عناز
17/10/2005, 01:24 AM
السلام عليكم ورحمة الله وبركاته
هذي القصيده للشاعر مفوز بن مقبل التبيناوي الشمري ارجوا ان تعجبكم:-
يابو حاتم برّد الليل .. مع طلعة سهيل=والليالي صارت طوال .. والمنشا خيال
ما حلا باقفاية سهيل .. شوف المستخيل=مع دخول الوسم همّال .. ديمٍ باحتمال
ضافي يسقي من (عصيل) .. ليا (بيضاء نثيل)=يستمر اسبوع والجال .. حّده من شمال
مرزمٍ كن الهماليل .. للغيمة شليل=ريّضٍ بقدومه الفال .. لاصحاب الحلال
سرّ عيني منظر السيل .. و(الديرع) يسيل=والنفيض شلون يختال .. مع روس الجبال
مثل مجرى وادي النيل .. والمنظر جميل=منظر ما جا على البال .. ضربٍ من خيال
والتلاع من الشخاليل .. قامت تستغيل=( والرفاعي) صار شلال .. لله الكمال
وشاقني صف المعاميل .. في بطحا المسيل=لاشمعت النار فنجال .. ومجادع رجال
وربّعت كل المداهيل .. صارت كالخميل=مسعدٍ من صار جمّال .. غربٍ من (خثال)
ليا رقيت ومعك دربيل .. في راس الطويل=ما تغبط أصحاب الأموال .. حرّاس الريال
يعجبك شوف المطافيل .. بأطراف النزيل=عندهن زينات الأزول .. والمقنع جلال
يابو حاتم جون تعطيل .. جهّز للرحيل=جهّز ( مليعيط) بالحال .. يا قرم العيال
حرٍّ أشقر كلّ ما قيل .. في حقه قليل=النداوي ماض الأفعال .. محمود الخصال
ليا نظرته يعجبك حيل .. لو ماهو جليل=وليا نخيته مثل الأبطال .. في يوم القتال
هدّ مع صوت الهلاهيل ..شرقيّ ( الجبيل)=يوم شفته صال واجتال .. طوّحت العقال
صار هو والخرب درفيل .. في حطٍّ وشيل=كلّ ما ذا صابه جفال .. هو صابه هبال
ما نحقه بالدرابيل .. قلنا مستحيل=لكن ( مليعيط) ما زال .. للحبرم زوال
نزّله من فوق تنزيل .. حيثه مستزيل=علّقه والدّم شلال .. جعله ما يشال
في مداسه يالمشاكيل .. قرّرنا المقيل=المضحّى زان يا عيال .. يا (ماجد) تعال
يابو حاتم صار للقيل .. في صدري دليل=قرّب المقناص شوّال .. باقٍ له ليال
يابو حاتم ما حلا الليل .. لا صارت صليل=والذرا ما غير طربال .. مع فروة طفال
وابتدينا بالتعاليل .. لا قالٍ وقيل=ولا يغثّك صوت جوّال .. ما حولك إرسال
اطلب اللي يوفي الكيل .. يا قلّ الحصيل=الله اللي يعلم الحال .. ويجيب السؤال
استجاب لـ (واني الحيل) .. مقطوع السبيل=وكلّ وادٍ عقب الامحال .. بامر الله سال
ولا تحسّب للمقابيل .. والرّازق كفيل=والعمر ياخوي لو طال .. ملفاه الزوال
مفوّز بن مقبل التبيناوي
( أبــو فيصـــل )
هذي القصيده للشاعر مفوز بن مقبل التبيناوي الشمري ارجوا ان تعجبكم:-
يابو حاتم برّد الليل .. مع طلعة سهيل=والليالي صارت طوال .. والمنشا خيال
ما حلا باقفاية سهيل .. شوف المستخيل=مع دخول الوسم همّال .. ديمٍ باحتمال
ضافي يسقي من (عصيل) .. ليا (بيضاء نثيل)=يستمر اسبوع والجال .. حّده من شمال
مرزمٍ كن الهماليل .. للغيمة شليل=ريّضٍ بقدومه الفال .. لاصحاب الحلال
سرّ عيني منظر السيل .. و(الديرع) يسيل=والنفيض شلون يختال .. مع روس الجبال
مثل مجرى وادي النيل .. والمنظر جميل=منظر ما جا على البال .. ضربٍ من خيال
والتلاع من الشخاليل .. قامت تستغيل=( والرفاعي) صار شلال .. لله الكمال
وشاقني صف المعاميل .. في بطحا المسيل=لاشمعت النار فنجال .. ومجادع رجال
وربّعت كل المداهيل .. صارت كالخميل=مسعدٍ من صار جمّال .. غربٍ من (خثال)
ليا رقيت ومعك دربيل .. في راس الطويل=ما تغبط أصحاب الأموال .. حرّاس الريال
يعجبك شوف المطافيل .. بأطراف النزيل=عندهن زينات الأزول .. والمقنع جلال
يابو حاتم جون تعطيل .. جهّز للرحيل=جهّز ( مليعيط) بالحال .. يا قرم العيال
حرٍّ أشقر كلّ ما قيل .. في حقه قليل=النداوي ماض الأفعال .. محمود الخصال
ليا نظرته يعجبك حيل .. لو ماهو جليل=وليا نخيته مثل الأبطال .. في يوم القتال
هدّ مع صوت الهلاهيل ..شرقيّ ( الجبيل)=يوم شفته صال واجتال .. طوّحت العقال
صار هو والخرب درفيل .. في حطٍّ وشيل=كلّ ما ذا صابه جفال .. هو صابه هبال
ما نحقه بالدرابيل .. قلنا مستحيل=لكن ( مليعيط) ما زال .. للحبرم زوال
نزّله من فوق تنزيل .. حيثه مستزيل=علّقه والدّم شلال .. جعله ما يشال
في مداسه يالمشاكيل .. قرّرنا المقيل=المضحّى زان يا عيال .. يا (ماجد) تعال
يابو حاتم صار للقيل .. في صدري دليل=قرّب المقناص شوّال .. باقٍ له ليال
يابو حاتم ما حلا الليل .. لا صارت صليل=والذرا ما غير طربال .. مع فروة طفال
وابتدينا بالتعاليل .. لا قالٍ وقيل=ولا يغثّك صوت جوّال .. ما حولك إرسال
اطلب اللي يوفي الكيل .. يا قلّ الحصيل=الله اللي يعلم الحال .. ويجيب السؤال
استجاب لـ (واني الحيل) .. مقطوع السبيل=وكلّ وادٍ عقب الامحال .. بامر الله سال
ولا تحسّب للمقابيل .. والرّازق كفيل=والعمر ياخوي لو طال .. ملفاه الزوال
مفوّز بن مقبل التبيناوي
( أبــو فيصـــل )