لاتربط عند بن مرضاح

[صريح بدون زعل]

السلام عليكم


الله يسعد صباحكم-مسائكم بالخير
والله اني ماكذبت بكلمه ومستعد بالاثبات ياخوان انا سئلت عن ورشه تربيط وقالو رح لابن مرضاح معاي باترول سوبر سفاري2005واطمر للصناعيه والقى( منيف) عامل في الورشه ويقعد يسئل من وين ومن هالحكي يوم عرف من وين انا قال تعرف فلان وفلان وفلان قلت افا عليك اعرفهم قال اسئلهم عن سيارتهم انا اللي مربطها لهم قلت ياولد مابداش كم حسابك يامنيف قال 1750ريال هو المفروض 1900 بس عشان فلان ومني ومنه قال تدري بركب لك بلاستيك ومن الخرابيط حقته هذي اللي تركب في البدى قلت اوك المهم
يوم خلصت السياره واجي اخذها والا الاعطال التاليه
1-قفل باب المعاون خربان وتغيره يكلف 400 ريال (مكينه القفل)
2-الباب مايسكر زين باب المعاون
3-باب الشنطه كان ممتاز الحين معاد يسكر زين لازم ارجفه بقوه
4-الديكور الداخلي محيوس
5-الاقمشه اللي تغطي المسامير اللي بالباب مشيوله وملزقه اي كلام
6-الكراسي ماربطها يقول مالها تربيط طبعا انا جاهل بالامور هذي ومادري
7-غطاء الكبوت مايثبت فوق


وغير كذ1 يقول ترا المفروض اركب البلاستيك لك 400 بس بيني وبينك ولايدري المحاسب ب200 ريال

نصيحه نصيحه نصيحه لاااحد يربط عنده الا سياره قديمه واسئلو مجرب والسياره موجوده في شباب في القطيف تربيطهم مايتجاوز ال100 ريال واطلق واذا تقول لا مابي اللي بالقطيف في ورشه النويصر بالرياض
او الانصاري بالدمام فرع للورشه اللي بقطر



وتقبلو تحياتي

[تيرنيدو]

اللي بالقطيف ممتاز الكل يعرفه
شغله حلو وسيارتك تطلع من عنده ولا تسمع فيها شيء

[الــفــيــصــــل]

الله يرزقك با الجديد ان شاء الله وماتحتاج لتربيط

[جي اكس ار2000]

لوكل واحد يقدم نصائحه عن هالأشكال الحراميه ويتم مقاطعتهم والله العظيم ان يتأدبون صح

والمفروض يشاد بالورش الجيده وكلن يخاف الله قبل كل شء سواء بالمدح او الذم حتى لا يتعرض لدعوة المظلوم التي ليس بينها وبين الله حجاب


وفق الله المسلمين لكل خير

[vxr99]

حنا اللي بانفسنا اعطيناهم اكبر من حجمهم في هذا المنتدي
السوافي طيروها في السماء لين صار معد يناظر في احد ثم جت الشكاوى عليه
المميز السوري يكلمك كانك بتصلح بلاش عنده الزلمه
والان بن مرضاح اعطيناهم اكبر من حقهم
وصرنا نسوق لهم من دون حتى احترام لك اذا جيت عندهم لكن دواهم مثل هالكلام ينفر منهم الناس لين يرجعون يحتببون لك تجي عندهم

[رحال7]

النصب اصبح منتشر بشكل ملفت جدا..من تدخل الورشه وهم يتربصون بالزبون..يدردشون معه شوى حتى يعرفون هل هو مستعد يدفع ..هل الزيون سهل والا صعب؟ هل عنده خبره؟ وبعده يبدأ اتقطيع السلطه بعد الغسل والتنشيف!

لا يوجد حل غير تخلونهم يخيسون هم وامثالهم

[mmgarni]

بالف و750 سلامات تربيط والا ايش هذا الله يبقي لنا في التكارنة في جدة تربيط من الصدام الى الصدام ب150 ريال ولا يفوتك نزعل فوق هذا وتسلتم سيارة زي الحلاوة

[ولد العرينات]

الله يعوض عليك اخوي انا اربط عند ورشة العتيبي اللي كان مشرف عليها ممدوح الكردي الله يرحمه

والحين صار بهجة المصري وشغلهم زي الفل

ابن مرضاح سبق وجيته وكانت اسعاره غالية جدا جدا ولا يهون النويصر

[nahham]

اذا تبون نصيحة
فيه هنود تلاقي هندي واحد بس في ورشة يربط تمااااااااااااااااااااااااااااااام وهادي وشغل صح ورخيص
وياكثرهم في الصناعية القديمة

[المهاجر انا]

كانو والان وكانو فعل ماضي كلش تغير

[فيصل التميمي]

للاسف من بعض الورش قبل الشهرة والزبائن اسلويه محترم مع الزبائن وبعد الشهرة تراه يكلم الزبون بطرف خشمة وشغل مش حالك واسعار فوق الخيال

[هوندا 0770]

الله يكون في عونك
ومشكور على المعلومة

[ابوصالح77]

ليه التربيط

[VIP-503]

ليه التربيط

عشان هذا قرقعه في داخل سياره روح بعدين ايجي تربيط مره كويس :D

[قناص*07]

ليه التربيط



هذا ما هو لنا يا بو صالح
التربيط للنياسين و الامريكي


التويوتا ما يحتاج تربيط الا بالنادر

[معشوقي الصمان]

صدقت بن مرضاح غالي مررررررة