المساعد الشخصي الرقمي

مشاهدة النسخة كاملة : الى اهل الكيف والقهوة والهيل


المشهور
16/10/2005, 01:06 AM
انا الحقيقة عندي استفسار بسيط ياهالوجيه الطيبة

وشو افضل شي احط فيه القهوة واحفظها ولايغير علي ريحها ولاطعمها ؟


انتظر الاجابة منكم يا هالحوتات الغانمة .

اخوكم في الله المشهور
غيّام
16/10/2005, 01:34 AM
تبي رايي شف لك علبه جبن بوك كبيره اللي تفر والا علبه مربى على حسب المقاس اللي ترغبه

وانا مجربها مع الهيل والقهوه ولها اربع سنين عندي

وعلى فكره انا اطحن القهوه والهيل فالبر قبل ما اصلحها على طول وجرب الطريقه وباذن الله بتدعيلي خصوصا الهيل الى طحن يتغير طعمه مره وانا مجرب عقب ماصرت اخذ معي الطاحونه صرت اشرب قهوه تصمد الراس
بواسامه
16/10/2005, 01:51 AM
تعرف علاج الكحه ابو ورده حق البزران

لاتتعدى قارورته للهيل بذات والزعفران

وليت فيه حجم عايلي عشان القهوه

يكتم ابوه وفكه يبيله ضغط مع فتح

الدعوه تجارب

موفق
المترو
16/10/2005, 01:59 AM
السلام عليكم ورحمة الله وبركاته

اخوي المشهور بما ان الموضوع عن القهوة والهيل وهي اعتبرها اهم شيء عندي دائما وابداً
اقول لك افضل شيء ان الهيل بالذات يكون غير مطحون ويطحن قبل سوات القهوة لكي لا يفقد طعمه ورائحته المحببه لدى الجميع وذلك بوجود طاحونه على الولاعه او نجر للطحن
اما اذا كان لابد من طحنه فأفضل طريقه لحفظه حاويه زجاجيه محكمة الاغلاق جيداً لان الهيل يحتوي على مادة طياره وهي الرائحه الزكيه للهيل

اما القهوه فهي لاباس بطحنها ولكن يجب ان لا تكون محطونه جداً اي ناعمه جداً لكي لاتفقد طعمها ورائحتها اذا حفظت لفتره طويله وتحفظ بأي حاويه مثل الحاويات المكشاتيه المعروفه (واوافق اخي غيام بكلامه 100% صح لسانك يا راعي الكيف

هذا والسلام المترو ابو ناصر
الدهماني
20/10/2005, 12:00 PM
ابعد عن علب البلاستيك لا تجيها
زجاج أو معدن ويكون محكم الأغلاق
مرقاب الشرق
20/10/2005, 03:43 PM
طيب وشرايكم بالشراع اللي يكون داخله بلاستيك مخيط مثل حق السنيدي اشوفها ممتازه .
اما القهوه فاحسب معرفتي البسيطه افضل شي تحمس وتطحن عند وقت التصليح . واذا لابد فاتحمس ولا تطحن إلا عند وقت اعدادها .
والله اعلم
المشهور
20/10/2005, 04:54 PM
الف شكراً للجميع على المرور والردود الجميلة

ودمتـــــــــــــــــــــــــــــــم لنا سالمين غانمين .
بن عدوان
22/10/2005, 05:35 AM
أنا افضل إذا كانت القهوة مطحونة وكذلك الهيل .. أن يحفظوا في قراطيس ورقية .. ( أكياس ورقيه ) أفضل من الزجاج .. لأن الزجاج يسبب تعرق القهوة والهيل .. خاصة في المناطق الحارة ..
أما البلاستيك ربما يتفاعل مع الهيل ..
وعلى العموم أفضل شي .. أن يكون الحمس .. والطحن قبل اعداد القهوة بقليل ..

وسلامتكم

ابن عدوان
عزوز الليل
23/10/2005, 06:56 AM
الستيل وش زينه