سوبر سفاري فتك 2006 فل كااااااامل

[ابو حامد888]

السلام عليكم ورحمة الله وبركاته


اخواني الاعزاء ابي من اهل الخبره لا يبخلون علينا بما عندهم من معلومات


انا معروض علي جيب سوبر سفاري 2006 فتك خليجي مكينة 4800 فل كااااااامل


ماشي 166000


لونه عودي + داخلي بيج


طبعاً قير اوتوماتيك وعايدي + دبل + دفلوك + فتحه + مراتب جلد + طاولات خلفيه + ثلاجه + مكيفين + بوصله + ست سيديات + تخشيب + تحكم في الدركسون + تانكيين + مثبت سرعه + كراسي كهرب


نظيف جدا على كلام صاحبه يقول مسيوم ب 80000


هل يستاهل هذا السعر وكم يسوى في نظركم وكيف السيارة للبران والطعوس والجبال والشعبان لأني بشتريه للبر فقط


هل السيارة تجمل والا لا بدون تعصب للنوع ....


مع الشكر والتقدير لكل من يمر على هذا الموضوع

[عقيل2009]

يستااااهل اكثر

بشرط نظافه البدي وسالم من الصدم والرش والسياره عز الله انها سياره بر. سواء طعوس ولاغيرها) مايحتاج

كد ومد وغنيه عن التعريف


موفق ان شاء الله

[قناص خلاوي]

اخوي لا تامن الخليجي
الطبلون عندهم يغير زي شربة الماء
ولا تامن جورهم عليه
اذا فحصت وطلع زين والممشى حقيقي وسالم من كل شي
سعره فيه وان حصل 75 احسن واحسن

[ابو حامد888]

يستااااهل اكثر

بشرط نظافه البدي وسالم من الصدم والرش والسياره عز الله انها سياره بر. سواء طعوس ولاغيرها) مايحتاج

كد ومد وغنيه عن التعريف


موفق ان شاء الله

الله يوفقنا واياك ياخوي عقيل وشاكر لك مرورك ولكن ياعزيزي انا اسمع من الشباب يقولون ان النيسان يهربد بسرعه مع المشي في البران هل هذا صحيح ؟؟

[ابو سعود4500]

اذا الموتر على وصفك فهو يستاهل قيمته واعتبره لقطه بشرط سلامة المحركات والبدي
ولايكون على الموتر لا هدرز ولاا فلاتر

والله الموفق

[ابو حامد888]

اخوي لا تامن الخليجي
الطبلون عندهم يغير زي شربة الماء
ولا تامن جورهم عليه
اذا فحصت وطلع زين والممشى حقيقي وسالم من كل شي
سعره فيه وان حصل 75 احسن واحسن


يعطيك العافية اخوي قناص السيارة عن طريق واحد معرفه ويثق فيه ويقول بعد افحص عند البريدي اللي بالنسيم لأنه رجال يصدق معك وناصح ويقول لك اذا تصلح اشتر وانت مغمض واذا فيها شي يقول انحش ولا تقرب ....

[ابو حامد888]

اذا الموتر على وصفك فهو يستاهل قيمته واعتبره لقطه بشرط سلامة المحركات والبدي
ولايكون على الموتر لا هدرز ولاا فلاتر

والله الموفق


الله ينور عليك يابو سعود ويكتب اللي فيه الخير والموتر ماعليه اي تعديل ولا خرابيط وكل شي وكاله

[ابو حامد888]

ياشباب انا ابغى اعرف من اللي جربوا هذا النوع من السيارات يقولوا لنا وش سلبياته وش ايجابياته

وهل هو يتحمل كل انواع البران جبال وطعوس وشعبان ووش حقيقية الهربدة اللي اسمعها عن النيسان
وكيف قطع غياره واسعارها وتوفرها وهل ممكن اسجله على ضمان الحمراني ؟؟

[جومانشي]

الموصفات حلوه بس السعر غالي مره


80 الف تجيب لك 2008

[ابو حامد888]

الموصفات حلوه بس السعر غالي مره




80 الف تجيب لك 2008



يعطيك العافية على مرورك يالغالي ولا زلت انتظر المجربين لها السيارة

شاكر ومقدر للجميع مقدماً

[Abu Mnsor]

الموصفات حلوه بس السعر غالي مره




80 الف تجيب لك 2008



اي غالي الله يرحم والديك
اذا الـ 80 ألف تجيب موديل 2008 فتك
بشهادة الشباب ابي 4 جيوب وانا والله العظيم صادق



عموما
سعره ممتاز جدا اذا هو نظيف
بس يعيبه اللون لانه مو مرغوب بالمعارض
بالنسبه للأستخدام انا معي واحد 2006 فتك
الجيب ماشاءالله فخامه وراحه لسفر والبر
بس اهم نقطه انك تاخذ شي نظيف وتحافظ عليه
النيسان حساس شوي ويبيله عنايه ومحافظه

اتمنى اني افدتك وشكرا

[جومانشي]

اي غالي الله يرحم والديك

اذا الـ 80 ألف تجيب موديل 2008 فتك
بشهادة الشباب ابي 4 جيوب وانا والله العظيم صادق




عموما
سعره ممتاز جدا اذا هو نظيف
بس يعيبه اللون لانه مو مرغوب بالمعارض
بالنسبه للأستخدام انا معي واحد 2006 فتك
الجيب ماشاءالله فخامه وراحه لسفر والبر
بس اهم نقطه انك تاخذ شي نظيف وتحافظ عليه
النيسان حساس شوي ويبيله عنايه ومحافظه



اتمنى اني افدتك وشكرا



حبيب قلبي اذا انك صادق وتبي مستعد ادفع العربون من جيب الخاص

الي ان تحضر وتشوف السياره بعينك

مشكلتكم يا اهل الوسطى مطيرين سعرها بالعاللي

احد الاخون طلب مني اشوف له جيب نيسان وبحثت له ولقيت موديل 2008م

فل اوبشن كامل والكامل وجه الله

والسياره ما زالت موجوده اذا تبي تشوفها راسلني وحياك الله

اما سالفة 4 سيارات تراني ماني معرض وانا اخوك

[أبونايف...]

انا اشوف السعر حليل




والله يكتب الي فيه الخير

[أبو رزان 97]

توكل على الله


افحص الموتر زين خاصه ان الخليجي يجي مكروف شوي


واذا نظيف استخر وتوكل على الله


صدقني بتستخدمه وبهالقيمه بيكون سعره فيه حتى لو تبيعه بعد فتره


بشرط نظافته


2006 النظيف يستاهل اكثر من كذا خاصه لون ابيض بيجيب 90 بشرط النظافه


بالتوفيق ،،،

[أبونايف...]

حبيب قلبي اذا انك صادق وتبي مستعد ادفع العربون من جيب الخاص

الي ان تحضر وتشوف السياره بعينك

مشكلتكم يا اهل الوسطى مطيرين سعرها بالعاللي

احد الاخون طلب مني اشوف له جيب نيسان وبحثت له ولقيت موديل 2008م

فل اوبشن كامل والكامل وجه الله

والسياره ما زالت موجوده اذا تبي تشوفها راسلني وحياك الله

اما سالفة 4 سيارات تراني ماني معرض وانا اخوك


لك رساله على الخاص اذا ابو منصور ماناسبه الموتر

[Abu Mnsor]

جومانشي



اولا ماني من اهل الوسطى
انا شمالي


ثانيا تقولي 2008م فتك فل اوبشن بـ 80 الف
هذا اكيد فيه شي اما سمكره او صايرله حادث او رش كامل


عموما سعره جدا رخيص ارسلي رقمك خاص
ابي اعاين السياره واتأكد وقروشي يسمعنك

[راس التل]

حبيب قلبي اذا انك صادق وتبي مستعد ادفع العربون من جيب الخاص

الي ان تحضر وتشوف السياره بعينك

مشكلتكم يا اهل الوسطى مطيرين سعرها بالعاللي

احد الاخون طلب مني اشوف له جيب نيسان وبحثت له ولقيت موديل 2008م

فل اوبشن كامل والكامل وجه الله

والسياره ما زالت موجوده اذا تبي تشوفها راسلني وحياك الله

اما سالفة 4 سيارات تراني ماني معرض وانا اخوك
لا والله مابي اربع سيارات ابي واحده فقط ولي شهر ونصف ادور موديل 2008 مالقيت شي تحت 105 في انحاء المملكه ان كان فعلاً عندكم سيارات بهذه القيم لاتبخل على اخوك سوي فيه معروف ودور له النظيف جدا والمبلغ 107 اشتر به سيارة ب 80 والزود لك تستاهل

[راعي سراااب]

الله يرزقك ان شاء الله

[ابو حامد888]

الله يعطيكم العافية ياشباب بس والله انتم خرجتم عن الموضوع وعلى الأقل طلعت بفايدة اللي هي ان سعره يعتبر مناسب بس ودي اعرف عن الهربدة والخرابات وقوة التحمل وأسعار قطع الغيار

[راعي طويلات]

الله يعطيكم العافية ياشباب بس والله انتم خرجتم عن الموضوع وعلى الأقل طلعت بفايدة اللي هي ان سعره يعتبر مناسب بس ودي اعرف عن الهربدة والخرابات وقوة التحمل وأسعار قطع الغيار


سعره مناسب لان لونه ظالمه ولاهو بمرغوب لو أنه أبيض لؤلؤي مانزل عن 90 الف
الهربده ارقد وامن من 98 وفوق مافيه هربده ولاتفكك مجرد صوت خفيف بالباب الخلفي وهذا حله بسيط انك تركب ربله او جلده صغيره بفصاله الباب وماعاد يتحرك الباب ويروح الصوت او اهتزاز بسيط بالسقف اذا كان موتر بر ويبي لك تشد عليه غيره مافيه شيء
الخرابات اذا طحت بالنظيف الي ماجاه تزويد ولاترهيم وجور وتطعيس واهمال بتنسى شيء اسمه صناعيه وخرابات ولانت قاني غيره من المواتر موتر نظر وخفيف وعزمه حاضر وقوي وكل الاشياء الي تبيها فيه وعن تحمله معروف النيسان بهالشيء وترى نظام التعليق فيه مثل 88 ماختلف شيء يعني لاتخاف من هالناحية
اسعار قطع الغيار فيها الغالي وفيها الوسط وفيها الرخيص وبشكل عام متوسطه وتراها ارخص من قطع التويوتا في اغلب القطع حتى فيه قطع للفتك ارخص من قطع اخوانه القدام 2001 وتحت و97 وتحت
بالعربي اذا انت جازم على فتك توكل على الله ودور النظيف من كل النواحي لامحركات ولابدي واحرص على المواصفات واللون علشان يخدمك اذا جيت تبيع وانا انصحك بالسوبر الؤلؤي واذا استخدامك له بيكون جبال وبران وشعبان ونفود وبيجيه حقه انصحك بالقير العادي اقوى واصبر وبتحصله ارخص في المشترى والبيع بس اذا تبي الراحة وقوة مناسبة ورغبة في البيع خذ التبترونك (تماتيك_عادي)
موفق خير..

[راعي طويلات]

الموصفات حلوه بس السعر غالي مره





80 الف تجيب لك 2008

أخي الكريم لاتفتي من راسك بغير علم الله يجزاك خير
السوبر سفاري 2008 من 105 الى 120 باختلاف اللون والنظافة والممشى نوعيه القير
السفاري 2 من 90 الى 105 على حسب نظافته ولونه وممشاه ونوعيه القير

السفاري 1 تحصله ببحر الثمانينات ويوصل 90 اذا مامشى واجد ونظيف ولونه يخدمه
انا واقف عليه ستاندر Gl-V2007 وجايه حقه من الكرف يقول مسيوم ب85 الف
حدث العاقل بما لايليق فان صدق فلا عقل له
جب لي سوبر سفاري 2008 ماني قايل لك لؤلؤي لا اي لون ونظيف جدا ولامشى واجد ولك 90 الف مو 80 الف

[جومانشي]

لك رساله على الخاص اذا ابو منصور ماناسبه الموتر


ابشر طال عمرك توني مشيك على الرجال والموتر ما زال عنده

يوم الجمعه ان شاء الله يجيك الخبر

بس خلك متواصل معي

[ابو حامد888]

سعره مناسب لان لونه ظالمه ولاهو بمرغوب لو أنه أبيض لؤلؤي مانزل عن 90 الف
الهربده ارقد وامن من 98 وفوق مافيه هربده ولاتفكك مجرد صوت خفيف بالباب الخلفي وهذا حله بسيط انك تركب ربله او جلده صغيره بفصاله الباب وماعاد يتحرك الباب ويروح الصوت او اهتزاز بسيط بالسقف اذا كان موتر بر ويبي لك تشد عليه غيره مافيه شيء
الخرابات اذا طحت بالنظيف الي ماجاه تزويد ولاترهيم وجور وتطعيس واهمال بتنسى شيء اسمه صناعيه وخرابات ولانت قاني غيره من المواتر موتر نظر وخفيف وعزمه حاضر وقوي وكل الاشياء الي تبيها فيه وعن تحمله معروف النيسان بهالشيء وترى نظام التعليق فيه مثل 88 ماختلف شيء يعني لاتخاف من هالناحية
اسعار قطع الغيار فيها الغالي وفيها الوسط وفيها الرخيص وبشكل عام متوسطه وتراها ارخص من قطع التويوتا في اغلب القطع حتى فيه قطع للفتك ارخص من قطع اخوانه القدام 2001 وتحت و97 وتحت
بالعربي اذا انت جازم على فتك توكل على الله ودور النظيف من كل النواحي لامحركات ولابدي واحرص على المواصفات واللون علشان يخدمك اذا جيت تبيع وانا انصحك بالسوبر الؤلؤي واذا استخدامك له بيكون جبال وبران وشعبان ونفود وبيجيه حقه انصحك بالقير العادي اقوى واصبر وبتحصله ارخص في المشترى والبيع بس اذا تبي الراحة وقوة مناسبة ورغبة في البيع خذ التبترونك (تماتيك_عادي)
موفق خير..


بيض الله وجهك ياراعي الطويلات وماقصرت ومثل ماقلت اللون لك عليه بس عاد مايهمني كثير اللون اهم شي موتر قوي ويخدمني في البر ..

بس هل الحمراني ممكن يستقبله في صيانته لأن الموتر خليجي ؟؟؟

[راعي طويلات]

ووجهك أبيض يابو حامد
اذا تقصد أنه شامله الضمان فضمان الموتر انتهى لاعلى ممشاه ولاعلى موديله هي يا3 سنوات او 60 الف ايهم يسبق
واذا قصدك تقدر تدخله عندهم للصيانه فاي موتر نيسان يدخل عندهم بغض النظر عن نوعه وموديله لكن التكلفة بتكون عليك والقيمة نار شابه الله يكفينا شرهم
وان شاء الله انك ماتحتاجهم ولاصيانتهم فيه ورش متخصصة للنيسان ارخص منهم وافضل وادق بالشغل
ومدام اللون ماهمك ولاتبي تطيق القاعدة الي تقول اشتر تبيع ولا المثل الي يقول اكل مايعجبك والبس مايعجب الناس فتوكل على الله واجزم عليه وترى الفتك لانه موتر ينشد به الظهر حتى لو ماصلح لك بتلقى زبونه
واي استفسار انا بالخدمة ولايهون الشباب

[ابو حامد888]

ووجهك أبيض يابو حامد
اذا تقصد أنه شامله الضمان فضمان الموتر انتهى لاعلى ممشاه ولاعلى موديله هي يا3 سنوات او 60 الف ايهم يسبق
واذا قصدك تقدر تدخله عندهم للصيانه فاي موتر نيسان يدخل عندهم بغض النظر عن نوعه وموديله لكن التكلفة بتكون عليك والقيمة نار شابه الله يكفينا شرهم
وان شاء الله انك ماتحتاجهم ولاصيانتهم فيه ورش متخصصة للنيسان ارخص منهم وافضل وادق بالشغل
ومدام اللون ماهمك ولاتبي تطيق القاعدة الي تقول اشتر تبيع ولا المثل الي يقول اكل مايعجبك والبس مايعجب الناس فتوكل على الله واجزم عليه وترى الفتك لانه موتر ينشد به الظهر حتى لو ماصلح لك بتلقى زبونه
واي استفسار انا بالخدمة ولايهون الشباب


الله يعطيك العافية ياراعي الطويلات ومالنا غنى عنك وبيض الله وجهك

[جومانشي]

أخي الكريم لاتفتي من راسك بغير علم الله يجزاك خير
السوبر سفاري 2008 من 105 الى 120 باختلاف اللون والنظافة والممشى نوعيه القير
السفاري 2 من 90 الى 105 على حسب نظافته ولونه وممشاه ونوعيه القير

السفاري 1 تحصله ببحر الثمانينات ويوصل 90 اذا مامشى واجد ونظيف ولونه يخدمه
انا واقف عليه ستاندر Gl-V2007 وجايه حقه من الكرف يقول مسيوم ب85 الف
حدث العاقل بما لايليق فان صدق فلا عقل له
جب لي سوبر سفاري 2008 ماني قايل لك لؤلؤي لا اي لون ونظيف جدا ولامشى واجد ولك 90 الف مو 80 الف


ما افتي من راسي ما دام تقول انه من 105 الي 120

تعال ابيعك بـ 100 وش رايك وعلى الشرط افحصه وكاله

وكل عيبها تشوفها فيه نازل لك 5000 ريال
اكيد عرضي حلو حياك يالغلا

[مدمن فتك]

بالنسبة لي مجرب الفتك لي قرابة السنتين:
الايجابيات:
موتر قوي بالبر وبالديره
فخامه داخليه
ارتفاع مناسب للبر
سي دي ومسجل
مثبت سرعه
للنفود جبار بصراحه بمعنى الكلمه
التعليق فيه رياضي
الدبل قير وليس ازرار وهذا اكثر عمليه
الاستبنه تعليق وليس تحت السياره وهذا يقلل احتمال تعلقه بل ينفيه
مكيفين امامي وخلفي
السلبيات:
صرف بنزين مرتفع نوعا ما خصوصا بالديره
النتيجه : الموتر بصراحه يطرب القلب الهواوي لصاحب البر بل ويرضي غروره ان كان من اصحاب التحديات والمغامره وانصحك فيه بقوة اذا كان نظيف والله يوفقك

[ابو حامد888]

بالنسبة لي مجرب الفتك لي قرابة السنتين:
الايجابيات:
موتر قوي بالبر وبالديره
فخامه داخليه
ارتفاع مناسب للبر
سي دي ومسجل
مثبت سرعه
للنفود جبار بصراحه بمعنى الكلمه
التعليق فيه رياضي
الدبل قير وليس ازرار وهذا اكثر عمليه
الاستبنه تعليق وليس تحت السياره وهذا يقلل احتمال تعلقه بل ينفيه
مكيفين امامي وخلفي
السلبيات:
صرف بنزين مرتفع نوعا ما خصوصا بالديره
النتيجه : الموتر بصراحه يطرب القلب الهواوي لصاحب البر بل ويرضي غروره ان كان من اصحاب التحديات والمغامره وانصحك فيه بقوة اذا كان نظيف والله يوفقك




الله يعطيك العافية يامدمن فتك وبيض الله وجهك على هالتوضيح وذكر الايجابيات والسلبيات


اشكرك انت وجميع الاخوان اللي شاركوا وبيض الله وجيهكم جميعاً واللي عنده اضافة لايحرمنا منها

[راعي طويلات]

ما افتي من راسي ما دام تقول انه من 105 الي 120

تعال ابيعك بـ 100 وش رايك وعلى الشرط افحصه وكاله

وكل عيبها تشوفها فيه نازل لك 5000 ريال
اكيد عرضي حلو حياك يالغلا
توك تقول ب80 الف الحين صار ب 100 الف وبكره بتقول 130الف ليش هالزياده وهو بنظرك مايستاهل ولاحظ اني عطيتك زيادة 10 الف بالقيمة الي انت كتابها الي هي 80الف
اخي الكريم أنا عند كلمتي اذا 2008سوبر سفاري اي كامل المواصفات فتحة انوار زنون دفلوك ونظيف جدا لامن بدي ولامحركات انا شراي بغض عن النظر عن قيره عادي او تبترونك
اذا السيارة عندك ارسل لي رقمك لاني بكره ماشيء للشرقية باذن الله
تحياتي لك واعتذر من ابو حامد على المداخله

[1122334455]

اقول الله يعافيكم يااااااازين الجديد