مشاهدة النسخة كاملة : احترت يالربع بين الباترول 2006 او الهدد
محمد العتيبي
16/10/2005, 11:53 PM
السلام عليكم ورحمة الله وبركاته
نويت ابيع موتري العزيز الذي من يوم اضهرته من الوتساله وهو في البر ماكم بالطويلة
انا ابي اشتري لي هدد 2005 وقالي واحد اصبر لين ينزل النيسان الجديد
طبعا الموتر اللي بشترية باكرفة كرف انا راعي حلال ودايم وانا عنده
وموتري للبيع باترول 2001 ماشي 245 الف كيلو متر اس جي ال قير عادي ابيض مكيفين ثلاجة
اخوكم محمد العتيبي
عاشق الجبل
17/10/2005, 12:29 AM
وعليكم السلام
الأخ : محمد اذا كنت راعي حلال ودايم عند الدبش ودربك وعر عليك بالهدد لأن الباترول موتر صح لكنه مايتحمل الوعر دايم
سعدسعود888
17/10/2005, 12:52 AM
السلام عليكم
مثل ما قال أخوي عاشق الجبل
دله وفنجال
17/10/2005, 01:10 AM
السلام عليكم...
عليك بلهدد اخوي محمد لك ولزمن بس عنديلك راي ثاني وهو انك تصبر اشوي لان الشكل يبي يتغير لا التويوتا ولا النيسان بعام 2007 وهذا على ذمت مدير الوكالة بأبو ظبي وكالة نيسان, وانا اقول لو تضرب عصفورين بحجر واحد ازيلك منه انه شكل جديد ومع الناس ومنه انه تويوتا ...
مجرد رأي ...
هاوي قصيده
17/10/2005, 01:45 AM
ياهلابك اخوي محمد العتيبي
اذا تبي شوري خذ لك هدد 2005 مو 2006 لان الجديد دفع رباعي مستمر وثقيل
واذا بتصبر 2007 براحتك بس موتر عاليومين كل مالها تتعقد وشكل التويوتا بدت تندمر يوم شفنا اشكالها الجديده يعني انسى تكون حقت كرف وتحمل
فاعقلها وتوكل هدد لان النيسان يبيلك كل شهر تربيط
وسلامتك
البكيرية
17/10/2005, 02:02 AM
هلا بك يا ابو قاسم
يا ابو قاسم اني لك من الناصحين خذ الهدد ونم عليه قرير العين والبال
والله يطعمك من خيره ويكفيك شره
اخوي هاوي قصيده معليش اسمح لي اقولك عزالله إنك ماصدقت لأن الهدد 2006 اختياري يعني على كيفك تبيه دفع رباعي مستمر ولا لا *
انا توني حاجز سيارتين هدد من عند اليحيى بالرياض واحد تماتيك والثاني قير عادي والدبل الصغير قير وليس زرر يعني مافيه دفع رباعي مستمر حتى التماتيك إللي توقعت(أنا) إنه بيجي دفع مستمر صار توقعي غير صحيح !!! ( إسأل المصري اللي عند اليحيى بالرياض )*
وشكررررررراًًًً*************
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir