طلقة شوزن غريبه..؟!

[روحي شماليه]

السلام عليكم ورحمة الله وبركاته

تحيه طيبه وبعد .....

اليوم وجدت هذي الطلقه ضمن الاغراض القديمه في المستودع

وبصراحه ماقد شفتها او سمعت عنها ويتضح لي انها صناعه (سعوديه) او ماشابه.؟

حيث ان الطلقه مكتوب عليها (المملكه العربيه السعوديه) ومرسوم عليها الشعار

وبالنسبه للنحاسه لم أصورها بسبب ردائة التصوير من الجوال ومنحوت عليها

اسم المملكه والشعار ورقم 13

اترككم مع الصور وانتظر إفادتكم...



http://up.arab-x.com/Dec10/fQ823404.jpg (http://up.arab-x.com/)

http://up.arab-x.com/Dec10/8E923404.jpg (http://up.arab-x.com/)

http://up.arab-x.com/Dec10/luY23404.jpg (http://up.arab-x.com/)

اسف على الاطاله
ودمتم بود

[فى ضيافتهم]

بارك الله بك فعلا غريبه وممكن تكون تصنيع محلى سابق وانقطع من السوق بسبب توفر الافضل

[رشيد22]

يعطيك العافيه اخوي شكلها غريب اذكر الفشق السعودي لونه اسود وفيه ثلاث رصاصات

[ابو مقعد511]

الفشق ذا قديم (قرطاس) وانقطع وصناعة سعوديه..

[ابو سفيان]

هذا الرصاص قديم وحتى غالبن ما يثور وان ثار ما يرش بعيد حيل
هذا كان يعبونه تعبيه لانه كان على ايامها مافيه فشك واجد يجي كثير
والحين انقطع
تقبل مروري وتعليقي

[عبـرود]

ام الكبسة قرطاس :eek:

[روحي شماليه]

بارك الله بك فعلا غريبه وممكن تكون تصنيع محلى سابق وانقطع من السوق بسبب توفر الافضل
فعلا كلامك في محله
شاكر لك مرورك

يعطيك العافيه اخوي شكلها غريب اذكر الفشق السعودي لونه اسود وفيه ثلاث رصاصات
يمكن تكون نفسه لاكن عيار اخر
شكرا على المعلومه والمرور الطيب


الفشق ذا قديم (قرطاس) وانقطع وصناعة سعوديه..

يعطيك العافيه على الافاده
شاكر لك مرورك يابومقعد

هذا الرصاص قديم وحتى غالبن ما يثور وان ثار ما يرش بعيد حيل
هذا كان يعبونه تعبيه لانه كان على ايامها مافيه فشك واجد يجي كثير
والحين انقطع
تقبل مروري وتعليقي
ياهلا ابو سفيان اصلا شكلها الخارجي يقول والله ماراح تثور :)
شكرا على الافاده والمرور العطر

ام الكبسة قرطاس :eek:
صحيح ومكتوب عليها رقم 2 ولا ادري وش المقصد
تحياتي لك

[الهديف]

هذا فشق مصنوع في الخارج خصيصاً للسعودية
يجي منه 36/4 و 36/2 و 36/1 ومتوسع
أغلب الموجود لايرمي وتالف لردائة الصناعة
وقدم أنتاجه حيث ورد ألينا منذ 1960 وحولها
يعني له خمسين سنة ويجي باكيتات 10 طلقات فقط
عندي منه كمية للاقتناء فقط

[عاشق مكشات]

عندي الله يقلعه فشق مخنز مايثور

[Abo gssar]

بصراحة حلوة نقشة السيفين والنخلة ..

[دنيا بلا معنى]

مصانع الخرج قديما الله يعاودها علينا ويرخص ويتوفر

[ابوفهيدان]

في سنة 1961 كانت الشوازن تباع في سوق البطحاء وكان يبسطون بها اليمانية كل يوم خميس الصباح
حسب كلام احد كبار السن وكان البيع مقتصر علي الشوازن وذخائرها وكان متوفر الفشق المحلي مثل ماعرضت وكان يعتبر ردئ لتوفر فشق الفام القرطاس البولندي (ابوغزال) هذاك الوقت
بعد ما اسسوا الحياة الفطرية تم منع بيع اسلحة الصيد واقفال المصانع ومنع الذخائر من الاستيراد

[اقوى الرجال]

اخوي هذا كان يصنع في المؤسسه العامه للصناعات الحربيه في الخرج

وخالي من الي كان يصنعون الفشق ويقول ان الفشق قوي جدآ جدآ بس كان تخزين الفشق في المستودعات دجه

في دجه يعني التخزين يبيله درجه رطوبه معينه ودرجه حراره معينه عشان كذا فسد البارود