اخوان غنم الوالد مسروقه من مزرعة في وراط في سدير نعم عددها 17 نعيم

[مراسل وراط]

اخوان غنم الوالد مسروقه من مزرعته في وراط في سدير نعيم عددها 17 نعيمي فيها صغار 3عدد الي سارق معه جيب شاص امس باليل ارجو الي عنده معلومات وفيها 2 فحل كبير

[سديرآوي]

حسبي الله ونعم والوكيل ..

الله يصيب هالحراميه الي ماخلو شي من حلال المسلمين ..

السيارات والبيوت والفلوس والغنم وحتى البزران !!!

لكن مالنا غير نقول الشكوى لله ..

والله يعوضكم خير والله الله بالدعااااااااااء وان شاء الله ترد لكم ..

وكلمو الشباب والعمال الي حول مكان الغنم واعرضو عليهم مكافأة لو 500ريال

للي يلقاهن لعلهم يساعدونكم او يدلونكم ..

واما هالحراميه الله يهدي الي فيه خير ويصلحه .. وياخذ الي فيه شر ويلعنه ..

ولو حكم قطع اليد يطبق والله ماتشوف احد يسرق وكلن بيقمط على يده ..

لكن الله يعيننا بس ..

مع خالص تمنياتي ودعواتي لكم ان الله يوفقكم للعثور عليها ..

[قمرا]

دورهم بأقرب سوق غنم حوالين المكان فالأبعد والأبعد
لأنه ماأخذهم الأ يبي قروشهم
وإمعوضين خير يارب

[مراسل وراط]

الله يجزاك خير ياساراوي وياقمرا

[أبو نـآيف]

دورهم بأقرب سوق غنم حوالين المكان فالأبعد والأبعد
لأنه ماأخذهم الأ يبي قروشهم
وإمعوضين خير يارب



السروق مايسرق الا وضامن المشتري

وان لقيته فالسوق فهو سقيم

[أطلال نجد]

حسبنا الله ونعم الوكيل
مثل ما قال أخوي سديرآوي
كلموا الشباب والعمال وأعرضوا عليهم مكافأة مالية مجزية عند العثور عليها

دعواتنا لكم

[مراسل وراط]

الله يجزاكم خير يا أخوان والله لايريكم مكروه

[ناصر]

اخوي الله يردها لكم .. وحسبنا الله ونعم الوكيل
ابدا مع العماله .. حول المزرعه البنقاليه وغيرهم اسألهم وحقق معهم
بعض العماله ..مثل حاميها حراميها .. يبلغك ويجلس يصايح مسوي حزين ومتأثر
وهو سارقها او مشترك في سرقتها

[تيرنيدو]

الله لا يربحهم حلال المسلمين حسبنا الله فيهم
عموما يا غالي حط في بالك انه ما راح يبيع باقرب سوق راح يطلع للسوق اللي بعده
والا بايعه على واحد ينتظره
وهذي نهايه البطاله

[ابوصالح3]

الله يعوض عليكم

ويجمد الدماء في عروق المفسدين بالارض

[هواوي ملهم]

الله يردها لك ان شاءالله

[الصمان 2]

لاحول ولاقوة الا بالله



الله يردها لكم سالمة .




.

[broly]

وعليكم السلام ورحمة الله وبركاته
الله يرد ضااالتك

[مراسل وراط]

الله يسلمكم جميعا ياخوان

[alwssam6]

حسبي الله ونعم والوكيل اللهم رد ها عليكم

[CoLumBuS]

والله ترى البنقاله فيهم خير كلمهم وعرض عليهم مكافئه اكيد راح اساعدونك او حط اعلان غنم مسروق واعرض المكافئه
حسبنا الله ونع الوكيل

[مراسل وراط]

الوالد ماعنده بنقاليه ماعنده الا هنود والهنود شكلهم امينين وعرضنا لهم مكافئة بس مااحد عنده خبر

[سموالمرقاب]

اهم شي بلغوا عنها مركز الشرطه احسن لعل وعسى وانا من الديره وانسرق بيت الشعر وبلغت والله عقله والحمدلله والله يعقلها والله يعوضك باطيب منها وتقبل مروري

[أبو نـآيف]

الله يكون بعونكم ..

[عاشق الماركيز]

يالله انك لاتوفقهم حتى المزارع ماسلمت عليك بالدعا ياخوك هذولاي مايخافون ربهم موتهم ابرك حياتهم الله يشل ايدينهم ويعذبهم ويقهرهم زي ماقهرو الناس بحلالهم

[ابوناهض.]

ياخوي وش خلو ذولي بلد الامن والامان يصيربها كذا ؟؟؟؟؟؟ والله حاله ياخي والله لوتقطع يدي السارق طلاق ماتلقا واحدن يسرق الله يصلح من فيه خير ويلعن من فيه شر وياخذه.. الله يعقلها ونا خووك دور بسوق الغنم وقل للربع الي حولك يدورون معك وعرض مكافئه ماليه ..اللهم رب الضاله رد الضاله اااميين

[وسم 96]

شف أخوي لابغيت تلقاها


1- الحرامي موب بايعها في اليوم الي بعده


2- يبيعها عقب كم يوم


3- اذا باعها مايبيعها دفعه كامله على حبه حبه


4- فكل يوم فر الأسواق الي حولكم وشيك ;)

[قلم الجريح]

الله يرده لك ان شاء الله :)

[راع القنص]

الله يرده لبوك سالمة غانمه

[راعي الحسي]

ويش العامل تلقاها حوله
اذا بنقالى فهم اكيد سعوديين تعرفوا عليه واكيد يعرفهم خاصة وانت قلت جيب

اذا سودانى تلقا الحرامية سودانية وتلقاهم اهل ديانا

لكن دققوا مع الراعى

حسبى الله على الحرامية

والله الناس عزلوا من تربية المواشى علشان هالحرامية اللى ما لقوا من يعاقبهم
والعتب على الشرطة
لو كل حرامى يمسك ويعاقب كان مالقيت حرامية
اللهم احفظ بلدنا من شر اللصوص بجميع انواعهم واشكالهم واهدافهم