أول مشاركه وبغيت خدمه منكم لاهنتم

[4.6]

السلام عليكم ياشباب....
صراحه فرحت كثير بمعرفة هذا المنتدى الجديد و القوي الهادف ليس مثل المنتديات الكثيره اللي مالها هدف ويتجاهلونها الناس بعد فتر...
واشكر صراحه اللي مفكر بهل منتدى وقوله انت "راعيها"
واللي خلاني اشترك في هذا المنتدى انه انا بعد لي اهتمامات في البر و الصيد والكثير من الاشيا اللي لقيتها في المنتدي الروعه..
واول مشاركه لي في قسم الاجهزه الاسلكيه؟ ليش يا 4.6؟؟؟؟ وليش 4.6 بعد؟؟؟؟؟؟
ليش هنا؟ لانه عندي سؤال عن الاجهزه ;)
وليش هذا الاسم؟ هذا زي ماقالو المعنى في بطن ..... اكمل الفراغ.. هاهاهاها
ما بطول عليكم بس حبيت اقول كم كلمه عن نفسي و انشا الله انك تقبلوني معكم :)

سؤالي هو عن الاجهزه الاسلكيه مثل الكنويد و الايكم ووووووو والطقم كله :D
انا صراحه غشيم في الاجهزه بس عندي حب استطلاع وودي لو احد منكم يقولي وشهو افضل جهاز ثابت كان او متحرك ( حق السياره او يدوي ) وكم اسعارها حاليا و وين الاقيها ( انا من سكان الشرقيه ) ولا تنسون تقولولي وش اشتري معى الجهاز من ملحقات ووين الاقيها ( في الشرقيه ) وهل هي ممنوعه ولا لا؟

شكلي كثرت عليكم بس ما عليه السموحه تراني عليمي في هالسوالف....:D

[الهداد]

:good: حياك رب العباد انت وكل مسلم بين ربعك واخوانك

وترى لو تطول هذا الشي يفرحنا لانك راح تقعد فتره اطول ويانا

وبالنسبه للاجهزه انا مالي خبره فيها بس عندي الايكم والله ممتاز والله اعلم وانشاء الله يردون عليك الربع الى عندهم خبره




وحياك مره ثانيه وياهلا ومرحبا وعساها مشاركات دوم مو يوم وتفيد وتستفيد

اخوك / الـــهـــــــداد

[4.6]

تسلم يا اخوي الهداد على هذا الرد
وانا ما يهمني من مشاركتي هنا لمعرفة ما اريد كثر ما ودي اني اتعرف على ناس مثلك وشرواك يالغالي :)

[شقران]

تفضل ياغالي:
http://www.mekshat.com/vb/showthread.php?s=&threadid=1047&highlight=%CA%CC%E3%ED%DA+%E1%E3%E6%D6%E6%DA

[4.6]

اول شي اشكرك اخوي شقران على ردك ومجهوداتك الرائعه في المنتدى

ثاني شي .... رحت لمحل يمدحونه عندنا بالشرقيه بس ما لقيت عنده الا icom .....
ال icom8000 سعره ب1000 ريال !!!!!!!!!!!!!!!!!!!!!!
و icom2100 سعره ب850 ريال !!!!!!!!!


ويقول نعطيك اريل سياره 3.5 اعتقد او 3 فاصله وش قال والله ( في بلاستيكه صفرا من شكلها تقليد )


سؤالي هنا .... ادري ان الفرق بين الثنين مو شي كبير بس هل تفرق بنسبه لواحد مبتدي؟
ثاني شي وش تنصحوني فيه؟؟ عن الجهاز وعن الاريل و ويش مفروض بعد اشتري ؟ ( فلوسي زايده هل يومين لووول )

وسلامتكم


:)

[العازمي]

مساك اللة بالخير اخوي (4.6).....
انصحك اذا تقول الدراهم زايد ة شوي ماشاء اللة اولاّ انك تطينها باستيشن ياباني . ودايركشن امريكي .ونبيفاير
ياباني ذهبي.وبرج 21متر ابوهند ل .وجهاز ياسو 3000 افضل جهاز عتدي وبعد ين تسئل اخوي شقران كيف
الطريقة للمراسلة لأ ني اوقف عند عملية الترددات وتقوية الأ الارسال ... :D

[4.6]

تسلم اخوي ( العازمي ).... على ردك بس زي ما قلتلك ما لقيت الا ICOM وشغلات الثانيه مثل الامبليفاير والدايركشن ما عندهم ما عند منيب قايل .... زين اللي عندهم ICOM "اختراع جديد عندهم "
على العموم انا بغيت اعرف وش اخذ او وش يناسب واحد مبتدي مثلي ما عنده خبره 100% مثل الشباب اللي ما يتكلمون الا في " قوة الكهربه وقوة الضغط و وش داخل السلك" ( شقران والشباب ) ما شاالله عليهم خبره صح .... وش اللي يناسب واحد على قد خبرته؟ ( نص كم يعني.... يعني عليمي الا حبتين ) ؟؟؟؟ 1200 ولا 8000؟؟؟؟
وسلامتكم....

[راعي عنيزة]

حياك الله يا اخ اربعه وسته من عشره :)

وش تاخذ ؟؟ سؤال المفروض انت تجاوبه

انت وش ناوي عليه ؟؟

هل تريد استخدام الجهاز بالسياره ؟ اذا اكتفي بالاريل الاصفر الي عرضه عليك المحل

هل تريد استعماله في البيت ؟؟ بما انك مبتدىء لا داعي للخساير واستيشن ثلاثة وصل كافي جدا
واذا اكتسبت خبره مستقبلا ووجدت عندك الرغبه ذاك الوقت تشتري امبي و توجيهي فذيك الساعه الله يعينك على دفع اربعة الاف وخمسمية ريال ;)

اما افضل جهاز فحسب استخدامك اذا كنت تحافظ على الجهاز وغالب استخدامك في المنزل اشتري ايكوم 8000لانه اصفى صوت واكثر مميزات
اما اذا كنت تجور على الجهاز وتستخدمه بكثره في البر فان ايكوم 2000 اصبر ويتحمل

والياسو لا تقربه لانه بدون قطع غيار

واذا كنت بتروح الرياض ترا الاسعار اقل من الشرقيه





;)

[4.6]

تسلم اخوي راعي عنيزه بيض الله وجهك :good:
:)