برد والا عندي...................وواحد من الشيبان مشتي الفجر..

[حكيم العامري]

السلام عليكم ورحمة الله وبركاته
احس ان هذه السنة بارده جداً مقارنة بعام 1425 (العام الماضي ) وكذلك عام 1424
عام 1424 اذكر كنا نشغل المكيفات حتى العشر الاخيرة من رمضان
رغم ان الوقت تاخر 10 ايام في كل سنة ؟؟ يعني 20 يوم في السنتين
وعام 1425 لم يكن بهذه البرودة .
اخاف .. شيبنا بس...:(

ودرجة الحرة الصغرى على طريف بتوصل باذن الله 9 درجات بعد 4 ايام واليوم الصغرى المتوقعة باذن الله 16 درجة
http://www.weather.com/activities/travel/businesstraveler/weather/tenday.html?locid=SAXX0022&from=36hr_topnav_business


يقولون الزمان الدافي جافي

[ريف النشاما]

الكبر شين ياحكيم ......http://www.mekshat.com/vb/images/smilies/frown.gif.......... المكيف يشتغل ويالله ........

[عالي الشان]

في الرياض الجو لين الحين حار وبالذات الظهر !!

وبالليل مستحيل ننام بدون مكيف :(

[((أبو أسامة))]

إما أنك خارج الرياض

والا فعلا أنك مشيب من زمان.....................

وبالنسبة لبرد 1425هـ باستثناء رمضان فإنه كان قاسيا وتاريخيا .............

[حكيم العامري]

ريف النشاما .. توقيعك رهيب بس حسيت ان البرد زاد عندي بعد ما شفته
عزتي لشايب توه معرس وجاه رمضان وبعد رمضان جاه البرد ...يعني يسفط كراعينه عند عجوزه الاولى :heart: مع واحد زنجبيل


عالي الشان : اطلع :redcar:عن الرياض وشكامينه شوي وارقد اشوف :no:


فتى الحريق / فعلاً انا خارج الرياض . .... والبرد باقي عليه...والوعد المربعانية :j
اقولك وحد من الشيبان مشتي الفجر ..والشايب سمين شوي .. بس يمكن حركات شيبان ...علشان نطفي المكيفات ....:no2:



مع انك استثنيت رمضان 1425..... بس صدقني برد.. وستذكر كلامي في العشر الاخيرة انشاء الله لا تنسى فتى الحريق...

[حكيم العامري]

لا احد يزعل يا شباب ان اخطئت على احد منكم بس حبيت اطرح الموضوع بشكل فكاهي وما عرفت .

نعود الى صلب الموضوع رغم اني لم اجد تأييد في ان الجو ابرد من السنوات الماضية خاصة في هذا الوقت ، و انا لست اقارن هذا الوقت مع اوقات الشتاء بل مع اول اسبوع من الوسمي في السنوات الماضيه ، لكن ايام قليله ويتغير الجوا انشاء الله بشكل مغاير تماماً.
وهذا مؤشر وبشارة خير على قدوم الخير بأذن الله . والاولين من قبل
يقولون الزمان الدافي جافي [/] وهذا من خبرة السنوات السابقة والاجيال الاولى
السؤال هل تحسون بالفرق ام لا ؟؟؟ .................................................. .........................معقول..

[مرصاد]

ياحكيم يازين البرد زيناه الله حيه ، بس الى الحين زي ماقالو الاخوان في الرياض قيظ ماعنك وعن المكيفات شكله يبي لنا بعد شهر ويالله نطفيها... ربك كريم يجيب الخير

[حكيم العامري]

اخوي مرصاد حياك الله .
انا ذا اليومين مجاز و في الديره ، بس الفجر مثل ماقلت برد ،
بعدين الرياض لا تقيس به ...لو تطلع خارج الرياض عرفت الفرق
الاخوان اللي في القرى يحسون بالفرق اكثر.

[اسيزو 4x4]

البرد مقبل وبقوة

بأبها حالياً ....

صلاة الفجر لازم بشت وبر أو فروة ...

.

[ولد الوشم]

انا اتفق معك اخوي حكيم. السنه هذي بردنا مبكرين وما جانا هاك الحر الكايد الا اللهم اسبوعين في الصيف.

والعلم عند الله, السنه ذي راح يكون شتاها كايد بالحيل.


تحياتي

[الســـاري]

و انا اتفق مع حكيم ... السنه البرد مبكر ... واذا احد فيكم طلع للصيد هالسنه اكيد حس بالفرق خاصه في الاسابيع الاخيره

[ابو بريك]

واللة انك صادق يا ولد الهاشم عزاللة ان السنة ما جانا صيف ويعني انة أشتانا بأذن اللة أقشر ونصيحة يا الربع جهزو للبر من الحين لآن كلما تقدم الوقت غلت حوايج البر

[راعي الحزم]

السلام عليكم

تتحدثون عن البرد من الآن تو الناس
عموما ارى ان اكثر المواقع تتوقع انخفاض في درجات الحرارة

[((أبو أسامة))]

أخوي حكيم ما تنلام خارج الرياض الجو في الليل فعلا برد

أمس ليلة 15 قمرا وطالعين عقب التراويح في وادي الأوسط على النفود والحقيقة جو روعة ولكن بعد 12 صار صقعوة ونسناس بارد أعتقد الحرارة كانت أقل من 20 يمكن من 18 وفيها

أما النهار في الريض الله لا يوريك من الساعة 9 الى 3 حر عظيم