الفزعه يالربع الطير جناحه ثقيل

[محمد المساعد]

عندي طير حر 16-16 قرناس 7 شارية من زميلانا فى المنتدى

مشكلة الطير ثقيل جناحه ولاهو بلحوق فكيتله حمام مانفع قالولي ارفع وزنه ووزنه الان 930غ عطيته موميان وشب ابيض خمس ايام وريحته ودفيته وصارلي حوالى 13يو على الجرد لاكن مافيه تحسن مع العلم مافيه لانهته ولاغيرها وشره على العلف بالحيل

تكفون وش الد بره

ملاحظه /الطير مفحوص بالمستشفى وسليم

[راعي الطييب]

ياهلا والله

دام انه قرناس 7

الطير شنذر او باقي

واذا ماشنذر شنذره

واذا شنذرته


الطير يبي له شوي شوي توه طالع من الربطه ولا طار

لاكن اسمعني يالغالي


لاتعلفه الا بالملواح وكل عصريه ولوح له وتعبه كل يوم ان شاء الله يتحسن


وحاول تعطيه حمام طيار تقصر من ريش الحمام



والتوفيق بالله سبحانهـ

[ahsmaalie]

الوزن بالنسبه 16 16 وزنه 930 ممتازه لاترفعه اكثر من كذا الطير يمكن فيه ثقل جناح من قبل شفت المدهنه اخوى فحصتها اذا هى وارمه يثقل جناح الطير وحيانا تاثر على مطير الطير بالمره

[قرناس شماالي]

وعليكم السلام ورحمة الله وبركاتة
اخوي الطير عمره كبير لاكن الطير يبيله لياقه اكثر
وجرد لين يضبط جناحه واذ ماضبط شنذره لين يعدل

[abo jaara]

شنذره وظبط لياقته على الدعو والملواح

[محمد المساعد]

1-طيب على الوزن هذا يشنذر
2-الساعة كم اشنذرة انا عشيته قبل شوي نصف حمامه
3-الطير له اكثر من سنتين على كلام راعية ماشنذرة

[راعي دهام]

.


انتبه :

لا تشنذر الطيراليوم وهو متعشي ..



.

[محمد المساعد]

انا اقصد يعني اشنذره اصباح ملاحظه الطير مره يروبج 9:30ومرة 2 ومرة 11

وملاحظه ثانيه الطير يتثاوب وبس ينفش ريشه ويتمغط خاصه بعد المغرب والدعو مع
العلم اليوم جاب على الملواح 18 طقه وتم دعيه من مسافة 1كم وفتح فمه بالجو

[ahsmaalie]

انا اقصد يعني اشنذره اصباح ملاحظه الطير مره يروبج 9:30ومرة 2 ومرة 11

وملاحظه ثانيه الطير يتثاوب وبس ينفش ريشه ويتمغط خاصه بعد المغرب والدعو مع

العلم اليوم جاب على الملواح 18 طقه وتم دعيه من مسافة 1كم وفتح فمه بالجو

العمر ماله دخل الطير 7 يعنى شبب الطير مو كبير عندى طير قرناس 11 يطير مطير الفروخ ولحاق المهم الطير مايشنذر الا اذا الطير نزر او يتنكر او صد عن الحبارى انا اقول طيرك يبيله لياقه يعنى اجرده الصبح والعصر اما طق معك على الملواح 17 هذا شى طيب ولاتخاف اذا فتح فمه كل الطيور كذا هذا يعنى يبى الطير لياقه الطير ماجرد يمكن عند صاحبه وانت شكلك غشيم بالطيور خلك كذا لمده خمس ايام تهده من كيلو وخله يطق لين يتعب على الملواح بالصباح وكذالك العصر وان شاء الله يزين الطير ملاحظاتك يتثاوب عادى الطيور كلها تثاوب ينفش ريشه ويتمغط كل الطيور تسوى كذا هذا دلاله ان الطير سليم ولافيه الا العافيه ماناقصه الا الجرد

[محمد المساعد]

نعم ونا اخوك انا غشيم ولاكن اهل الطيور كل واحد بديرتي يعطيني راي
قلت اشوف اخواني بمكشات

[سلطان 1]

ياخوي طيرك ما فيه الا العاافيه 0

يمكن طيرك ما يرغب الحمااااااام يعني ما يطرد الحماااااام ولا يرغبه وهذا طبيعي فيه طيور ماترغب طرد الحماااام 0
خلك دعو على الملواااااح اريح لك واريح لموترك 0

[محمد المساعد]

غشيم بالصقارة لاكن هل الشنذرة بعد او قبل الروبجه
2- متا ابدا بدعو الطير 3-انا عشيته نص حمامه اليوم موعد الروبجه من 9:30الى 2 غير ثابته روبجت الطير

http://www.albreah.com/vb/images/misc/progress.gif

[أبوفرحان]

افادوك الاخوان