استشاره عاجله ودعوه في ظهر الغيب

[صقر المقانيص]

السلام عليكم ورحمة الله وبركاته

اريد شراء نيسان 93 ربع سلق من مبيعات الشرطه ماشي 195 بوديه مافيه سمكره لكن ممسوح خط الشرطه الازرق القديم ومتقشعه البويه في مناطق معينه من السياره
حالة السياره من ناحية مكينه قير ودبلات ومكيف واستماره وفحص ماشاء الله ممتازه

عيوب السياره :

تحتاج الى علبة دركسون اماميه تغيير (محجره )
تهريب في دودة الدركسون (تحت)
تهريب بين القير والمكينه
تهريب في طبه من طبات الماء
عداد البنزين مايشتغل
فيه صوت حنه من الكفر الامامي اندونيسي دعسة دنلوب مع انه جديد (لكن هذا كلام صاحبه ان الحنه من الكفر )
يحتاج كفرات خلفيه
سعر السياره معروض علي ب25
ارجو تقييم السياره مشكورين لأني سألت ناس قالوا لي 12- 15 وسألت ناس قالوا لي ياصل الى 28 وانا محتار جدا علما انني اريد استخدام السياره فترة الشتاء فقط ومن ثم بيعها ...
ابغا اعرف كم تسوى عند الشريطيه وكم تسوا عند المستخدم
وفق الله الجميع لما يحبه ويرضاه ..

ا

[مكتشف الهوات]

اهم شي :

مكينة
قير
دفرنسات
ضفاير الكهرب

[عالم المعالي]

الربع النيسان انو ع وانا لي معروض في المنتداء 91 باترول مسيوم 21


النظيف النيسان يسواء 28 لكن الذي ليس نظيف 12 واذا تبي

تستفيد اكثر اتصل على جوالي موجود في موضوعي

[m-a-z-d]

لا والله ما انصحك..

بتاخذه بـ 25 الف..
وتحط فيه ما لا يقل عن 5 آلاف...من تزيين التهريبات ,والبويه,والتنجيد,كفرات(تكرمون), وغيرها.....
(صارت 30 الف)

بتلقالك اجدد منه وانظف بهالسعر..


الله يوفقك بالدنيا والآخر..

[ابو فهههد]

والله اي سياره حكوميه تلقاها مكروفه كرف

[قرم العيال]

كل الي ذكرت به وبـ 25 الف تراك مغلوب يالغالي
واحسن شي انك شاروت .. مر الوكاله وشف بس كم يبي يكلف إصلاحات الاعطال الي قلت

غير انه حكومي ومكروف .

[سفاري959]

الي قالك 12 ما عطا السياره حقها وب 25 غالي على هالتصليحات الي يبيها انا اقول سعره ما يتعدى 18000 بالنسبه للي يبي يستخدم يعني لو حطيت فيه 5000 بيطلع عليك ب 23000 هذا سعره اتمنى اكون افدتك

[صقر المقانيص]

مكتشف الهوات (http://mekshat.com/vb/member.php?u=118446) بيض الله وجهك والله يوفقنا واياك

عالم المعالي (http://mekshat.com/vb/member.php?u=150505) الله يبارك فيك ويرزقك

m-a-z-d (http://mekshat.com/vb/member.php?u=133894) الله يجزاك خير والله انا كنت اقول نفس كلامك بس المشكله انهن قليلات ولا تلقى ..

ابو فهههد (http://mekshat.com/vb/member.php?u=193363) الله المستعان فعلا الاغلبيه والله يوفقنا واياك

قرم العيال (http://mekshat.com/vb/member.php?u=48783) والله اكيد الموتر بيكلف لو بغيت اصلح كل الي فيه لكن مانقول غير الله يجيب الي به الخير وانت ماقصرت وبيض الله وجهك

سفاري959 (http://mekshat.com/vb/member.php?u=140991) فعلا اخوي انا اشوف النظيفات ياصلن اسعار طيبه لكن هذا محسوب على النظيف وهو يحتاج لاصلاحات بارك الله فيك وانا خوك ماقصرت ولو يحصل لي 18 ماوفرته لكن الله يجيب الي به الخير

[الصقار 1]

ناس قالوا لي 12- 15-18

نعم كلامهم سليم لاكن معروف ان حق الحكومي مكروف كرف موب صاحي وممشاه قليل يطلع مره علي عن 600 مره

وأرجو اني افتك

[صقر المقانيص]

الصقار 1 (http://mekshat.com/vb/member.php?u=187567)
والله انك صادق مره عن 600 مره انواع الكرف وعلى قولتهم جلد موجلدك جر على الشوك للاسف

[ابراهيم الريس]

السلام عليكم
أخي الفاضل يقول المثل الغالي ماينباع مرتين
إذا أنت ناوي تبيع بعد الشتاء خسارتك بتكون كبيرة خاصة بعد التصليحات
الله يوفق الجميع

[صقر المقانيص]

ابراهيم الريس (http://mekshat.com/vb/member.php?u=118745)

صادق والله الغالي ماينباع مرتين فعلا والله يوفقك

[صقر المقانيص]

الاخوه الكرام بارك الله فيكم واشكر جميع من ادلا بدلوه وبيض الله وجهه ..

تم صرف النظر عن السياره بعد الاستخاره وبعد استشارتكم والله يجيب الي احسن منه
بيض الله وجيهكم

[abo naser 1]

مساء الخير وانا اخوك اذا بتشتريه الأن وتبيعة في الصيف اعرف انك بتخسر ما لايقل عن 8 الاف ريال بعد الاصلاحات وها المواتر اسئلني تحط فيها ولا يبين وخاصة القطع الأصلية نار وانا مجرب اكثر من ربع نيسان ...
انا بعت قبل فترة 91 نظيف بس فية حرارة يبيلة راس بعتة 14500 ريال وراعيه ركب راس جديد صيني كلفه 2500 ريال وزي الوردة..
وقبل اربع سنوات شريت حكومي 95 ب 22500 ماشي 190000 كيلو وحطيت فيه كلفني فوق الأرعين الف بس طلع وردة واستخدمته اكثر من ثلاث سنوات وبعتة قبل اسبوعين عن طريق مكشات ب 30000 ريال وقفة ومحركات وداخلي وردة الله يطعمة من خيرة ويكفية شرة ...

الوقت هذا ماهو وقت مشترا يزود في سعرها ما لايقل عن 5 الأف ريال اشتر بالصيف ازيلك كلن يبع انت تخير على رواقة وتلقطة واذا جاء الكشتات ولاه والم وسعره فية....

[kellahd]

اذا تبي تشري موتر كشتات جيت متأخر المفروض قبل 5 شهور شريته و جهزته على راحتك

مالك الا تنتظر اربعة اشهر و تشتري موتر

او ان كنت من قضايين اللزوم مثل ما قلت اشتريه وقت الشتاء و ابيع اذا خلص الشتاء بعد اربعة شهور
فما لك الا ان تتعب رجليك و الاخوان و اللي تعرف من الاصدقاء الناصحين لتبحث عن موتر ما فيه شيء دق سلف و امش و اي موتر يعرض عليك تجد فيه عيب لا تتردد ابدا اصرف نظر عنه طبعا السعر لازم يكون فوق

[عاشق الكمب]

الله يوفقك بالي تبيه