايس متوفقة في بعض الورش


تقبل مروري

[Faisal_1]

اخوي موترك مافيه الا العافيه ولا تهتم من الفحص وكلامه ومثل ماتفضلو الاخوان لاتعبث بموترك الشنبر يجيك دخان بالشكمان لو خفيف وينقص زيت ولا تأخذ بكلام الفحص يمكنك لو كملت مع الي فحص الموتر يقولك انا اعرف ميكانيكي زين وتصير مطبوخه صح انتبه وانا اخوك
انت بين فتره وفتره شيك على الزيت ينقص ولا لا وهل فيه دخان بالموتر ودربك السلامه يارب ومن يقرأ

[تناهيت]

موترك مابه الا العافيه واخووووووك نصيحه لا تقرب المكينه
والزيت حتى لو نقص شي بسيط طبيعي جدا خاصه بعد الخطوط الطويله والسته لتر ينقص خفيف بعد ما يتعدى ممشاها 200000 كيلو


شيك العكوس بخصوص التهريب يمكن من الصوف

[ابوفهيدان]

لاتقرب المكينة ثم تعيف موترك
حبيبي دام موترك مايدخن فثق تماما ان موترك بخير
حتي لو ينقص الزيت شي طبيعي
لاصار موترك يدخن دخااان ابيض وازرق وماتشوووف اللي وراااااك تري موترك محتاااج توضيب

[حوض 2003]

الموتر الحين بادي يدخن عند بداية التشغيل دخان ابيض بعدين يختفي وذا دعست عليه يدلع زيادة مع قطرات من سائل شفاف مع كربون

[ابوفهيدان]

الموتر الحين بادي يدخن عند بداية التشغيل دخان ابيض بعدين يختفي وذا دعست عليه يدلع زيادة مع قطرات من سائل شفاف مع كربون

وضعك للحين بخير
يعني عط موترك كم سنة
ماهو ضروري هالحين
والدخان الابيض وقت التشغيل هذا ربل صباب واكثر المواتر تعاني منه

انا قلت لك لاشفت موترك وانت تمشي ووراك سحابة بيضا رح وضبه

[حوض 2003]

شكار ومقدر لكم

[HW80]

اذا كان على الدخان اول ماتشغل ممكن من جلد البلوف اويمكن محتاج تصفيه والله اعلم

[مكشاتي مغترب]

اخوي

اذا دعست للموتر وماطلع دخان فالموتر باذن الله سليم ولا يغرونك الورش
اللي يقولون شنبر ترا فكه البستم مو اي واحد يعرف له ويعرف لوزنيته

ولاتنسى افحص عند اكثر من ورشة

[تناهيت]

موترك يبله تغيير جلد بلوف والسلام

ان بغيت غير او اتركها ما فيه مشكله

[عاشق الماركيز]

بالنسبه للعكوس انا الحين مووتري فورد ماركيز العكوس يبغالها خرط العكس الواحد 150ريال وهي فورد الجمس مادري والله والله يوفقك