المساعد الشخصي الرقمي

مشاهدة النسخة كاملة : مشكلة في مكيف vxr 96


samiksa
30/12/2010, 12:08 PM
السلام عليكم ورحمة الله وبركاته
مساكم الله بالخير
السالفة ومافيها معي في إكس آر 96
سويت غسيل لداخلي السيارة
ولا عادت على هالغسيل
الحين المكيف الأمامي مايشتغل نهائيا
رحت لكهربائي قال ماعندي حل لأن المكيف إلكتروني
ولازم فحص كمبيوتر عند الوكالة
لا تشتغل عند أي كهربائي يحرق عليك الكمبيوتر
أبي إذا أحد مرت عليه نفس المشكلة
أو أحد عنده خبره
عطونا رايكم
ودمتم بخير
بدوي جنوبي
01/01/2011, 08:43 PM
عليكم السلام
طيب ما سويت فحص مبدئي للفيوز ؟
المظل
02/01/2011, 09:19 AM
وعليكم السلام ورحمة الله وبركاته

اخوي عندك المشكلة في كمبيوتر المكيف

لازم تغيره

لان vxr مكيفه ازرار وفيه كمبيوتر اللمكيف

وعطالة كثير لان فيشه على فوق يدخله مويه

واي تهريب مويه من القزازه الاماميه يجي على الكمبيوتر وعلى طول يخرب الكمبيوتر

لان مكانه مهيئ لدخول المويه فيه

ومكانه بالجهه اليسرى من السائق

يسار القدم اليسرى داخل الغطاء البلاستك

وهو بلاستك اسود مربوط بصاموله بالرفرف من الداخل

ارجو ان المعلومه قد وصلت بشكل وافي

وعندي لك نصيحه بعد تغيير الكمبيوتر حاول تركبه بالمقلوب
يعني يكون الفيش على تحت علشان مايدخله مويه
samiksa
02/01/2011, 07:24 PM
مساكم الله بالخير
توي أشوف الرد
مشكور أخوي بدوي جنوبي
وتشكر يا أخ المظل
كلامك صحيح
رحت للصناعية القديمة اللي بالرياض
وبعد دوخة راس محد يدري وش السالفة
لقيت ذاك اليماني عبود
ورشة الجابرين ممتاز
علطول قال نفس كلامك كمبيوتر المكيف فيه ماء
لكن مكانه فوق الرجل اليمنى للسواق ولونه أبيض
والكمبيوتر الثاني للمكيف الخلفي أول ماتفك الديكور الخلفي تلقاه قدامك
وللأسف كل الأثنين محترقات
وغيرتهن ورجع كل شي تمام
لكن قبل ما أركبهن حصيت سيلكون حول الفيش للحماية
وبيض الله وجيهكم على إجتهادكم
ودمتم بخير