مساعد في القز الي يشتغل على القاز

[ولد سعد]

السلام عليكم
اخواني انا عندي قز شارية من زمان و لا شغلتة ابد وطلعتة هذي الايام ولقيت جلبة النفخ خرانة ولا ادري هل هي تباع عندنا مع العلم انا في في سدير وهذي صور له

http://www.mekshat.com/pix/upload04/images195/mk105781_2.jpg


http://www.mekshat.com/pix/upload04/images195/mk105781_1.jpg

[ابو سيـف]

يامرحبا
باين ان القز صناعه سورية
وارجو ان تنتبه منه لانه خطير
وإذا كان ما حصلت له جلب عند المحلات
حاول تبحث في محلات قطع غيار السيارات بتحصل نفس المقاس
ان شاء الله
تحياتي وتقديري ،،،

[ابوفهيدان]

شكله قديم جدا
بس اتوقع ان له قطع غيااار بديلة
شف محلات الجلب والربلات بالصناعية
عندي نفسه جديد وصناعة فلبينية للحين بكرتونه
وماعمري جربته

[ولد سعد]

اخوي ابوسيف مرحبابك اية القز سوري و الله يجزاك خير على النصيحة
اخوي ابوفهيدان مالك لوى اخوي انا شارية يمكن من 5 سنوات
بس اخواني الربلة جياة زي الكاس مدري لو ربلة مبسوطة تنفع

[فارس ولدي]

ولد سعد


الله يرضى عليك


ان كانك من اهل الرياض


عندك في سوق الزل محلات يبيعون ويصلحون قزوز


ان شاء الله راح تحصل عندهم هالجلبه


وانت جاي من طريق الملك فهد متجه للمحكمة


واذا وصلت إشارة المحكمة الكبرى لف يسار متجه لسوق الزل بيجيك بنك الراجحي يسار وبعدة يجيك بنك الأهلي برضو يسار


تلقى المحلات تقريباً في الجهه المقابلة (_ يعني على اليمين _)


.............


وان كان سوق الزل بعيد عنك
ارسل رسالة على الخاص لملك الترهيمات


سرهيد وان شاء الله تلقى منه ما يسرك

[المزوووح]

الله يكون بعونك

[زمن عدى]

انا اتفق مع اخوي ابو سيف
بالنسبه للصناعة ، اما فيما يخص قطع الغيار
فلا اعلم عنها شئ