الدبل مايعشق الثقيل

[فارس المدى]

السلام عليكم ..

اخواني

معي باترول 92


انزله للخفيف يشبك واذا نزلته بثيقيل واطلقت الكلتش يكغ ( كغغغغ )
ثم يرقا للفاضي

مدري وش العله ؟!

[HW80]

الله يعينا وياك حديد ماوراه الا الغثا

[فارس المدى]

اللهم امين ..

تتنظر البقيه ..!

[Abo gssar]

اذا مثل ماتقول معناه القير مايلقم الثقيل عشان كذا يوم ترفع رجلك عن الكلتش يطلع صوت كغه
اشك ان القير مايسقط بالنمرة او ان التيله اللي في العصا حق الدبل متحركة من محلها
ان شاء الله الشباب يفيدونك

[دكواااان]

وعليكم السلام ورحمة الله وبركاته...


اخوووي رح لأي مكيانيكي يفك لك عصا الدبل وينظفه لك وينظف مكان التيله اكيد فيه رمل وطين ووصخ لانها صارت معي ويوم نظفته يلقم الثقيل مثل الحلاوه ...

وان شاءالله يفيدونك الشباب اذا فيه شي غير ذلك

[صقر20]

كانك بالرياض يافارس رح لمركز جيركو بالصناعية
وأنت جاي مع الدائري لاجاك شارع الأمير سلمان
ووجهك للصناعية (غرب) لاتعديت نفق القطار أول إشارة تواجهك
رح معه يسار
شوي ويجيك المركز على يدك اليسار
لاتخلي أحد يلعب بموترك عندهم فلبيني ميكانيكي فنان أسمه توتو يجرب سيارتك ويعلمك وش العله على طول
والمهندس المسوؤل لبناني أسمه شوقي (ابوزياد) ورقمه 0505403297
بالتوفيق

[kmn]

اخوي انت عارف ان الثقيل ما يعشق الا اذا ضغط عصى الدبل على تحت وبعدين تلقم النمرة المشكلة عندك ان مكان الضغطة مليان طين ( الجلدة خربانه ) وبكذا ما تقدر تضغط العصى زين فك عصى الدبل ونظفها وامورك محلولة .