المساعد الشخصي الرقمي

مشاهدة النسخة كاملة : خدمه من اهل الرياض


بندرالحسني
25/12/2010, 08:00 PM
السلام عليكم ورحمة الله وبركاته
ابحث عن ورشه ممتازه
1-فورد ونيت 350f
2-دوج دورانقوا
عندي هالموترين وابي اصلح فيها بعض الاشياء
اللي يعرف ورشه طيب الله يجزاه بالخير
علما اني ساكن قريب من جامعة الملك سعود
nahham
25/12/2010, 08:05 PM
وعليكم السلام ورحمة الله وبركاته

بالنسبة للفورد فيه ورش جنب بعض وافضلها ورشة الشام باشراف فني يماني اسمه ابو عادل ممتاز وموقعه في اول شارع الجمعية في الصناعية القديمة

اما الدوج فالمعذرة والله مااعرف عنه شي لان سيارتي فورد

اتمنى اكون افدتك
بندرالحسني
25/12/2010, 08:43 PM
الله يجزاك بالخير
الوصف ماهو واضح انا من اهل المدينه وغشيم بشوارع الرياض
ياريت توضح بارك الله فيك
مقطع العروق
25/12/2010, 08:46 PM
بالنسبة لاخونا قصده امتداد طريق الخرج شمال

وبالنسبة لي تحكمها بنوعية اعطال سيارتك فممكن تحدد لنا المكان واي وصف تحتاجة بالرياض اخدمك طول ما انا اقدر
موفق
a.الخثلان
25/12/2010, 08:48 PM
انت بتظيف تحسينات او بتصلح خرابات
مجرد وسم
25/12/2010, 09:00 PM
شغلك الكتروني وكهرب اذا كان كذا فيه واحد اقرب بصناعية على بن على بام الحمام

واذا كان ميكانيكا تفرق وحتى المكيانيكا هل هي قير او مكينة او اضافات او تعديل
اسدهم
25/12/2010, 09:00 PM
اخوي واحد من اشباب معه درنجو ونا شخصيا كنت معه ولفينا الرياض من جميع الصناعيات وحصلنا واحد منخصص لدرنجو والكليزلر اسمة المطويع له تشليح وورشة
nahham
25/12/2010, 09:04 PM
الله يجزاك بالخير
الوصف ماهو واضح انا من اهل المدينه وغشيم بشوارع الرياض
ياريت توضح بارك الله فيك

هلا اخوي

اكيد تعرف الدائري
تروح مع الدائري الشرقي وتاخذ مخرج 17 طريق المدينة المنورة باتجاه الغرب وتستمر حتى تنزل مع النفق وتستمر اول اشارة وثاني اشارة وتعود يوتيرن مع ثالث اشارة وتلف يمين مع اول شارع وتستمر حتى اول تقاطع روح يسار كل الورش اللي يمينك متخصصة فورد ومن ضمنها ورشة الشام وهي على شارع الجمعية

اتمنى وضحت لك المكان
بندرالحسني
25/12/2010, 09:46 PM
وافين وبياض وجه
الفورد تهريب زيوت من الصوفه والجنط الايمن يهرب شحم
الدرانقوا ربرات العكوس واليوم بس فيه شي غريب اذا حطيته على D ينتع بقوه وادعس بنزيم يرتفع انبير الضغط ولايمشي اللي بشويش وبعدها يفك عادي
مقطع العروق
26/12/2010, 03:08 PM
وافين وبياض وجه
الفورد تهريب زيوت من الصوفه والجنط الايمن يهرب شحم
الدرانقوا ربرات العكوس واليوم بس فيه شي غريب اذا حطيته على D ينتع بقوه وادعس بنزيم يرتفع انبير الضغط ولايمشي اللي بشويش وبعدها يفك عادي

بالنسبة للعكس انصحك بميزان العضيب رقم 1

اسم الفني الفريدو
و
بووم
هذول للفحص
واللي يصلح هو باكستاني عندهم بس فنان

وهذا عن تجربة بشكل دائم
وبالنسبة النتع بقوة هذا بالغالب يكون بسبب الدفرنس
وانت تدعس ولا يمشي هذي الغالب من القير
ولكن تخصص قير ياكثرهم بالصناعية القديمة بس والله ماجربت ولا واحد
والله يسهل عليك