PATROL4800
27/12/2010, 11:28 PM
السلام عليكم ورحمة الله وبركاته
ياخواني حبيت اطرح عليك موضوع صار معاي شخصيا من وكالة عبداللطيف جميل الحكمه من الموضوع هذا اخذ العبرة والعظة والتحذير فقط لاغير
قبل 4 سنوات وكم شهر شريت لكزس 430 موديل 2003 لونها بحري سعودية ماشاء الله الموتر جديد كان مع بنت السعيد الي هو الرئيس التنفيذي لشركة هرفي (مطاعم هرفي للاغذية المحدودة) والموتر ماشاء الله مافيه ولاشي جديد المهم شريته وقتها كان ماشي 99 الف الحمد لله مشت اموري ومرت سنة وبعدها سنة صار على حادث سواق لموزين هندي راجع علي بالريوس وانا واقف ويدخل الرفرف اليسار والصدام المهم جاء المرور وصار الخطاء على الهندي 100% وقالوا لي راجع شركة التامين حقت الموزين وقالوا لي ردد يالليل مطولك المهم خليتهم وصلحتها وكالة جلست 20 يوم عندهم ولاعطوني سيارة بديله يقولون لي كل السيارات اخذوها عملاء غيرك ومافيه سيارة بديله انا قلت يارجال مابي منهم شي ومشت الامور وطلعت السيارة كلفت 15 الف ريال تبديل حساسات وصدام جديد وغيروا الشمعه اليسار مع انها مانكسرت يقولون القاعدة انكسرت ورفرف جديد وغيروا الشبك الامامي يقولون ان العلامة تتحرك مدري شلون 15 المهم تم الدفع ومشت الامور بعد سنة ونص مليت من السيارة وقلت ببيعها رحت معارض النسيم يسئلوني وش فيها اقولهم فيها رفرف يسار مغير وفيها صدام امامي مغير في الوكالة يقولون لي بس اقولهم ايه بس هذا الي فيها يقولون متاكد انا شكيت في الموضوع قلت ايه متاكد مليون بالمية المهم اكثرهم ماعجبه الموتر مع انه جديد والله العظيم ووقتها كان ماشي 160 الف يعني انا مشيت عليها 60 الف بس في 4 سنوات وشوي ممشى ممتاز جدا واقل من الطبيعي المهم جاء شريطي قالي شف الكبوت مرشوش والرفرف اليمين مرشوش والباب اليمين واليسار مرشوش بالاضافة للي قلته انت ان الرفرف اليسار مغير ومرشوش قلت له يابن الحلال هذا موتري وانا عارفه مافيه رش قال لا فيه رش ومرشوش رشه لكر مدري وش ذي لكر قلت شلون يعني قال رشه لمعه عشان المطابقة بس لكن مافيه سمكرة بس رش لكر انا انهبلت صراحة وقلت مالي الا افحصها كمبيوتر للبدي رحت فحصتها وقالي حقين فحص البدي فيها رش الكبوت و الباب اليمين واليسار والرفرف اليمين واليسار والصدام الامامي قلت ياجماعة الخير قالوا هذا الي في موترك تدرون وش السالفة ، السالفة وكالة ابو جميل مايعرفون يطابقون اللون يعني انا مشكلتي وش هي غيرت الرفرف والصدام بس مع الرش قاموا رشو الكبوت والرفرف اليسار والباب اليمين والباب اليسار عشان يطابقون اللون حسبي الله عليهم الله لايوفقهم لادنيا ولا اخره
اقسم بالله ياخوان ان موتري نظيف من برى ومن جوا وماجاب لي الا 76 الف اقسم بالله واحد من هالناس في المعارض اخذ جوالي ودق علي بعد سبوع قالي انا ابي الموتر بحدود 90 وش رايك قلت ياخوي الموتر مايصلح لك قالي ليه قلت فحصته كمبيوتر وطلع فيه رشوش كثيرة وانا مابي ابيعك شي ماتعرفه المسكين انصدام قال شلون انا شايف الموتر مافيه شي قلت لافيه بس الي يعرف البدي صح يقدر يفرق قلت له احمد ربك واشكره انه مالعب عليك واحد غيري وباعك الموتر مع العلم ان هذا الرجال ماكان ناوي يفحص ولا شي على قولته انا اعرف في المواتر
ماطول عليكم رحت لوكالة ابو جميل فرع العليا قالوا لي بكل برود بعد سنة ونص جاي تكلمنا معليش حنا ماسوينا الي تقوله !!
اخواني اقسم بالله وبجلال الله اني صادق معكم ولا تبليت على احد هذا الي صار معي بالضبط خسرت بيعت موتري بدل مابيعه 90 الف بعته 76 الف
تحياتي لكم ،،،
ياخواني حبيت اطرح عليك موضوع صار معاي شخصيا من وكالة عبداللطيف جميل الحكمه من الموضوع هذا اخذ العبرة والعظة والتحذير فقط لاغير
قبل 4 سنوات وكم شهر شريت لكزس 430 موديل 2003 لونها بحري سعودية ماشاء الله الموتر جديد كان مع بنت السعيد الي هو الرئيس التنفيذي لشركة هرفي (مطاعم هرفي للاغذية المحدودة) والموتر ماشاء الله مافيه ولاشي جديد المهم شريته وقتها كان ماشي 99 الف الحمد لله مشت اموري ومرت سنة وبعدها سنة صار على حادث سواق لموزين هندي راجع علي بالريوس وانا واقف ويدخل الرفرف اليسار والصدام المهم جاء المرور وصار الخطاء على الهندي 100% وقالوا لي راجع شركة التامين حقت الموزين وقالوا لي ردد يالليل مطولك المهم خليتهم وصلحتها وكالة جلست 20 يوم عندهم ولاعطوني سيارة بديله يقولون لي كل السيارات اخذوها عملاء غيرك ومافيه سيارة بديله انا قلت يارجال مابي منهم شي ومشت الامور وطلعت السيارة كلفت 15 الف ريال تبديل حساسات وصدام جديد وغيروا الشمعه اليسار مع انها مانكسرت يقولون القاعدة انكسرت ورفرف جديد وغيروا الشبك الامامي يقولون ان العلامة تتحرك مدري شلون 15 المهم تم الدفع ومشت الامور بعد سنة ونص مليت من السيارة وقلت ببيعها رحت معارض النسيم يسئلوني وش فيها اقولهم فيها رفرف يسار مغير وفيها صدام امامي مغير في الوكالة يقولون لي بس اقولهم ايه بس هذا الي فيها يقولون متاكد انا شكيت في الموضوع قلت ايه متاكد مليون بالمية المهم اكثرهم ماعجبه الموتر مع انه جديد والله العظيم ووقتها كان ماشي 160 الف يعني انا مشيت عليها 60 الف بس في 4 سنوات وشوي ممشى ممتاز جدا واقل من الطبيعي المهم جاء شريطي قالي شف الكبوت مرشوش والرفرف اليمين مرشوش والباب اليمين واليسار مرشوش بالاضافة للي قلته انت ان الرفرف اليسار مغير ومرشوش قلت له يابن الحلال هذا موتري وانا عارفه مافيه رش قال لا فيه رش ومرشوش رشه لكر مدري وش ذي لكر قلت شلون يعني قال رشه لمعه عشان المطابقة بس لكن مافيه سمكرة بس رش لكر انا انهبلت صراحة وقلت مالي الا افحصها كمبيوتر للبدي رحت فحصتها وقالي حقين فحص البدي فيها رش الكبوت و الباب اليمين واليسار والرفرف اليمين واليسار والصدام الامامي قلت ياجماعة الخير قالوا هذا الي في موترك تدرون وش السالفة ، السالفة وكالة ابو جميل مايعرفون يطابقون اللون يعني انا مشكلتي وش هي غيرت الرفرف والصدام بس مع الرش قاموا رشو الكبوت والرفرف اليسار والباب اليمين والباب اليسار عشان يطابقون اللون حسبي الله عليهم الله لايوفقهم لادنيا ولا اخره
اقسم بالله ياخوان ان موتري نظيف من برى ومن جوا وماجاب لي الا 76 الف اقسم بالله واحد من هالناس في المعارض اخذ جوالي ودق علي بعد سبوع قالي انا ابي الموتر بحدود 90 وش رايك قلت ياخوي الموتر مايصلح لك قالي ليه قلت فحصته كمبيوتر وطلع فيه رشوش كثيرة وانا مابي ابيعك شي ماتعرفه المسكين انصدام قال شلون انا شايف الموتر مافيه شي قلت لافيه بس الي يعرف البدي صح يقدر يفرق قلت له احمد ربك واشكره انه مالعب عليك واحد غيري وباعك الموتر مع العلم ان هذا الرجال ماكان ناوي يفحص ولا شي على قولته انا اعرف في المواتر
ماطول عليكم رحت لوكالة ابو جميل فرع العليا قالوا لي بكل برود بعد سنة ونص جاي تكلمنا معليش حنا ماسوينا الي تقوله !!
اخواني اقسم بالله وبجلال الله اني صادق معكم ولا تبليت على احد هذا الي صار معي بالضبط خسرت بيعت موتري بدل مابيعه 90 الف بعته 76 الف
تحياتي لكم ،،،