اليوكن والنيسان ارمادا

[abu saif]

بسم الله الرحمن الرحيم

السلام عليكم ورحمة الله وبركاته

اخوكم ناوي يشتري سياره جديده

ومحتار بين اليوكن والنيسان ارمادا

ابغاها سياره عائليه للسفريات وحق طلعات برخفيفه مع ان عندي سيارة برخاصه

ارجو من اعضاء مكشات الكرام ان يعطوني ارائهم ونسوي مقارنه بين السيارتين ونعرف الايجابيات والسلبيات علشان ارسي علي بر

ورجاء اخر من الي استخدم الارمادي واليكون يقولنا كيف هن في الخط البعيد بسبه لرساوه والراحه

اخوكم ابو سيف

[بن نويشر]

يـــــــــــاخوي السيارة الجديدة ما يضره إن شاء الله ، توكل على الله وفك الموتر اللي يميل له قلبك .

وتحياتي يالحبيب ..

على فكرة يقولون أن اليوكن 2006 متغير شكله لا تستعجل وتحياتي يالحبيب ..

[nahham]

هلا اخوي

طالما ان عندك سياره بر نصيحتي ابعد عن الدفع الرباعي افضل واقل مطب

يبقى شيء مهم هو توافق السياره مع عدد افراد الاسره

الله يوفقك ويعطيك خيرها ويكفيك شرها مقدما

[طخيمان]

أنصحك بالأرمادا لأنه ياباني وشكله فخم وبعدين حجمه كبير والشيء الآخر ان يوكن 2007 يبي يتغير.

[اسيزو 4x4]

الارمادا لا تدور غيرة وبتدعيلي ...

[غالي]

اليوكون بيتغير شكله 2007 على كلام الاخوه
والارمادا مع الاهل واحد لكن ابقولك سعره غالي معهم دفرنس واحد <مافيه دبل> شارينه فوق 130 الف
وابو دبل على ما اظن فوق 140 الف مدري بكم هالحين
على كل ان كنت تبيه للعيال الله يحفظك وياهم وتطلعون عليه البر انا انصحك تفكر بالاندكروزر رغم انه بيتغير شكله 2007 لكن موتر انشاء الله قوي ويحفظ لك سعره

[anas]

ارجع لموضوعي ( صور يوكون 2007 الجديدة بالكامل ) طبعا اللي سمعت عنه انهم بيطرحونها في 2006 .

[قناص الليل]

انصحك بالأرمادا ما شاء الله ياباني ، و قسم بالله عليه عزم لا حول و لا قوة الا بالله هباااااال .
وحش بمعنى الكلمة >>>>> جربه قبل كل شي و بتقتنع ..

[2500HD]

ان لاحظت ملاحظه رغم عدم معرفتي بمكانيكا السيارات , الا وهي
دفرنس الارمادا صغير مقارنة بدفرنس الجمس
اتمنى من الاخوة الخبراء يوضحون ذلك هل هو عادي يكون الدفرنس بها الحجم ( أقصد الأرمادا )؟ ولا يكون فيه ضرر لو حملت وشديت على الموتر .

[هاوي قصيده]

ياخوي انا انصحك بالارمادا اول شي ياباني...ثاني شي وسيع وشكل جديد

لان اليوكن بيتغير شكله وامريكي ..بيني وبينك صحيح مريح وراسي بس ثقيل عالقلب واسال مجرب

وتشكراتي لك

[abu saif]

بسم الله الرحمن الرحيم

سنيدي
nahham
أبوالطواري
اسيزو 4x4
غالي
anas
قناص الليل
2500HD
هاوي قصيده

اشكركم علي التفاعل والرد السريع وهذا علمي بكم ماقصرتو
الضاهر انها ارمادا
ابو سيف

[salehhd]

انا ارشح الارمادا

ومبروك مقدما

[عريدان]

أنا شخصياً وبنفسي جربت الأرماد والموتر قوي ونشيط لكن إبحل إذا تعلق في سوافي رمل ناعم ناعم بالحيل لأني قمت خليته يثولث على اليسار وعلقته على بطنه صار كفره أمام يسار وخلفي يمين يدورن بوووش ولافاد فيه إلا ( الكريك) لا قفل لا دبل لا دفدفه وعقبها خليته مع خواته بالبيت للمدراس والطمر على الأرصفه وبس واللي معه أرمادا ولا هو مقتنع يواعدني وأوريه فعايله البايخه.

[سفاري حر]

وانت حالفة عليك امك الا ارمادا والا يوكن

[عاشق التيتان]

أرررررررررررررمادااااااا

سعره ما ياصل 130. آخر مرة سألت 114

[بيرق العزة]

:hot: حتى لو بمائه واربع طعش وهي هينه الميائه ولاربع طعش المؤاتر طارة في السماء عالي وش نلحق وش نخلي اجل كل يوم يمر مع كوبري الخليج مليلرات في الثانيه الله المستعان ويحفظ هالانعام الي احناااااااا واياكم فيهااااااا خذ ياباني وبس تاكد الصنع ياباني وترتاح مهو سنفغوري ولا استرالي الله يصلح اهل الوكالات الي يبيعوناااااااا بسعر الياباني الاصلي تراء فيه ياباني بس مايجي هنا ليش غالي عليهم ولا منه فائده لهم زي مايخذون الان :alarm:

[anas]

انا امس سالت في احد المعارض عندهم ارمادا جديد موديل 2005 فل كامل دفرنسين بـ 137000 فقط

[عاشق التيتان]

صدقت يابن البادية المواتر اسعارها في السما.

والمية واربعطعش ما هي قليلة لكن تصحيح معلومة فقط لاغير.

وعلى طاري النعمة اللي حنا فيها أذكر اخواني انها بالشكر تدوم فلاتنسى الشكر لله.

الحمدلله ...