سؤال عن هذه الدوافير وايها الافضل

[راعي الحقباء]

السلام عليكم يالربع انا ودي بدفور عينين من زمان للطبخ

وجازلي شكل هالدفورين لاكن الفعل انتم عاد تقررون

http://www.mekshat.com/pix/upload04/images194/mk23101_81-100728_l.jpg

الاول برونتون هذا ولاأعلم عن صناعته شيئا

-

http://www.mekshat.com/pix/upload04/images194/mk23101_primus22.jpg

والثاني البريموس الاحمر الصيني وانتم تعرفونه اللي بتوقيع اخوي سرهيد

[مفتون صيد]

هلا باخوي

والله في الحقيقة لو كان برونتون امريكي وقياساته ظافيه يعني موهب صغير مره راح اخذه على طول بدون تفكير بدل البريموس الصيني ... واركز على انه مايكون فيه تعقيد في شغله

[زمن عدى]

السلام عليكم
طبعاً انا مثلك لا افقه شي بهذه المواقد
ولكن باين بأن الاول (متين) يعني اقوي من الثاني
والله اعلم

[راعي الحقباء]

بيض الله وجيهكم يالربع وما قصرتوا على الرد

الله يجزاك خير يا مشرفنا العزيز على تدعيم الموضوع بالصور

لكن للحين محد عطانا علم وين خبراء مكشات وين ابو عبدالله أخوي سرهيد

الله يعطيكم العافية جميعا سواء اللي واللي ما رد

[سرهيد]

السلام عليكم

اطعلت على النوعين من قرب واستخدم البريموس الصيني وكلهم رائعة

وارى من نظرة ليست متفحصة ان البرونتون الامريكي وبريموس الصيني قريبي المواصفات من بعض

وقد طلبت امريكي من اجل الاطلاع عليه لاخذ المعرفة التامة عنه

تقبل مودتي

[راعي الحقباء]

هلا بالخبير ابو عبدالله

طيب هل البرنتون صناعته امريكية ؟

وانت عندك البريموس الصيني كيف الطبخ عليه وعند وضع التنميل عشان النثرية الشعلة ثابتة ام لا

أخوك

ابو عايش

[GM0C]

السلام عليكم ,

والله يآلغـآليَ أنا اسسمع عن البريموس افضضلَ #

[بوخليفه77]

والله ياخوي
انا مثلك والله اني اريدلي وااااحد وش عااارف وش اخذ وش الافضل
وانشاء الله يفيدوننا الاخوه اصحاب الخبره
تحياتي

[ابوصالح77]

ما شاء الله
ما لي خبره بمثل هالمواقد
لكن كل واحد أزين من الثاني
تقبل مروري

[ابو مطير]

نصيحة لوجه الله ابعد عن البريموس والكولمان بالذات

[راعي الحقباء]

جزاكم الله خير يالربع

ابومطير ليش ابعد عنها عطنا سبب

معقوله بس أخوي سرهيد هو اللي عطانا وجه ورد وين الخبراء

[ابو سيـف]

السلام عليكم ورحمة الله وبركاته
انا شخصياً مجرب النوع الثاني وهو البرايموس وبكل صراحه ممتاز
جداً اما النوع الاول ما قد جربته ولكن في كلام عليه بأنه ممتاز وقوي
وبالنسبة لقوة الشعله حسب علمي ان كلاهما نفس القوه
وهي : (12,000 BTU للعين الوحده )
يعني إذا بغيت تختار الدعوى تتوقف على شكل القز وماركته فقط


تحياتي وتقديري ،،،،

[راعي الحقباء]

ابو سيف ما قصرت يا غالي وبالنسبة للطبخ في البريموس كيف قوته لاني ايه للطبخ اهم شيء عندي وضع

التنميل عشان النثرية تطلع صح الصح

أخوك

راعي الحقباء

[سرهيد]

هلا بالخبير ابو عبدالله

طيب هل البرنتون صناعته امريكية ؟

وانت عندك البريموس الصيني كيف الطبخ عليه وعند وضع التنميل عشان النثرية الشعلة ثابتة ام لا

أخوك

ابو عايش


هلا بك اخوي الكريم ابو عايش

اعتقد انه امريكي ، مع ان شكله يوحي بانه صناعة صينية له نفس الشنط الاحمر ولكن لست متاكد من الأمر

اما بخصوص البريموس الشنطة ، فلا مشكل مع التنميل ابدا والوضع رائع وشعلته ثابته

وعذرا على التأخر في الرد

تقبل مودتي

[راعي الحقباء]

هلا والله بالغالي سرهيد وش دعوه يكفي انك ما تقصر مع اخوانك

مشكور وما قصرت يالذيب واذا تبي شي من امريكا مايرد الا كيبوردك اكتب ياللي بدك ياه

على فكره انا راح اطلبه عن طريق الموقع الامريكي cabela s عندي حساب هناك ولي خصومات