وش السالفه.. داخل على الله ثم عليكم .. !!

[أبـ [مطلق] ـو]

السلام عليكم ..


كيفكم أخواني؟ ان شاء الله بخير


يا شباب جتني مشكله بجهازي الأيكوم 8000 ولا أدري وش السالفه

واحد امس استقبله ويستقبلني أوفر (( واليوم استقبله اوفر وهو يالله يسمعني ما فيه ابراج مره برج ومره ما فيه ومره برجين بالكثير اتكلم عشر كلمات يالله يلقط كلمه ))

قلت من الأريل غيرته نفس الكلام وازود بعد

وديته لمحل يصلحه بس رحت له متأخر قال بكره تعال اصلحه

لكن فحصه على السريع وقال فحمات

يقول فيه فحمتين وحده تصلح ب 60 ووحده تصلح ب 160

والظاهر انه الفحمه الي تصليحها ب 160

وأنتم وش رايكم ؟؟

أنتظر ردودكم تكفوون


تحيااتي

.

[أبـ [مطلق] ـو]

لا تخلوني تكفوون ...

علموني وش السالفه

والي ما يدري على الأقل يرد ويقول والله ما ادري




.

[أبـ [مطلق] ـو]

؟؟؟


.

[الحضري]

شفت موضوعك وياليت عندي خلفية عن الأجهزة كان افدتك باللي أعرف


لكن والله ما عندي اي خلفيه عنها



في حفظ الله

[عجمي]

السلام عليكم ورحمة الله وبركاته


بصراحة انا ماافهم بالاجهزة لكن ممكن يكون العطل من جهاز خويك ...


ورايي انك تتأ كدمن الجهاز قبل يفكة لك ..وذلك عن طريق جهاز عندة او تودية لمحل ثاني يفحصة لك..


والله يوفقك ابو مطلق


وتحياتي,,

[أبـ [مطلق] ـو]

هالحين وديته لمحلين

كلهم قالوا فحمات

واحد منهم قال فيه فحمتين للحين ما تأكد ايهم الخربانه فيهم



.

[جفيل]

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين



اها ه اكيد ظغتت الريشه الي قبل كانت من وجود راجع قوي يعني اكيد القاعده فيها خلل

يعني ترا الريشه تعلق اذا كان فيه كهرب جاي من الأريل(( وهذا تجيني )) كانت عندي قاعده خربانه وشبكتاها وصارت الريشه تعلق وانحرق الجهاز




نصيحتي لك غير الآيسي(( الفحمات)) واشتر قاعده جديده والأريل خله لاتغيره. وقس الراجع حق الأريل عند راعي المحل.

وانتهت المشكله

[عروق الدهنا]

السلام عليكم ورحمة الله وبركاته
اخوي ابو مطلق من العايدين قبل الزحمه
اما المشكله قبل مايفكون لك الجهاز يمكن تصير المشكلة مهب من عندك
واذا كانت من عندك عادي غير الايسي
لاكن قبل مايفكونه خل معك قلم خطاط وفك الجهاز وحط خط على كل قطعه علشان ما يسرقون القطع الي بالجهاز



والسلام خير الختام

[أبـ [مطلق] ـو]

ما قصرتوا والله


يعطيكم العافيه


.

[الهمر]

.
ابد خذ بكلام شايب سدير ، وإن شاء الله تنحل مشكلتك
.