صور لرحلات القنص فى ليبيا

[صياد ليبيا]

بسم الله الرحمن الرحيم
اسف حدا جدا على تاخيرى اخوتى الاعضاء والمشرفين فى هدا الموقع الاكثر من رائع والله وسبب انشغالى هو بداية الموسم لدينا ولا زلنا نبحث عن طير المهم اريد ان اشكر كلا من الاخوة turhob والزنتان بلدى واحب انقولك ان الموسم بدا عندنا ومعاش ينفع الا النشاط باذن الله وهتشوف منى ما يسرك باذن الله واخوى ممجنون الحبارى اشكرك عظيم الشكر على مرورك ورحابة صدرك والله انها اخلاق قناص مزبوط ونتشرف بمعرفتك والله
ونتمنى نتلاقو فى المقناص والله مع العلم انى من عشاق الحمادة الحمرا لسهولة ارضها وكثرة الحبارى فيها وجوها الرائع باستثناء فترات الليل التى تصل فيها درجة الحرارة الى 7 تحت الصفر واليكم اخوتى الاعضاء والمشرفين بعض من صورى مع اصدقائى فى عدة رحلات داخل ليبيا الحبيية وفى عدة اماكن ولا اطيل عليكم اليكم الصور
وترقبو منى المزيد ان شاء الله على ان القاكم على خير واسف على طريقة عرض الصور وارجو تعديلها من المشرفين الكرام
http://www.wntgala.com/up/uploads/536a6e4588.bmp

http://www.wntgala.com/up/uploads/6969c2113b.bmp

http://www.wntgala.com/up/uploads/bb9acce3ca.bmp

http://www.wntgala.com/up/uploads/098cbbdc61.bmp

http://www.wntgala.com/up/uploads/5d7d2f3df6.jpg

http://www.wntgala.com/up/uploads/ba8731409c.jpg

[الاصفر]

السلام عليكم
الحمد لله على السلامه وصور رائعه جدا واشكرك عليها

[الوسم]

يعني انشاء الله تعزمنا على المقناص عندكم في ليبيا ؟

[فارس العجمي]

السلام عليكم
مشاء الله ومشكووور علي الصور

[الفيتو]

بسم الله الرحمن الرحيم
السلام عليكم ورحمة الله وبركاته

مساء الخير يا خوي .. رايع رايع رايع..نتمنى لكم ايام سعيده في هالموسم
والمواسم القادمه ..طيور طيبه وصقاقير طيبين وعندي استفسار اول
صوره الطيرالموجود في الوسط هل هو مطروح في ليبيا؟
ام مجلوب من الخارج؟.وكم سعره؟
والسلام
الفيتو
الحجاز
14/8/1426هـ

[صقر ليبيا]

والله صور حلو واتمنا انتعرف عليك خو انا سليم من اجدابيا
http://www.w6w.net/upload2/16-10-2005/w6w_200510162252186357ee83.JPG
http://www.w6w.net/upload2/16-10-2005/w6w_200510162305529df811bc.jpg

[ghazy11]

صور اكثر من رائعه


اخوك غازي

[صياد ليبيا]

بسم الله الرحمن الرحيم
مشكور جدا اخوى الاصفر على مطالعة الموضوع والرد عليه واخوى الوسم مرحب بيك يا غالى تشرفنا
شكرا اخوى قرناص الجزيرة على الرد اخوى الفيتو شكرا على ردك وبالنسبة لسؤالك عن الطير فهو فرخ
تم صيده العام السابق فى منطقة تازربو غرب الجماهيرية وتم طرحه فى منطقة اجدابيا لدى احد التجار الكبار
وتم بيعه بسعر3500دينار ليبى ما يقارب 2600دولار وهو لاحد الاصدقاء وهو طير جيد ولكن المشكلة الوحيدة التى واجهتنا مع هدا الطير ان يسرح ورا الحبارى يعنى انت ممكن فى هدد واحد عا الحبارى تاخذ مسافة 8-10 كيلو متر ورا الطير لكن ميزته انه ما يسيب الحبارى ابدا وعندى له لقطة فيديو والله اكثر من روعة كانت السارات كلها واقفة ونشوف المسافة اتقرب ويخش عا الحبارة ويشنقها على ارتفاع خيالى ونزل بيها من هذا الارتفاع وقبل يوصل الارض رماها مما يدل على ذكائه والله انا و الجماعة اللى معايا اصبنا بحالة هسترية وتعالت الصيحات وكان والله مطلاق لاينتسى ارجو ان اكون اجبت على سؤالك اخوى الفيتو مع فائق احترامى
(اخوى صقر ليبيا لى عضيم الشرف بعرفتك وخاصة انك من اجدابيا واهلها من احسن الصقارة ولى الكثير من المعارف هناك ومن مدة قصيرة ذهبنا لشراء الفرخ المطروح عند عطية الزوى لكن للاسف وجدناه مبيوع لواحد فى طبرق من جديد اتشرفنى معرفتك اخى سليم وصورك حلوة والله وانا من سكان مدينة بنغازى (شكرا اخوى غازىعلى الرد وشرفنى مرورك على موضوعى وشكرا لجميع الاعضاء والمشرفين القيمين على هذا المنتدى الرائع وشكرا اخوكم صياد ليبيا ( ومشكور اخوى صقر على تعديل الصور تعبتك معاى والله شكرا)

[مجنون الحبارى]

بسم الله الرحمن الرحيم
وينك يا خوى صياد ليبيا والله اتاخرت علينا والله استاحشناك المهم والله انها صور رائعه وجميله وطيورك ما شاء الله عليهم وان شاء الله اتقضى امتع الاوقات مع اصدقائك ومع الحباره فى ربوع بلادنا الخضراء المهم انا مصر على انا نتلاقوا فى المقناص هذا العام ولانزم انتواصلوا مع بعضنا والله حتى بنى وليد فيها الحباره ياسر وفى نفس الوقت فيها اماكن وعره خصوصا فى البحريه ونبى انعرفك على اصدقائى الصقارين اللى ينعدوا على الاصابع فى مدينتنا بيش اتفيدنا من خبرتك وانفيدوك ان شاء الله وعلى فكره الطير اللى سألك عليه الفيتو انا صاحبى من مدينة الزنتان مسكه من فتره وجيزه و رابطه احداى لكن وين احصل فى السلب القينا عنده صبعين مقطوعات ما نيش عارف السبب قعدنا كل واحد اقول فى رأيى لين قلنا ممكن السلب قوى قطعله اصباعه والله اعلم والله حيرنا وجوه مجموعة صقارين وكل واحد اقول حاجه زى ما قتلك ياريت اتقوللنا شن السبب وقول لسليم خيرك ما اتردش عليا فى الخاص انا عطيتك رقم تلفوتى علشان الطير بينشوفوا سعره ممكن نقدروا عليه
واسفين على التاخير سلامى لكل صيادين ليبيا وعيد مبارك من اخوكم مجنون الحبارى

[البحارى]

هلا ياخويا الصياد ليبيا على هده الصور الجميله وهده الطيور ولله فى وطننا الجميل ولله انك تزيدو فينا الشجاعه وقرب الموسم القنص وانشاله نتلاقو على القريب فى الحماده الحمره لى سماحت الوطانها وانى كلمنى عليك المجنون الحبارى اكتير وانشاله نتلاقى امعا ابعاضنا واحنى توه امناصقين لطلعه فى العيد ماشين نقنصو الحباره بطيور القرانيص اكيد شاوخك عليهن المجنون الحبارى فى الصور قريبه انشاله نعرضا وقولى رايك فيهن ومع السلامه

[مجنون الحبارى]

مشكوووووووووووووور اخوى البحارى وان شا الله خونا صياد ليبيا ما اشوف الا اللى يرضيه بس انت يا ابحارى انشط روحك السنه امعانا وموضوع الصور والفيديو خليه على انا وسلامتكم

[البحارى]

اوكى يا خويا المجنون الحبارى انا امجهز روحى وكل شى جاهز والطيور جاهزات مايبن كان الحباره بس وانت وتى روحك وانشاله اتنال اعجابك وانت عارف بدون مانقولك وانشاله يروح امعانا اخونا العزيز صقر ليبيا ونرضوه مشكور اخويا المجنون الحبارى على التعليق

[سواف الجين]

اشكرك اخويا المجنون الحبارى على التعليق وانشاله عام المقناص عام ممتع للجميع وسلامة الخاص الى الصديق الفيتو وشكرا

[عريدان]

وألف نعم بإخواننا أهل ليبيا الله يحفظهم ويجمعنا بهم على الخير.....

[مجنون الحبارى]

مشكووور خوى البحارى على تعليقك الله اخليك وانت مستقبلك زاهر فى عالم الطيور
مشكوووور اخوى سوف الجين وانا عارفك انك صقار مجد وخبرتك جيده بالرغم من صغر سنك
اخوى عريدان جزاك الله خير ورب يتقبل دعائك

[البحارى]

ولله بدون مجامله ياخويا المجنون الحبارى حتى انت مستقبلك زاهر انشاله فى عالم الطيور بس انت شد حيلك هده السنه امعانا علشان الطلعه بدونك ماتسوى شى

[مجنون الحبارى]

الله اخليك ومشكوووووووووووووور يا بحارى وانت والله الحباره بلاك ما تسوى وتى طيرك بس

[هاوي مقناص]

السلام عليكم ورحمة الله وبركاته................


مشاء الله علي الصور والموضوع الجيد والرائع ،وشكرا اخي صياد ليبيا .


وعسي الله يوفقنا جميعا بصيد هالموسم.

اخوك:الخشف

[صياد ليبيا]

بسم الله الرحمن الرحيم

اسف لتاخيرى اخوى مجنون الحبارى كنت مشغول وانت عارف انه بداية موسم وبالنسبة للطير هو مشرى من عطية الزوى من اجدابيا وشراه فرج العوامى من بنغازى وقنص معانا فى الحمادة الموسم اللى فات لكن مخالبه سليمات ما فيهنش اى عيب اكيد انت تحكى على طير اخر وسامحنى يا خوى على تاخيرى عليك وان شاء الله ديمة طيب

مشكور على ردك اخوى البحارى وان شاء الله تقنصو قنة طيبة وتحصلو احبارة واجدة ويبارك فى طيورك ويعودن عليك بالصيد والفيد وانا تشرفنى معرفتك يا ولد بلادى ونبى نسمع منك اخبار عا القنصة هدى والمكان اللى مشيتوله ويا ريت صور فى امان الله اخوك صياد ليبيا

مشكور عا الرد اخوى عريدان وحفظك الله

مشكور اخوى الخشف على مرورك الكريم وردك عا الموضوع تسلم ان شاء الله

[مجنون الحبارى]

اكيد انى نحكى عن طير اخر يا خوى صياد ليبيا انا قتلت نفس الطير اللى عند صاحبى الزنتانى (صقر) يعنى يشبهله وانا نعرضلك فى المشكله امتاعه ياريت اتقول رايك فيه بس وجزاك الله كل خير ياريت ما انكون ازعجتك والطير اللى شراه خونا فرج رب يطرحله فيه البركه والصيد والفيد وانا قالى عليه صديقى مختار قبل لا يوصل فى اجدابيا

[البحارى]

مشكووووووووووور اخوى صياد ليبيا وانشاله اول لما نطلعو والما نرجعو بالسلامه انقولك ونحكيلك وامعاهن الصور ومشكوووووووووووور ومشكورررررررر اياخويا المجنون الحبارى