هل لو طلبت دربيل صيد من اماازوون يدخل للسعووديه بدوون مشاكل من الجمارك ونحووه

[s.a]

بسم الله الرحمن الرحيم


السلام عليكم ورحمة الله وبركاته


طلبت من واحد يطلبلي 2 درابيل صيد من المووقع الالكتووني من اماازوون

واخبرني انها ممكن لاتدخل وانه لايتحمل المسؤؤؤليه في حال تم مصادرتها من قبل الجمارك اوووو نحوووووه

هل ........... بالفعل هناك اشكاليه في دخوولها للمملكه
هذا السؤال فقط شكرا جزيلا لكم


وهذا رابط الدرابيل

1- http://www.amazon.com/Tactedge-4X32-Mini-Mil-Dot-Scope/dp/B001WIUF1I/ref=pd_sbs_sg_4



2- http://www.amazon.com/UTG-lden-Image-Green-Sight/dp/B001BQZSZ4/ref=sr_1_6?s=sporting-goods&ie=UTF8&qid=1293243393&sr=1-6



حبيت استفسر عن مستوواهم واذا تنصحووني بشي اخر يكوون سعره كوووويس

وهل يتم دخوولها وتوصيلها لجده دووون اي مشاكل من الجمارك اووو نحوووووه




مرة اخررى شكرا لكل من يقراأ اوو يشااااااارك بالمووووووضوووووع مقدممما :good2:

[ali q]

وعليكم السلام
انا نفس الوضع طلبت من امريكا مع واحد بس يقول لي عادي بتدخل السعودية لانها نفس الي تنباع هنا بس بربع السعر

[swead]

احتمال 90 % ما تدخل .. لأنه اي قطعه تابعة لأي سلاح ولو كان تلبيسه يصادرونها ..
فنصيحة .. لا تغامر وتتحطم مثلي ..

[s.a]

يعني نمشي بالمثل اللي يقوووول : (( أبعد ع الشر وغنيلـــــه )) هههههه:D:D


وإلا نواصل عملية الشرااء :rolleyes::type:

[فهد33]

حلو هالدربيل لكن كم سعره ؟
http://img220.imageshack.us/img220/5176/51ome86be7lsl500aa300.jpg

[ابومعتز99]

من راي جرب واطلب واحد وشوف وش يصير

[برادو97]

احتمال 90 % ما تدخل .. لأنه اي قطعه تابعة لأي سلاح ولو كان تلبيسه يصادرونها ..
فنصيحة .. لا تغامر وتتحطم مثلي ..
:good::good:

[ابو صقر 111]

حدد معنى دربيل الصيد فأذا كنت تقصد الدربيل المعروف فما فيه مشكله وسبق ان طلبت ووصل لي وأذا كنت تقصد ناظور بندقية الصيد فليس عندي علم وشكرا

[moog2006]

السلام عليكم ورحمة الله وبركاته
العلم ياطالب العلم شختك بختك اذا والله هالدربيل مر على واحد راعي قنص وصيد وخابر اسعارها هنا راح يمشيه واذا لاوالله راح يمنعه ولا ارجم بالغيب اذا قلت ان 85% من موظفي الجمارك لا يعلمون عن تبنيد الدربيل حتى يعلم ان كان ممنوع او مسموح .

[عبدالله الضويان]

اخي الكريم اطلب وانت مرتاح
انا طلبت دربيل بندق من امازون ونوعه ليبولد
واخذ عشرين يوم ووصل ولا قالو فيه اي شي
واصلا هو ماهو ممنوع عندنا

[البرق999]

ممنوع اخوي طلب الدربيل من النت بالنسبة لي طلبت من الأمازون ولما وصل صندوق بريدي في إمريكا عن طريق شركة أرامكس كتبوا على الشحنة محضور وتصادر علي .
سالت مندوب خدمات العملاء في شركة أرامكس وطلبت منه رفع الحضر عن الشحنة طلب مني تصريح من الداخلية .

تصريح يسمح لك بإستراد درابيل وقطع غيار سلاح .

[ابو نعمه]

والله على حسب الموظف

انا طلبت قبل فتره دربيل نظر و مجموعة ليزر لوزن البندق و قواعد درابيل
و قال لي موظف ارامكس احتمال تروح عليك

و الحمد لله وصلوني و كل شي تمام

و سمعت عن ناس انه تصادر عليهم و الله اعلم

[ابو سمسم]

بالنسبة للدربيل الثاني موجود بالسعودية وماهو غالي

قبل اسبوع شفته مع واحد من الربع يقول مايركب على الناري لان قاعدة كبير ولاتتغير يركب على البلجيك والرشاش والشي الثاني صليبة الي بداخله باليزر ولا انصح فيه

[عقاب11]

السلام عليكم ورحمة الله
انتبه لهذه العبارة الخسارة
عقد في الجمارك -- في انتظار التفتيش
صديق يبيع الدرابيل في كل مكان بالسوق بالبسطات
الروس الحجاج يجبون كمية كبيرة من الدرابيل المقلدة اليلية
((((((((مواطن سعودي ممنوع كل شي ممنوع هالحين لو تقول سلام قلت ممنوع تعودت))))))
انا طلبت درابيل لبولد في فترات وكانت تجي مافي مشكل من شهر أكلها مستر فوجي وصادرو علي
شحنتين متفرقات لالالالالالا تطلب ترى الخسارة سم الموت الله يخلف 4000 راحت

[المنتهي2000]

الله يعينك

[alwssam6]

مثل ما قالوا الاخوان خلك بعيد حبك يقل ههههههه

[هوايتي مكشات]

تاكد قبل توهق...

[mrayman]

والله ياخوي ياما جربنا وياما مشي وياما تصادر ولكن في الاغلب تتصادر ويطلبون فسح من الداخليه

[بن مرزوق]

اخويs.aانا للاسف ما عندي خلفية عن الجمارك ولكن لو تكرمت كم يكلف وان شاء الله انه مسموح بالتوفيق للجميييييييييع

[بن مرزوق]

بالتووفيق وشكرا

[ابو نعمه]

لا تجيبه عن طريق البريد السعودي

شوف لك شركه مثل ارامكس او myus

[ali q]

ادخل موقع الجمارك وشف وش الي ممنوع ولي ماهو ممنوع

[الكَنْدَرة]

انا قد طلبت قبل سنه وصادروه

[راعي عدلى]

ان كان سعرها غالي لا تغامر من 500 وتحت جرب والله يسهل عليك

[ايكوم2002]

ريح نفسك واشتر من هنا ولو ب اغلا
ابقولك وش صار معي
طلبت درابيل عاديه وتصادرت
طلبت دربيل بدون زوم للساكتون وتصادر
طلبت كشاف وتصادر
اخر مره تصادرت مني اغراض ب 14000
طبعا على حسب المفتش مره من المرات طلبت وانا ومجوعه شباب 25 دربيل ووصلتني بدون مشاكل ومره طلبت 8 وتصادرت

[ابوماجدد]

أنا طلبت جهاز ليزر لتوزين الخرازة وتصادر علي بأمريكا لما جاء لصندوق البريد هناك فما بالك بمناظر الصيد

[المتميز 911]

أنت وحظك 50% تجي و 50% تصادر

إذا بتغامر غامر وأطلب واحد إذا كان سعره ماهو غالي
وياكثر ماصادروا علي