ياجماعة الخير يا اهل مكشات... وش ازين ( رواق ) افيدوني ......؟

[زمن عدى]

السلام عليكم ورحمة الله وبركاته
طبعاً هذه اول مشاركة لي بمواضيع مكشات الشامخ
وهو ليس موضوع بمعنى الكلمة انما استفسار
وأريد الإفادة من اعضاء هذا المنتدى الرائع
السؤال يالـــربع وش ازين رواق للكشتات لاني بصراحه
استعملت الرواق العادي إلي يجي قماش ابيض زي قماش الخيمة
ولكن واطي ليس مرتفع واحس انه يدخل هواء يعني ما يحجب الهواء
وهناك شباب يمدحون رواق السنيدي وفيه ناس تقول خذ قماش تنزاني
وصراحة انا دخت من كثر هذا يقول شكل وهذا يقول شكل
تكفون يالربع افــيــدونـــي ...
تحياتي للجميع

[مفتون صيد]

هلا وغلا اخوي

بالنسبة للرواق حق السنيدي لا بأس به بس موهب هالجودة العالية

لكن شف انا شفت عند واحد راعي محل يقال له مآرب الصحراء عنده عواميد الحديد مشغوله فيه صح قوية .... وانواع من الشرع عنده تنزاني 303 الطيب وخياطتة عاملة نظيفه مره لاني جرتبه وزين نظيف شغله خله يفصل لك وحط اللى انت تبي من مخابي وطريقة الربط وشنطة للرواق

شف المحل انت على شارع خالد بن الوليد متجه شمال بعد ما يقطع عليك مخرج 9 امش شوي تلقاه على السيد الثاني على يسراك وانت وجهك شمال

اتمنى اني افدتك


لان وانا اخوك مثل هالامور وبالاخص التفصيل ما احد يتفق على شيء زين كلن يمدح اللى يناسبه واللى ملبي رغباته .... لكن اللى قلت لك عليه المحل بصراحة عواميده لفتت انتباهي زينه قوية

الله يوفقك

[سرهيد]

السلام عليكم

اخي الكريم مر على برق الحيا وبتلقا نوعيات زينة من الرواقات او البرية مع اني اشوف حق السنيدي اللي ينسفط زوين بس انه قصير نوعا ما ..

واذا تبي الراحة واللي يجي على راحتك ، فصل على مزاجك واشتر القماش انت واشتر العمدان الثقيلة اللي تتحمل الضرب ولا تخرب ، اللي في السوق طقتين والطنب مايل لخفة الحديد ..

هذا اذا فيك صبر

تقبل مودتي

[زمن عدى]

هلا وغلا اخوي

بالنسبة للرواق حق السنيدي لا بأس به بس موهب هالجودة العالية

لكن شف انا شفت عند واحد راعي محل يقال له مآرب الصحراء عنده عواميد الحديد مشغوله فيه صح قوية .... وانواع من الشرع عنده تنزاني 303 الطيب وخياطتة عاملة نظيفه مره لاني جرتبه وزين نظيف شغله خله يفصل لك وحط اللى انت تبي من مخابي وطريقة الربط وشنطة للرواق

شف المحل انت على شارع خالد بن الوليد متجه شمال بعد ما يقطع عليك مخرج 9 امش شوي تلقاه على السيد الثاني على يسراك وانت وجهك شمال

اتمنى اني افدتك


لان وانا اخوك مثل هالامور وبالاخص التفصيل ما احد يتفق على شيء زين كلن يمدح اللى يناسبه واللى ملبي رغباته .... لكن اللى قلت لك عليه المحل بصراحة عواميده لفتت انتباهي زينه قوية

الله يوفقك



بيض الله وجهك على هالمعلومات

[زمن عدى]

السلام عليكم

اخي الكريم مر على برق الحيا وبتلقا نوعيات زينة من الرواقات او البرية مع اني اشوف حق السنيدي اللي ينسفط زوين بس انه قصير نوعا ما ..

واذا تبي الراحة واللي يجي على راحتك ، فصل على مزاجك واشتر القماش انت واشتر العمدان الثقيلة اللي تتحمل الضرب ولا تخرب ، اللي في السوق طقتين والطنب مايل لخفة الحديد ..

هذا اذا فيك صبر

تقبل مودتي


الله يرحم والديك وشكراً لك

[عبد الله999]

للرفع بعد اذن صاحب الموضوع

نفس التساؤل عندي

[خبيرة حاسب]

الوالد الله يطول بعمره على عمل صالح

مفصل ارواق على حسب طلبه وهو انه لو جاء مطر ماراح يدخله ماء وايضا مايدخل الهواء من تحت ولا من عند القماش

[بواردي قدها]

اذاتبي الرواق الزين حق الكرف ولو تطقه بأقوى مطرقه مايغير عليه بأذن الله عليك برواق محل البريه يكفيك ان عليه ضمان ثلاث سنوات من المحل انا معي واحد له كم سنه مع اتي راعي حره الي مافيه اقسى من ارضها.

[ساقان]

اذاتبي الرواق الزين حق الكرف ولو تطقه بأقوى مطرقه مايغير عليه بأذن الله عليك برواق محل البريه يكفيك ان عليه ضمان ثلاث سنوات من المحل انا معي واحد له كم سنه مع اتي راعي حره الي مافيه اقسى من ارضها.

فعلا رواق البريه قوي وأثبت وجوده .. صار له اربع سنوات عندي واموره طيبه

[اصيل نجد]

والله ياشور عنديلك ياخوي مر على البريه وشف رواقهم ولاتشري وقارنه مع اي رواق والله ياحديد عليه صراحه شي ازين من الزين وانا للحقيقه ماشريت منهم لكن اثنين من اخوياي شارين منه والله بمرزبه حديد نصقه بارض عزا وقويه ماقال اح او مال واللى عندي دقتين وهو صريع ياكافي رح ولا تاسئل وخذ وماجاك بذمتي واذا ماجازلك انا شراي اشريه منك بقيمته والاخوان شاهدين وانا مالي مصلحه بس والله فزعه لك ابيك وانا اخوك ماتحتار بس تري السعر يفرق والزين زين غالي لكن تراه ممتاز ويشهد ربي اني لك من الناصحين

[شيخ الرعوجي]

عليك برواق السنيدي التنزاني اللي يسفط1.60سم ارتفاعه

[زمن عدى]

للرفع بعد اذن صاحب الموضوع

نفس التساؤل عندي

اشكرك اخوي عبدالله على رفع الموضوع


الوالد الله يطول بعمره على عمل صالح

مفصل ارواق على حسب طلبه وهو انه لو جاء مطر ماراح يدخله ماء وايضا مايدخل الهواء من تحت ولا من عند القماش

شكراً اختي على الإفادة وتحياتي لك


اذاتبي الرواق الزين حق الكرف ولو تطقه بأقوى مطرقه مايغير عليه بأذن الله عليك برواق محل البريه يكفيك ان عليه ضمان ثلاث سنوات من المحل انا معي واحد له كم سنه مع اتي راعي حره الي مافيه اقسى من ارضها.

هلا بأخي بواردي والله اعلم ان رسى الراي عليه شكراً لك


فعلا رواق البريه قوي وأثبت وجوده .. صار له اربع سنوات عندي واموره طيبه

هلا بأخي ساقان اشكرك على المرور والتعليق


والله ياشور عنديلك ياخوي مر على البريه وشف رواقهم ولاتشري وقارنه مع اي رواق والله ياحديد عليه صراحه شي ازين من الزين وانا للحقيقه ماشريت منهم لكن اثنين من اخوياي شارين منه والله بمرزبه حديد نصقه بارض عزا وقويه ماقال اح او مال واللى عندي دقتين وهو صريع ياكافي رح ولا تاسئل وخذ وماجاك بذمتي واذا ماجازلك انا شراي اشريه منك بقيمته والاخوان شاهدين وانا مالي مصلحه بس والله فزعه لك ابيك وانا اخوك ماتحتار بس تري السعر يفرق والزين زين غالي لكن تراه ممتاز ويشهد ربي اني لك من الناصحين

بيض الله وجهك اخوي اصيل وعزالله على كلامك سوف نتوكل على الله بشراءه





عليك برواق السنيدي التنزاني اللي يسفط1.60سم ارتفاعه



هلا بأخي شيخ الرعوجي واشكرك على المرور وتحياتي لك

[الخادم]

الغالي الله يوفقك لما فية خير لك
اشوف رواق البرية بالرياض ممتاز و اسل مجرب و لاتسال طبيب

[هاوي موتري96]

شباب كم سعر رواق البريه الي عليه الكلام

[الدبل الثقيل]

نفس السؤال كم سعر رواق البريه؟ وماهي خامته ومقاساته؟

[رعب الصحراء]

السلام عليكم

اخي الكريم مر على برق الحيا وبتلقا نوعيات زينة من الرواقات او البرية مع اني اشوف حق السنيدي اللي ينسفط زوين بس انه قصير نوعا ما ..

واذا تبي الراحة واللي يجي على راحتك ، فصل على مزاجك واشتر القماش انت واشتر العمدان الثقيلة اللي تتحمل الضرب ولا تخرب ، اللي في السوق طقتين والطنب مايل لخفة الحديد ..

هذا اذا فيك صبر

تقبل مودتي

السلام عليكم و رحمة الله و بركاته،،،
الشيخ سرهيدأبشرك سرهيد ولدي صار يحب البر

سؤال لا عدمناك و لا عدمنا وجودك يا بعدهم و ين ألقى القماش التنزاني القوي و ايضا وين القى الاعمدة القوية اللي ما عليها كلام من قوتها و متانتها

[زمن عدى]

الغالي الله يوفقك لما فية خير لك




اشوف رواق البرية بالرياض ممتاز و اسل مجرب و لاتسال طبيب


بيض الله وجهك وبالفعل من ردود الاخوان باين ان رواق البريه هو افضل رواق
تحياتي وتقديري للجميع






شباب كم سعر رواق البريه الي عليه الكلام



يامرحبا بالفعل الشباب افادو بان الرواق ممتاز ولكن لم يعرف سعره ان شاء الله يفيدونا بالسعر



نفس السؤال كم سعر رواق البريه؟ وماهي خامته ومقاساته؟

اتوقع يجي احجام وإنشاء الله يفيدونا الاعضاء بالاحجام والاسعار قريباً
تحياتي للجميع