الحل في نباح السلوقي

[3bdulr7man]

يشباب انا عندي جرو مزعجني بنباحة
اذا دخلتة الشبك يضرب الشبك وينابح لين اطلعة
ويروح يلعب اخلية يلعب وبعدين ادخلة ونفس الحكاية ينابح عطوني الحل ياشباب

[ابا الصلابيخ]

الله يهديك

يا مال الغنيمة
امحطه بجذمار لين تحول عيونه

[3bdulr7man]

جربت الضرب مانفع بعدين الجرو كثير اللعب يعني اي واحد يشوفة ينقز علية ويلعب معه

[الــحـاكــمــ]

حاول تهاوشه وتعلي صوتك عليه

وردد عليه كلمت عيب عيب

او ليه ليه

على حسب الكلمات اللي تستخدمها معه

وأنصحك لا تضربه لأنه توه صغير والضرب يجفله ويخوفه

[صلهآم]

ماقصر الحاكم جاب العلم

وانا ااكد لك لا تضربه ابد ياخوي الجرو نشيط ومايهاب ميزه طيبه لا تجفله وتخرب طبوعه

اصبر عليه لين يكبر ويثقل من نفسه بس حاول اذا نبح لا تعطيه وجه ولا تطلعه نلاظر فيه وقوله عيب او ليه وامش عنه

مع الوقت يخف انباحه

بس لاتضربه لااااااااااااا تضربه لاتضربه

[فتى الحماد2]

اللعب هاذي عادة الجرو واذا دخلته الشبك ونبح يبغا يطلع يلعب بس لاتظربه هاوشه ودخله واذا نبح هاوشه

[صقر الشماااال]

ياا خوي انا عندي جروه اربطها بأخر البيت ما تشوف حد ويوم اروح عنهاا

تنابح وتسمع صوتها وانت بالشارع

صرت إذا نابحت تعرف الشال اللي نستخدمه عن البرد ؟

هو الفه على وجهها وعيونها و اخليها ما تشوف شيء وتسكت

والطريقه مجربه والسلقه صورتها بالتوقيع

[طيــر شلــوى]

إنتبه تضربه وانا اخوك بعدين يجفل وهذي ميزه بالجرو انه لعوب ..

بس بعطيك حل وإن شاء الله يضبط معاك ..

دايما وكله ببيته وامسح على راسه وهو داخل البيت .. واذا شفته ينابح وهو ببيته .. ادخل عليه وامسح على راسه وقله عيب عيب ..

وإن شاء الله يظبط معك وتاكل من صيده

[محمد الضيوفي]

افادوك الشباب بس انتبه لاتضربه

[بدوي.]

شوف حل لانباح ما اتوقع بتلقى حل واعلمك اكثر الجراوه كذا بس اذا شبعته بالاكل يزبط

[^الهاوي^]

مافي حل للجرو
هذي طبيعت الجراوه

[ابو رهف 222]

خله ينبح لين يتعب ونصيحه خله يلعب لين يطفش وعطه حليب ورز وعقبها بينام ولا تضربه الضرب شين وانشا الله اني افتك

[راصد بيئي]

على قوله الشباب
خله باليوم ساعه وحده يطلع بالحوش يلعب وبعده خله ياكل لين ينتفخ بطنه
ودخله الجرو لازم يلعب لأنه مثل الأطفال

اما الضرب فهو خطأ كبير
لأنك بالضرب بتهز شخصيته ويصير عنده خوف داخلي من البشر

والجرو مادون 6 شهور مايضرب لأنه لحد الآن مايعرف يميز بين الخطأ والصواب

[ساري المفعول.]

الرجال خربه بالعب بس اسمع وانا اخووك اذ جلست تضربه ماينفع

في واحد من الربع ضرب فالجرو لين صار الجرو يشخش من الذله (قطع قلبه) وانا اعطيك الحل انت الضاهر تطلعه يلعب وهذا هو سبب الصيااح واذ نبح لاتفكه ولا يشوفك عشان مايزيد
اسمع غط محله بالكامل من تحت على قد طوله واطول شوي حتا مايشوف احد ومن فوق مفتووح واذ صااح اضربه ضربه خفيفه مو بقووه وراااح تدعيلي انا ما اقول يترك االنبح بس رااح بين فتره وتفره ينبح

[3bdulr7man]

ماقصرتو بيض الله وجوهكم

[(هزاع)]

افادوك الاخوان