أين أجد أفران الغنام في القصيم

[فهد550]

ياإخوان وين نحصل أفران المندي تبع الغنام
وهل افران المحيميد جيدة
ومشكورين سلفا

[عدى معدي]

يفيدونك الأخوان إن شاء الله

[فهد550]

اتمنى من لديه خبر يفيدنا .......

[أبوبانا]

اتمنى من لديه خبر يفيدنا .......
هلا بك أخي فهد فرن الغنام الذي يشغل باالمزاحمية لالالالا يقارن أبد بفرن المحميد
يختلف العازل والربل إلي على الباب
الموزع ببريدة مؤسسة الحماد شارع الصناعة
الموزع عنيزة مؤسسة المرباع مقابل فندق الواحة
إنشاءالله اكون أفدك باالمعلومة

[فهد550]

الله يجزاك خير ويبارك فيك
مشكور

[mshraf]

سؤال :.
هل تعتقدون بأن استخدام الحديد بأفران المندي صحي ..؟
أو بالأصح مضر بالصحة ؟

[هدباء وهديباء]

مؤسسة الحماد شارع الصناعة
؟؟؟؟؟؟؟؟
كم رقمهم لاهنتوا وتوصيفهم المضبوط

[اصيل نجد]

هلا بك أخي فهد فرن الغنام الذي يشغل باالمزاحمية لالالالا يقارن أبد بفرن المحميد
يختلف العازل والربل إلي على الباب
الموزع ببريدة مؤسسة الحماد شارع الصناعة
الموزع عنيزة مؤسسة المرباع مقابل فندق الواحة
إنشاءالله اكون أفدك باالمعلومة
بعد اذنك ياخوي فهد صاحب الموضوع ودي اسئلك يابوبانا الله يطول بعمرك عن فرن المحيميد يعني افضل بكثير من فرن الغنام وهل له موزع بالرياض وكم سعر الصغير منه على فكره فيه بالسباله مؤسسه الحماد لللغازات هل اجد شي عندهم وهل هو نفس فرع القصيم واذا امكن تزل صوره للفرن يابوبانا الله يوفقك صراحه ودي اشري ومحتار بينه وبين الغنام وانا عندي فرن الغنام الحجم الكبير من فتره طويله بس ودي بواحد صغير علشان يكون للبيت بس
بارك الله فيكم كلكم اخوه والواحد على قوله المثل ( لاخاب من استشار ) واسف على الاطاله مع التحيه لكل اخواني

[فهد550]

أنا بروح للحماد اليوم وأجيب العلم
ان شاء الله

[أبوبانا]

بعد اذنك ياخوي فهد صاحب الموضوع ودي اسئلك يابوبانا الله يطول بعمرك عن فرن المحيميد يعني افضل بكثير من فرن الغنام وهل له موزع بالرياض وكم سعر الصغير منه على فكره فيه بالسباله مؤسسه الحماد لللغازات هل اجد شي عندهم وهل هو نفس فرع القصيم واذا امكن تزل صوره للفرن يابوبانا الله يوفقك صراحه ودي اشري ومحتار بينه وبين الغنام وانا عندي فرن الغنام الحجم الكبير من فتره طويله بس ودي بواحد صغير علشان يكون للبيت بس
بارك الله فيكم كلكم اخوه والواحد على قوله المثل ( لاخاب من استشار ) واسف على الاطاله مع التحيه لكل اخواني


هلابك أخي أصيل عطني إلى الصبح الاربعا انزلك الاسعار النوعين عندي الصغير باالبيت ابنزل صورته إنشاءالله حق الغنام وهو أفضل الموجود بلا منافس

[اصيل نجد]

أنا بروح للحماد اليوم وأجيب العلم
ان شاء الله
الله يطول بعمرك اخوي فهد ويخدمونك عيالك الله يوفقك

[أبوبانا]

مؤسسة الحماد شارع الصناعة
؟؟؟؟؟؟؟؟
كم رقمهم لاهنتوا وتوصيفهم المضبوط

سم طال عمرك هذا رقمهم
3241008

[اصيل نجد]

هلابك أخي أصيل عطني إلى الصبح الاربعا انزلك الاسعار النوعين عندي الصغير باالبيت ابنزل صورته إنشاءالله حق الغنام وهو أفضل الموجود بلا منافس
اشكرك اخي ابو بانا اشكرك على تجاوبك الله يوفقك وانا انتظرك تحياتي لك

[فهد550]

اليوم جيت للغنام وماحصل عنده شيء يقول بسبب السحب الكبير من المخيمات
ويقول ان شاء الله الاسبوع الجاي راح تجيهم دفعه
اما الاسعار يقول الصغير 800 واللي اكبر منه ياخذ هرفي صغير 900 والاكبر منه 1200 ياخذ كبش كبير والاكبر منه ياخذ حاشي او كبشين 1600
اتمنى جبت فائدة

[عبدالله614]

سعره زين والا غالي

[سمرقندي]

المرباع للرحلات بعنيزة موزعون لأفران الغنام وعندهم كل المقاسات.

[خبيرة حاسب]

http://www.m5zn.com/uploads/2010/4/25/photo/0425101304029wk16hfqw.jpg

[أبوبانا]

اشكرك اخي ابو بانا اشكرك على تجاوبك الله يوفقك وانا انتظرك تحياتي لك

السلام عليكم اسعد الله الجميع بكل خير
اخي اصيل باالنسبة باالرياض ماعندي خلفية عن احد يبيعه يفيدونك الشباب ميقصرون
اماعن الاسعار افادنا اخونا فهد550بيض الله وجهه
اما عن الجودة الغنام افضل الموجود عندي كبير بالاستاحة
والصغير باالبيت اوهذي صورة الصغيرإلي باالبيت
عاد زي مانت عارف صور العجل
فزع معي كرتون البرتقال على تقريب الحجم.

http://www.mekshat.com/pix/upload04/images195/mk184163_55555.jpg

شف الفراغ الي يمين اويسار الكرتو إلي مخطط باالأبيض
محل الاسياخ إلي يجلس عليهن شبك الحم والدجاج يجي تقريباً5سم

http://www.mekshat.com/pix/upload04/images195/mk184163_66666.jpg


http://www.mekshat.com/pix/upload04/images195/mk184163_7777.jpg

هذي صورة المقبض إلي ورا علشان يأصيل إذاجيت تركبه باالسيارة او تطلع فوق راس نفود امن عاد تتصل علينا ياعيال تعالو ضابط لكم المندي باالفرن الصغير لايفوتكم هههه.هذا ميزته الصغير تشيله معك لي مكان ياخلفهم
http://www.mekshat.com/pix/upload04/images195/mk184163_88888.jpg

[بيارق 312]

اقترح وضع صور للفرنين اذا مافيه كلافه للي عنده

[المكحل/ابو]

السلام عليكم..
بالنسبة لأفران المحيميد فـأسال مجرب ولاتسأل طبيب
أنا عندي واحد له مايقارب 15 سنه الآن ولايتوقف إلا شهرين متقطعة تقريباً غيرت له ربل مرة وحده بس
وعندي بالاستراحة له ثلاث سنين تقريبا ونفس الفكرة شغال من أحسن مايكون
وأنا رحت مره للمصنع بآخذ فرن ولقيت أن راعي المصنع أهم ماعليه جودة المنتج وسمعة المصنع بغض النظر عن الإيرادات .
وكان بودي أني أفيدك بأرقامهم بس للأسف مهب عندي والمحل معروف مكانه بشارع المياهـ
حبيت أنقل لكم تجربتي مع أفران المحيميد.
وشكراً

[اصيل نجد]

اليوم جيت للغنام وماحصل عنده شيء يقول بسبب السحب الكبير من المخيمات
ويقول ان شاء الله الاسبوع الجاي راح تجيهم دفعه
اما الاسعار يقول الصغير 800 واللي اكبر منه ياخذ هرفي صغير 900 والاكبر منه 1200 ياخذ كبش كبير والاكبر منه ياخذ حاشي او كبشين 1600
اتمنى جبت فائدة
هلا باخوي فهد لانخلا ولانعدم فديتك يالاجودي والله انك ولد اجاويد بيض الله وجهك وفيت وكفيت وعلومك دايم غانمه

[اصيل نجد]

السلام عليكم اسعد الله الجميع بكل خير
اخي اصيل باالنسبة باالرياض ماعندي خلفية عن احد يبيعه يفيدونك الشباب ميقصرون
اماعن الاسعار افادنا اخونا فهد550بيض الله وجهه
اما عن الجودة الغنام افضل الموجود عندي كبير بالاستاحة
والصغير باالبيت اوهذي صورة الصغيرإلي باالبيت
عاد زي مانت عارف صور العجل
فزع معي كرتون البرتقال على تقريب الحجم.

http://www.mekshat.com/pix/upload04/images195/mk184163_55555.jpg

شف الفراغ الي يمين اويسار الكرتو إلي مخطط باالأبيض
محل الاسياخ إلي يجلس عليهن شبك الحم والدجاج يجي تقريباً5سم

http://www.mekshat.com/pix/upload04/images195/mk184163_66666.jpg


http://www.mekshat.com/pix/upload04/images195/mk184163_7777.jpg

هذي صورة المقبض إلي ورا علشان يأصيل إذاجيت تركبه باالسيارة او تطلع فوق راس نفود امن عاد تتصل علينا ياعيال تعالو ضابط لكم المندي باالفرن الصغير لايفوتكم هههه.هذا ميزته الصغير تشيله معك لي مكان ياخلفهم
http://www.mekshat.com/pix/upload04/images195/mk184163_88888.jpg



قده وقدود يابوبانا الله يوفقك الصور واضحه جدا وماقصرت الله يوفقك

[فهد550]

اليوم رحت لعنيزة وحصلت دفعه توها جايه من المصنع بس الاسعار فيها زيادة 50 ريال لكل فرن ما عدا الكبير سعره 1750ريال