الفاينل
25/12/2010, 06:37 AM
بسم الله الرحمن الرحيم
السلام عليكم ورحمة الله وبركاته
اسعد الله اوقاتكم بالمسرات
يوم من الايام طلعت انا وخويي للبر وجلسنا بظل شجره كان الوقت صيف حزة عصريه
قلنا بنتكي هنا ونشب ضونا ونزين قهوتنا وبتستوي السمره بعد العشاء
المهم قبل المسرا خويي طبعا من الفضاوه ماهو بعمد يولع عود الكبريت ويرمي وراه
ماخذينا شوي الا يوم شبت الشجره حاولنا نكب عليها تراب مافيه فايده تقول ماصدقت خبر
بعد التعب لمينا عزبتنا وشلنا اغرضنا وحركنا وحنا في خط الرجعه
وناظر الى والله يا الدخنه تشوفها من قوة لسان النار ويعلم الله على بعد مسافه ما اقدر اذكرها لكم لاتقولون وسيعه شوي
المهم دارت الايام ونسينا السالفه وجاك الربيع وطلعنا انا وخوي نفسه يعلم الله
وحنا نتمشى في البر والربيع اللي يسر النظر وناوي على تكيه ونومه بعد دوام يوم الاربعاء وعلى طول المسافه اللي مشينها في البر ماوقعنا بشر اعمالنا
الا على بعد مايقارب عشره امتار عن الشجره المحروقه وكان الوقت قبل المغرب بدقايق
وخويي اللي يسوق على كبر العرق الا انه ماشافه وتعلق السياره
قعدنا نحاول مايقارب ساعتين انها تتحرك مافيه امل قلنا بعد الاستسلام وراء ما نتكي هنا
شبينا الضو وبعد نص ساعه بدت انفسنا تقلق محنا مرتاحين ومجبرون على المكان
وسيارتنا ماندري وش مصيرنا معها وبعد طول محادثات وخطط اتفقنا ان نزيد الحطب وندور على احد ينقذنا
طبعا ليل مافيه ضو قمر يعلم الله انك تحط ايدك قدامك ماتشوفها
المهم ولعنا الكشافه واتفقنا اننا نحدد مكان معين نمشي فيه عشان اذا ماوجدنا احد نقدر نرجع
والحمدلله بعد اقل من كيلو وجدنا اثر غنم مشينا ورا الاثر لين وجدنا زريبه وجمبها طير شلوى جمس حمر 454
دخلت السعاده قلوبنا من الفرحه ونصيح عليهم وطلع لنا هندي قلنا مافيه احد قال فيه بابا قلنا ناده نبيه شوي
الا والله ذاك الشايب اللي عمره من الستين الى السبعين قلنا نبي الفزعه قال والله الموتر مفتاحه مع ولدي وولدي رايح مع ربعه كشته مهوب جاي الى الجمعه
لكن علموني وين مكانكم وبيدبرها الله ارتحنا شوي وصار معنا شايب اذا مادلنا على غيره عزالله ما بنهده معه الين الله يفرجها حتى لو نستنى ولده للجمعه
المهم مكان في ذا البر الخالي الرجال جا وشاف السياره قال انتم عميان عرق وش كبره ماشفتوه قلت في نفسي لو تدري ان طحنا فيه من العصر وش بتقول
قال مالكم الى سحب ولا هو باي سحب لكن روحو لبو صالح وحدد لنا الاتجاه وقال يمكن على 5بعد كيلو
جيت بروح مع خويي قال لا خويك معه الكشاف وخله يروح وانت بعطيك كريك واحفر اللين يجي خويك وقال لخويي دربك سمح مايحتاج اثنين
قعدت احفر وهو يوجهني تعال منا سوى كذا تعبت وارتحت شوي
قلت له خوي تاخر صار اكثر من ساعه قال الغايب عذره معه وبدا يعطيني اعذار عند الربع احتمال هي اللي اخرتهم بعد الساعه الثانيه
قلت مايبيلها بروح لخويي يمكن صار له شي قال لا خلاص انت اتتجه للجه الفلانيه وبتلاقي مصري قله مرسولك من ابو مطلق وتعال انت وياه ياتصل انت ولا خويك اول
صرت في حيره اروح لخوي ولا اروح للمصري والمشكله ظلام ولامعي كشاف والله اني على عماها
قررت اني اروح للمصري مع دعواتي لخويي بالسلامه
والله اني كل ما اتذكر روحت للمصري اني اقول لحالي اني كنت مغيب وعقلي مو معي كيف رحت وانا ماني داري وين بروح
بعد يمكن ثلاثه كيلو بديت اسمع اصوات ضحك ارتحت شوي وحسيت اني قريب ومشيت لي زياده كيلوين
الا انا بصندقه واضح انها مهجوره من سنين والاصوات اللي كنت اسمعها اختفت
وقفت شوي عندها وانا اسمع صوت باتجاه معاكس ناس تسولف وروح باتجاه الصوت وامش والله مسافه ماهي بهينه
ولا دريت الا وهذا الشي اللي ضرب على صدري بغيت انجن وش ذا اللي ضربني على صدري واحط ايدي
الا واتاريه صيخ حديد لشبك وانزل من تحته الا والله احس بالاغنام والله اني ماشوفها ماغير احسها واشم ريحتها
واصيح باعلى صوتي يامصررررري يامصررررري ولا احد يرد ابي اشوف وين يرقد وبروح يمه لكن ما شوف شي
قلت باتجول للين احصل غرفته ولا خيمته بعد مافريتها كلها مالقيت اثر
شوي يالربع والله الذي لا اله الا هو ان كنت اسمع بهذي العباره وماعرفت معناها الا ذيك الحزه قسم بالله انها شبت الحراره من قدمي اللين حسيت ان شعر راس وقف من صوت الكلب يوم نبح
وانا احط رجلي ويعلم الله اني ماتوجهت ان الله هو اللي وجهني للعوده اما انا والله اني ماشوف قدام عيوني شبر من شدة الظلام
اللين وصلت ويعلم الله اني الى هذه الحزه ما اعلم كيف وصلت ولا اذكر تفاصيل العوده الى السياره
المهم اني وصلت ومجرد ماشافني خويي جاني يركض ويلقطني ويحظني وحسيت انها بيصيح لانه كان خايف علي يوم وصل ومالقاني وتاخرت
وادفه كله خوف اني اصيح ويجيني انهيار عصبي من هول ماريت واروح للسياره ولقيت ابوصالح والشايب وكم مصري جابهم ابو صالح الله يوفقهم جميع
ونقعد مايقارب ساعه ونص اللي طلعت السياره قرب الفجر ونتشكر لهم ونطلع على البيت يوم وصلنا الزفلت
قلت لخويي وقف بطير الشراب الله يكرمكم وانا قصدي شي ثاني ابي اتنفس حسيت اني كنت بقبر وطلعت
جاني وهداني شوي وركبنا السياره وتوكلنا على الله واتجهنا على البيت
واسف على الاطاله لكن ان عجبتكم القصه بعطيكم غيرها ومع نفس الشخص ذا خوي درب من الطفوله ووالله انها كثيره وفيها خطوره ايضا
السلام عليكم ورحمة الله وبركاته
اسعد الله اوقاتكم بالمسرات
يوم من الايام طلعت انا وخويي للبر وجلسنا بظل شجره كان الوقت صيف حزة عصريه
قلنا بنتكي هنا ونشب ضونا ونزين قهوتنا وبتستوي السمره بعد العشاء
المهم قبل المسرا خويي طبعا من الفضاوه ماهو بعمد يولع عود الكبريت ويرمي وراه
ماخذينا شوي الا يوم شبت الشجره حاولنا نكب عليها تراب مافيه فايده تقول ماصدقت خبر
بعد التعب لمينا عزبتنا وشلنا اغرضنا وحركنا وحنا في خط الرجعه
وناظر الى والله يا الدخنه تشوفها من قوة لسان النار ويعلم الله على بعد مسافه ما اقدر اذكرها لكم لاتقولون وسيعه شوي
المهم دارت الايام ونسينا السالفه وجاك الربيع وطلعنا انا وخوي نفسه يعلم الله
وحنا نتمشى في البر والربيع اللي يسر النظر وناوي على تكيه ونومه بعد دوام يوم الاربعاء وعلى طول المسافه اللي مشينها في البر ماوقعنا بشر اعمالنا
الا على بعد مايقارب عشره امتار عن الشجره المحروقه وكان الوقت قبل المغرب بدقايق
وخويي اللي يسوق على كبر العرق الا انه ماشافه وتعلق السياره
قعدنا نحاول مايقارب ساعتين انها تتحرك مافيه امل قلنا بعد الاستسلام وراء ما نتكي هنا
شبينا الضو وبعد نص ساعه بدت انفسنا تقلق محنا مرتاحين ومجبرون على المكان
وسيارتنا ماندري وش مصيرنا معها وبعد طول محادثات وخطط اتفقنا ان نزيد الحطب وندور على احد ينقذنا
طبعا ليل مافيه ضو قمر يعلم الله انك تحط ايدك قدامك ماتشوفها
المهم ولعنا الكشافه واتفقنا اننا نحدد مكان معين نمشي فيه عشان اذا ماوجدنا احد نقدر نرجع
والحمدلله بعد اقل من كيلو وجدنا اثر غنم مشينا ورا الاثر لين وجدنا زريبه وجمبها طير شلوى جمس حمر 454
دخلت السعاده قلوبنا من الفرحه ونصيح عليهم وطلع لنا هندي قلنا مافيه احد قال فيه بابا قلنا ناده نبيه شوي
الا والله ذاك الشايب اللي عمره من الستين الى السبعين قلنا نبي الفزعه قال والله الموتر مفتاحه مع ولدي وولدي رايح مع ربعه كشته مهوب جاي الى الجمعه
لكن علموني وين مكانكم وبيدبرها الله ارتحنا شوي وصار معنا شايب اذا مادلنا على غيره عزالله ما بنهده معه الين الله يفرجها حتى لو نستنى ولده للجمعه
المهم مكان في ذا البر الخالي الرجال جا وشاف السياره قال انتم عميان عرق وش كبره ماشفتوه قلت في نفسي لو تدري ان طحنا فيه من العصر وش بتقول
قال مالكم الى سحب ولا هو باي سحب لكن روحو لبو صالح وحدد لنا الاتجاه وقال يمكن على 5بعد كيلو
جيت بروح مع خويي قال لا خويك معه الكشاف وخله يروح وانت بعطيك كريك واحفر اللين يجي خويك وقال لخويي دربك سمح مايحتاج اثنين
قعدت احفر وهو يوجهني تعال منا سوى كذا تعبت وارتحت شوي
قلت له خوي تاخر صار اكثر من ساعه قال الغايب عذره معه وبدا يعطيني اعذار عند الربع احتمال هي اللي اخرتهم بعد الساعه الثانيه
قلت مايبيلها بروح لخويي يمكن صار له شي قال لا خلاص انت اتتجه للجه الفلانيه وبتلاقي مصري قله مرسولك من ابو مطلق وتعال انت وياه ياتصل انت ولا خويك اول
صرت في حيره اروح لخوي ولا اروح للمصري والمشكله ظلام ولامعي كشاف والله اني على عماها
قررت اني اروح للمصري مع دعواتي لخويي بالسلامه
والله اني كل ما اتذكر روحت للمصري اني اقول لحالي اني كنت مغيب وعقلي مو معي كيف رحت وانا ماني داري وين بروح
بعد يمكن ثلاثه كيلو بديت اسمع اصوات ضحك ارتحت شوي وحسيت اني قريب ومشيت لي زياده كيلوين
الا انا بصندقه واضح انها مهجوره من سنين والاصوات اللي كنت اسمعها اختفت
وقفت شوي عندها وانا اسمع صوت باتجاه معاكس ناس تسولف وروح باتجاه الصوت وامش والله مسافه ماهي بهينه
ولا دريت الا وهذا الشي اللي ضرب على صدري بغيت انجن وش ذا اللي ضربني على صدري واحط ايدي
الا واتاريه صيخ حديد لشبك وانزل من تحته الا والله احس بالاغنام والله اني ماشوفها ماغير احسها واشم ريحتها
واصيح باعلى صوتي يامصررررري يامصررررري ولا احد يرد ابي اشوف وين يرقد وبروح يمه لكن ما شوف شي
قلت باتجول للين احصل غرفته ولا خيمته بعد مافريتها كلها مالقيت اثر
شوي يالربع والله الذي لا اله الا هو ان كنت اسمع بهذي العباره وماعرفت معناها الا ذيك الحزه قسم بالله انها شبت الحراره من قدمي اللين حسيت ان شعر راس وقف من صوت الكلب يوم نبح
وانا احط رجلي ويعلم الله اني ماتوجهت ان الله هو اللي وجهني للعوده اما انا والله اني ماشوف قدام عيوني شبر من شدة الظلام
اللين وصلت ويعلم الله اني الى هذه الحزه ما اعلم كيف وصلت ولا اذكر تفاصيل العوده الى السياره
المهم اني وصلت ومجرد ماشافني خويي جاني يركض ويلقطني ويحظني وحسيت انها بيصيح لانه كان خايف علي يوم وصل ومالقاني وتاخرت
وادفه كله خوف اني اصيح ويجيني انهيار عصبي من هول ماريت واروح للسياره ولقيت ابوصالح والشايب وكم مصري جابهم ابو صالح الله يوفقهم جميع
ونقعد مايقارب ساعه ونص اللي طلعت السياره قرب الفجر ونتشكر لهم ونطلع على البيت يوم وصلنا الزفلت
قلت لخويي وقف بطير الشراب الله يكرمكم وانا قصدي شي ثاني ابي اتنفس حسيت اني كنت بقبر وطلعت
جاني وهداني شوي وركبنا السياره وتوكلنا على الله واتجهنا على البيت
واسف على الاطاله لكن ان عجبتكم القصه بعطيكم غيرها ومع نفس الشخص ذا خوي درب من الطفوله ووالله انها كثيره وفيها خطوره ايضا