رحلتي من تصويري [الأرشيف]

صيادة زمارير

30/12/2010, 12:25 AM

مرحبا

كيف الجميع؟ اتمنى انكم تكونون بخير

حبيت اشارك معكم واعرض عليكم بعض الصور اللي التقطتها اثناء رحلتي للصيد

وهي بصراحه عدة رحلات جمعتها لكم في موضوع واحد واتمنى تنال اعجابكم

اترككم مع الصور

هذي سنارتي

http://files.mothhelah.com/img/to957052.jpg

وهذي سنارتي والضحيه لسه موجوده فيها

http://files.mothhelah.com/img/LU257052.jpg

وهذي لقطه بكامرتي من اليخت

http://files.mothhelah.com/img/AwF57052.jpg

http://files.mothhelah.com/img/AcB57052.jpg

هذي بعد ضحيتي

http://files.mothhelah.com/img/xZB57611.jpg

http://files.mothhelah.com/img/J5057611.jpg

وهذا صيدي والطعم كان خثاق وربيان

http://files.mothhelah.com/img/JYN57611.jpg

http://files.mothhelah.com/img/WnD57611.jpg

http://files.mothhelah.com/img/IpZ57611.jpg

هذا عشاي

:D
http://files.mothhelah.com/img/r5B57794.jpg

http://files.mothhelah.com/img/plc57794.jpg

http://files.mothhelah.com/img/Mqb57794.jpg

اتمنى تعجبكم

محآآآآآآآآآآر

30/12/2010, 12:32 AM

الله يعطيك العافية على هالتقرير
وعليك بالعافية
أخوك،،،،،،،،،،،،،،،،
محآآآآآآآآآآآآآآآآآآآآآآر

صيادة زمارير

30/12/2010, 12:41 AM

يعافيك ربي

شكرا لمرورك

عناز الحره

30/12/2010, 12:44 AM

http://files.mothhelah.com/img/xZB57611.jpg

تقرير طـــــــــــــــــازج رائع اسعد الله ايامك

http://www.mekshat.com/pix/upload04/images195/mk121354_fisch045.gif
فى امااان الله

صيادة زمارير

30/12/2010, 01:09 AM

تسلم ياخوي على هالمرور الكريم

الف شكر لك

بحري 99

30/12/2010, 01:24 AM

ما شاء الله
تصوير ورحلة جميلة
بالعافية يارب

safii

30/12/2010, 01:41 AM

http://files.mothhelah.com/img/AcB57052.jpg
شايفه هذا المكان الي انتي مصورتيه
هذا افضل موقع للصيد بالجبيل بالاوقات الحاليه مليان كنعد :(
اول شي لازم تغيري طريقة صيدك كليا
يعني انتي قبل كم يوم طرحتي موضوع انك عندك مشكله وهو ان كل صيدك صغير صح ؟
عشان تصيدي السمك الكبير لازم تحطي طعم سمك صغير
طبعا من الصعب اشرح لك الطريقه كتابه بس اشالله اني اسويها فيديو ليستفيد الكل
تقبلي مروري
وع فكره صيدك ممتاز للحين والايام الجايه راح يكون افضل

ابوشوق المزيني

30/12/2010, 01:52 AM

مشاء الله تبارك الله بداية طيبة

...........

اول مرة اعرف انه في حرمه صيادة

............

نصيحة على الطاير

القصبة ما تساعد على احتراف صيد الاسماك

تعلمي الصيد من خلال الخيط بيدك تدرين ليه

لانه تطور عندك مهارة الاحساس وسرعة رد الفعل ( شك السمك )

مع الاستمرار والذكاء

والصياد بشكل عام

يحتاج الى امور اذا توافرت تكون الحصيلة ممتازة من الاسماك

بعد توفيق الله

1- العمق 2- الوقت 3- السنارة مقاس الخيط 4- اللعف 6- الفصل 7- تحديد المجلب

8- المهارة في شك 9- المد والهواء

الحوت ( الاسماك )

على ثلاثة اعماق في العواري

1- القاع قريب من القطع والعروق والجزاوي

2- بين المايين

3- قريب من وجه الماء ( سطح البحر )

وفي الغزير على عمقان

1- قاع

2- فوق القاع بحسب العمق في الحروف

نوع اللعف ( الطعم )

الاسماك تختلف في الاقبال على اللعف الطعم ما يكون مرغوب عن بعض الاسماك

لا يكون مرغوب عند الاخرى

طولت الحديث بالتوفيق

صيادة زمارير

30/12/2010, 01:55 AM

يعطيك العافيه بحري عالمرور

صافي الله جابك ياخوي قلت ان هالمكان ممتاز للصيد هذا سلمك الله اروح اشوفه بس من اليخت حق رحلات الاحمد والبوعينين البحريه ويقولون انه تبع فندق الانتر كونتينانتل يعني بعيد من جهه الفندق صاير

شلون ادخل له هناك؟؟؟؟ واقدر اروح مافي زحمه ولا رجال ولا شي؟؟
وقلت لي يبيلي محاياه على قولتهم وانا عارفه هالشي بس لاني ماعرف ارمي بعيد مايمدي احطها مافي سمك كبير قريب مني وثاني شي هي لها اكثر من طريقه ناس تسويها من الظهر بس بحذر عشان لاتموت وناس نسويها من العين وانا ماجربت خفت تموت بصراحه
يبيلي شويه معلومات عشان لا اوقف ابي استمر انا واصير خوش مكشاتيه خخخخخخ
تسلم عالمرور

صيادة زمارير

30/12/2010, 01:58 AM

يعطيك العافيه ابو شوق

انا اعتبر نفسي تطورت شوي قبل كانت سنارتي صينيه ب70 ريال خخخخ بس والله حبيتها خفيفه وتحس باي ضرب
وهذي اثقل شوي والله يعين من اللي جاي وفعلا هذي حقت مبتدئين وتوني لي شهرين اصيد ومنكم نستفيد
وفي حريم كثير ترا بس منخشين عن الانظار ههههههههههههههههههه
تسلم عالنصايح الذهبيه وبطبقها ان شاء الله

صيادة زمارير

30/12/2010, 01:59 AM

ماعرف للخيط شققت يدي الخطافات وقطيتها وبغت تروح كلها في البحر وتعقدت قلت خلني عل سنارتي افضل لين اصيد لي فلبيني شاطر يعلمني شوية شغلات

safii

30/12/2010, 02:02 AM

اول شي الحين تبغين تصيدين كنعد بالسنانير هاذي
ثاني شي اكيد راح تصير الرميه قريبه لاني السانير قصار
المكان هذا ما تخشينه من الفندق
تقدري تصيدي من المظلات الي عند ملعب كره القدم
الكنعد الي بالتوقيع من هناك ×

صيادة زمارير

30/12/2010, 02:40 AM

ههههههههههههههههههههههههههههههههههههههه والله جاني احباط شفيكم على سنارتي؟ طيب نغيرها بكره مو مشكله

ونجرب من المظلات ماورانا شي بس اهم نصور لكم شي عليه القيمه قريبا

والله خوفي اغير السناره ويضرب عليها هامور وياكلني انا وياها خخخخخخخخخخخخخ

accentkool

30/12/2010, 02:56 AM

ماشاء الله تبارك الله
كبداية جدا موفقة
صيد جدا حلو وخفافي
عليك بالف عافية مجموع صيدك
واعجبتني عالصور
http://files.mothhelah.com/img/AcB57052.jpg

هذي بعد ضحيتي

http://files.mothhelah.com/img/xZB57611.jpg

صيادة زمارير

30/12/2010, 02:59 AM

الله يعافيك يارب على هالمرور

اي هذي الصور احبها حيل صايره واضحه والجو اللي اتصورت فيه والوقت مره مره حلووو

قبقب طفشان

30/12/2010, 03:01 AM

"

حركاااااااااات يا ام محمد
حتى انا اول مره اسمع ان فيه " حرمه تصيد "
بس شيء جداً مفرّح
ربي يوفقك وشدي حيلك ، والجاي اجمل إن شاء الله ،، :)

GUEVARA187

30/12/2010, 05:10 AM

مأإشـآء الله صيـد موووفق

وعليكي بـآلف عـأفيهـ

بحرالخبر

30/12/2010, 06:17 AM

قبل بداية الصيد ورمي السنارة قولي بسم الله واكثري من الأستغفار وذكر الله وعليك بالدعاء لنفسك ولوالديك واخوانك واخواتك واكثري من التسبيح والتهليل وذكر الله
طول اليوم وراح تشوفين الصيد والأرزاق بيد الله سبحانه وتعالى
الطعم الطازج هو سر من اسرار الصيد والباقي يجي مع الوقت
بوعبدالرحمن

النوخذة الشرقي

30/12/2010, 07:01 AM

أم محمد خليني احيك على هذه الهواية الجيدة بل ممتازة
لكن صيادة الزمارير الله يهديك خليتيها الشعوم السبيطية
كشخي شوي تراه اسم يعني خذي الزين من السمك زمارير
عاد لكن واضح من كثر ماتصيدينهم:D سميتي نفسك عليهم
حتى صيدك اليوم فى زمرورين كنى نصيدهم نهديهم الفلبنيين
وفيه قرقفانتين بعد موهبة جميلة لكن مجتمعنا مخليها صعبة وهي
جداً جميلة تسولف لي أمي وهي بكر جدي الله يرحمة ويحفظها تقول
جدك كان دايم ياخذني معه على اسياف الدمام وكنت صيادة ماهرة
تقرير بسيط صحيح لكنه كبير بحتواه
النوخذة الشرقي

همس الغدير

30/12/2010, 07:48 AM

مشكور اخوووووووووووووووووووووووووووي

عم حمزة

30/12/2010, 07:53 AM

اجمل احساس بالكون .. ان السمكة تفرفر بين يدينك بجنوووون :D

http://files.mothhelah.com/img/LU257052.jpg

هذي بعد ضحيتي

http://files.mothhelah.com/img/xZB57611.jpg

http://files.mothhelah.com/img/JYN57611.jpg

هذا عشاكي واحلى شيء لمن يكون طازة تبقى الدنيا حلوة يا قدعااان :good2:

:D
http://files.mothhelah.com/img/r5B57794.jpg

http://files.mothhelah.com/img/plc57794.jpg

http://files.mothhelah.com/img/Mqb57794.jpg

مشعل جده

30/12/2010, 07:57 AM

يعطيك العافيه اختي ام محمد

التصوير وين مكانه ماشاء الله رووعه

الله يعطيك الصحه والعافيه

MR_MJROR

30/12/2010, 11:17 AM

يعطيك العافيه على التقرير
وعشاك عليك بالعافيه

صيادة زمارير

30/12/2010, 02:42 PM

بحر الخبر اشكرك على هذي النصايح فعلا لازم اي انسان عادي بغض النظر عن الصيد لازم يلتزم فيها والله يجزاك الخير كله

النوخذه الشرقي انا اسمي صيادة زمارير لان العين ماتعلى عالحاجب عشان كذا خليت لكم السمك كله واخترت لي شي على قدي ومميز تراه محد يجيب طاريه < تسلك لنفسها
وفعلا صيد السمك متعه مابعدها متعه خصوصا اذا حسيت بالضرب وسحبت ولا شي سمين قاعد يقاوم وربي احلى شعوووور هههههههههههههههه وصحيح اجدادنا كانو يصيرون ويا حريمهم وان شاء الله يرجعون زي قبل كل واحد يصيد ويا اهله والله مافي احلى من كذا سوالف مع ام العيال وكاس شاي احلى شي

مشعل جده الصور هذي سلمك الله في ديريتي الحبيبه (الجبيل الصناعيه)

اشكر جميع اللي ردو على موضوعي تشرفت فيكم صراحه وفي ردودكم ونورتو الموضوع

الله لايحرمنا هالطله

maxamer

30/12/2010, 08:59 PM

انا انبسط لما اشوف الحريم تصيد

زوجت صاحبي يقول عنها زوجها صيادة افضل منه

بالتوفيق لك وان شاء الله صيدك يتطور مثل ماتطورت مواضيعك

صيادة زمارير

30/12/2010, 09:02 PM

يعطيك العافيه رفعت معنوياتي وشكلي والله بتحمس مرررره وبصيد حوت بكره
خخخخخ

تشرفت بمرورك عزيزي نورت موضوعي

عجيبان

30/12/2010, 09:25 PM

ماشاء الله عليك عندك موهبة تصوير احترافيه في بعض الصوار
بس المكان هذا واين

صيادة زمارير

30/12/2010, 09:27 PM

هذا الله يسلمك كورنيش الفناتير في الجبيل الصناعيه والصور حلالك عليك بالعافيه
والصور لقطتها بجوالي

م_شاهين

30/12/2010, 09:57 PM

قصتك قصه !!!!!
بنت حوات ولا ...... غلطان

صيادة زمارير

30/12/2010, 09:59 PM

؟؟؟؟؟؟؟؟؟؟؟؟ مافهمت عليك

صيادة زمارير

30/12/2010, 10:00 PM

اهاااااااااااا توني استوعب خخخخخخ

لا غلطان

شكرا لمرورك

صيادة زمارير

30/12/2010, 10:01 PM

:Dلو بنت حوات ماجيت اتعلم هنا :D

م_شاهين

30/12/2010, 10:02 PM

هل الوالد بحار ؟

صيادة زمارير

30/12/2010, 10:06 PM

نووووووووو

بس انا احب الصيد من صغري وكل العابي في الروضه ورسماتي صيد وسنارات وسمك
وحبيت اجرب الشغله ويوم جربت جاني حماس اكثر وبشوف وين راح اوصل

م_شاهين

30/12/2010, 10:48 PM

الله يوفقك .........
ويرزقك بي سمك ايش كبره و ايش كثره

sniper112

30/12/2010, 10:57 PM

السلام عليكم والرحمة حيا الله اختي الصيادة عساج في احسن حال
ما شاء الله تصوير مميز وصيد طيب وعليكم بالعافيه
وانتي بعد تحبين تعلقين الظحايا وانا يا كم اشتقت لتعليق الظحايا واطالعم واهم يصارعون الموت
وتحياتي لج اختي واتمنى نشوف لج ظحايا اكثر واكثر حتى نرا اسمج على لائحة الانتربول والناس المطلوبين دوليا بسبب تعليق الظحايا وبالتوفيق اختي

صيادة زمارير

30/12/2010, 11:14 PM

ههههههههههههههههههههههههههههههههههههههههه

ضحكتني ردودكم

يعطيكم الف عافيه منورين صفحتي ومشكورين اخواني عالداعوات اللي تفتح النفس

بحرالخبر

31/12/2010, 03:47 AM

ام محمد ترى عادي الحريم يصيدون سمك ويحدقون انا والدتي الله يرحمها ويغفرلها
كانت تحدق بالعزيزية وتصيد وخبرة بالحداق واحدى اخواتي الى يومك صارلها اكثر من ثلاثين سنة خبرة حداق لا ومتابعة لاخر تطورات وصرعات الحداق ووعندها قارب 14 قدم
واحدى اخواتي تنصب غزول وتباري وتحط شكات عادي وتروح الجبيل تحدق على الأسياف
هي وزوجها بس ماادري وين تقول تصيد شعري على الكورنيش
تحياتي
بوعبدالرحمن

صيادة زمارير

31/12/2010, 04:18 AM

ياسلاااااااااااااااااااااااااااااااااااااااااااام والله ردك يفتح النفس وهذا احسن شي
انا بعد جداتي يصيدون قبل مع ازاوجهم والحين انا اصيد مرات ويا اختي ومرات ويا زوجي
بس انا توني بالقصبه وهذاني ابي اجرب من داخل البحر وان شاء الله قريب تشوفون تطورات
والله كلامك رفع معنوياتي وفرحني حيل انا ماحولي احد في الجبيل صديقاتي عجازات اسحب فيهم تسحيب
ان شاء الله مع الوقت يصير لي معارف ونصيد ابو شراع وضلع وسبيطي :)
تشرفت بمرورك عزيزي الله يرحم والدتك ويغفر لها ان شاء الله
نورت صفحتي

ولد طيبة

31/12/2010, 04:40 AM

ماشاء الله تبارك الله

اللهم زد وبارك

صيادة زمارير

31/12/2010, 04:50 AM

شكرا لك ولد طيبه
اسعدني تواجدك في صفحتي

الصياد.الصغير

31/12/2010, 10:13 AM

file:///C:/Users/acer/Videos/RealPlayer%20Downloads/%D9%85%D9%82%D8%A7%D8%A8%D9%84%D9%87%20%D8%A7%D9%8 4%D9%81%D9%86%D8%A7%D9%86%20%D8%B3%D9%84%D9%85%D8% A7%D9%86%20%D8%A7%D9%84%D8%B9%D9%85%D8%A7%D8%B1%D9 %8A%20%D9%81%D9%8A%20%D8%A8%D8%B1%D9%86%D8%A7%D9%8 5%D8%AC%20%D8%AA%D9%88%20%D8%A7%D9%84%D9%84%D9%8A% D9%84%20-%201.mp4

ابو عبدالله4

31/12/2010, 02:31 PM

الموضوع امس نازل ومليان ردود

أطن الكل مستغرب حرمة تصيد !!

ماشاء الله تبارك الله اجمل شئ التصوير
والسمك بعد طيب مانققل من بداياتك

لكن الله يعينك انت والاخوات اللي يحبون الصيد
هوايتكم ناقصها شي كثير

ماراح تتهنوا في هذا المجتمع
يعني حدكم السقالات وبعد اذا سلمتوا من المضايقات !!!

لا دخول للبحر
لا جلب من الكسارة
لا نصب شورارت
لا ارسال مجارير
ورحلات بالقوارب بعد محدودة جدا

يعني مصيرها تضمحل وتنتهي

عوااافي

صياد مبتداء

31/12/2010, 02:51 PM

مــشـــاء الله عــلــيس ... بــداء الـشــغـــل ...

صراحــة تقرير وصيد وعشاء ..يعني كامل متكامل ..مشاء الله عليك.

تعجبيني صراحة .. والقرقفان جداً لذيذ .. وفالك السبيطي ...

تراهو مايلعب يهد العصى هد..هههههههههه..

موفقة يــا الصيادة ....

ابو محمد 993

31/12/2010, 03:02 PM

ماشاءالله بداية موفقة

كيف بس طعم السمك الطازة ومن البحر على النار شي ولا احلى

الله يجعله بالعافية عليكم

بس في طريقة طيبة لو تجربيها تراها ممتعة وتجيب لك شي طيب تاخذي سمكة صغيرة وتحطيها في سنارة كبيرة شوية وخيط 140 وتحطيها فوق فلين وتنزليها في البحر وتحطي صحن بلستيك فوق الفلين كانه شراع حتى يبعد عنك مسافة واسحبي المجرور حتى يطيح من فوق الفلين ووثقي المجرور في حديدة قريبة منك وانتظري وجلبي بالسنارة حتى يضرب المجرور يجيك هامور ولا كشر حجم طيب يغنيك عن القصبة والتعب
هذي كانت بدايتي في البحر قبل ما اشتري البوت وكنت اطلع منها خير كثير والله :good2:

بحارتبووك

31/12/2010, 03:05 PM

ماشاء الله تبارك الرحمن صيد طيب وبدايه موفقه بس انتبهي البحر ولعه وخرمه واضح اجواء كانت طيبه بلحيل
والله يوفق الجميع تقبلي مرورى ودمتوووووو,,,,,,,,,,,,,

O M A A R

31/12/2010, 03:15 PM

مً ششآء آلله بدآية موفقه

وبإذن آلله تطلعين السمكة اللي بخآطرك

عليك بالعآفية الصصيد

فارس الشجاع

31/12/2010, 04:00 PM

ماشاء الله عليك ياام محمد
سجلي عندك واحد جديد مستغرب من هوايتك
لكني في نفس الوقت اهنيك على خوضك لهذه التجربة الممتعة

الله يوفقك وعقبال مانشوف موهبتك تتطور في تقارير قادمة

وترى سنارتك الصينية ام 70 زينة :D ابي ارفع المعنويات لااكثر

موفقة اختي

صيادة زمارير

31/12/2010, 04:03 PM

بحار تبوك عمر تسلمون على هالمرور اللي يفتح النفس

فارس الشجاع يعطيك الف عافيه عالاطراء والتشجيع بس لاتستغرب ياخوي هذي حرفة الاجداد وجدي توفى في الغوض اللى يرحمه في الثمانينات
وجداتي صيادات بس طبعا مو زمارير مثلي خخخخخخخ

تسلم على مرورك عطرت صفحتي ونورتها بتواجدك

صيادة زمارير

31/12/2010, 04:05 PM

اذا مستغرب من الهوايه فترى الامر طبيعي انا من صغري ماخليت قطو(صيد بري) ههههههههههههههههه ولا خليت دباب سوزوكي ولا خليت جت سكي مابقى شي في راسي والحين رسيت على هالهواية وتعلمت منها كثير شغلات واهم شي انها تعلم الصبر والحذر
والله يعطينا خيرها ويكفينا شرها

صيادة زمارير

01/01/2011, 11:14 PM

http://teacherteacher04.jeeran.com/%D8%B4%D9%83%D8%B1%D8%A7%20%D9%84%D9%84%D9%85%D8%B 1%D9%88%D8%B1%20%D8%A7%D9%84%D9%83%D8%B1%D9%8A%D9% 85.JPG

صيادة زمارير

03/01/2011, 01:14 PM

http://r11.imgfast.net/users/1114/43/13/25/smiles/697333.gif

hussam1755

03/01/2011, 06:04 PM

ماشاء الله تبارك الله عليك بالعافية

بس احس ان اللعفة ( الطعم ) كبير شوي والقرقفانه غصت فيه

تحياتي

صيادة زمارير

03/01/2011, 06:34 PM

اي فعلا الطعم كبير عليها :)

تشرفت بمرورك

معاند سيف

05/01/2011, 09:58 AM

ياجماعه لاحد يحبط المره خلوها تصيد . انا مانصح ام محمد انها تحدق للكنعد او هامور كبير الا اذا كان معها رجال ينزل للصخور يطلع السمكه من الماي. تصورو ياجماعه صادت كنعد او قد 15 كيلو و جابته الي الصخور!! شلون تقدر هي تطلعه لوحدها من الماي حتي لو كان معها منتب او يزه بعد الموضوع صعب عليها. لكن تقدر تحدق للمزيزي او العريضي 1-2 كيلو بنفس العصي. والله يرزق الجميع.

مشتاق للبحر

05/01/2011, 11:00 AM

ما شاء الله تبارك الله
تصوير راقي ورحلة جميلة
وحصيله طيبه بالعافية يارب

حوات جده

05/01/2011, 11:44 AM

عوافي يا الغالي ان شاء الله الجايات اكبر

صيادة زمارير

05/01/2011, 03:29 PM

معاند سيف تسلم ياخوي على المرور وان شاء الله زي ماقلت حبه حبه لين نوصل للهامور

مشتاق للبحر ربي يعطيك الف عافيه عالمرور اللي احلى من الصور

حوات جده تشرفت بمرورك

شكرا لكم جميعا على تشجيعي ورفع معنوياتي والاهتمام بقراءة موضوعاتي

بارك الله فيكم جميعا

مشاغب السقالة

07/01/2011, 12:57 PM

تمنياتى لك بالتوفيق
صيدك طيب
الى الامام
وفالك الهامور وابو شراع
والقرووووووووووووووووووووووووووووووووووش

صيادة زمارير

08/01/2011, 03:32 AM

مشاغب السقاله منور صفحتي
تشرفت بمرورك وتسلم عالدعاوات اللي تفتح النفس

وان صدت قرش برسله لك بالDHLخخخخخخخ

عشق الشمال

08/01/2011, 05:16 AM

ما شاء الله تبارك الله

صيد طازج وطيب

سلمت يمناك

كل الشكر

black050

09/01/2011, 01:56 PM

ماشاء الله تبارك الله

تقرير رائع

ملاحظه بس
هذي السمكه نسميها عندنا (جعابير) اول وحده من اليمين فوق
http://files.mothhelah.com/img/JYN57611.jpg
ولي فتره ما صادفتها في طلاعاتي لصيد على الساحل في منطقتنا
قل عدده عن اول والله

نصيحه جربيها شوي يا عليها طعم او جربيها قلي بس قمريها(تستوي زياده شوي)

وراح تدعيلي

موفقه اختي وفي انتظار جديدك

تحياتي

دل البحار

09/01/2011, 02:20 PM

القصبه خذي بايلوت والمكينه auالكبيره 7000تاخذ جلب أكثر ويجلس فتره اطول وانتي ترمين ويقطع يكون فيه باقي جلب والخيط عليك بالفرنسي يجي منه 200م مقاس 50 رح تدعين لي ولا تكثرين سنارات اي قصبات لانه خساره وما بترتاحي بالصيد تكون مجهده للصياد الله يوفقك لما فيه الخير ..