سباق الصقور في ابو ظبي ودبي وعقبال السعوديه [الأرشيف]

مشاهدة النسخة كاملة : سباق الصقور في ابو ظبي ودبي وعقبال السعوديه

سرهيد 1

30/12/2010, 08:07 PM

مرحبا اخواني صقاقير مكشات

في يوم الثلاثاء كان سباق ابو ظبي في منطقة ليوا في تل مرعب الموافق 28 - 12

وفي يوم 10 - 1 سباق دبي

والله يهنيكم ياهل الامارات

وبعدها يأتي سباق قطر وبالتوفيق انشاءالله

ولكن اين سباق الامير تركي بن محمد اللي كان من اول السباقات في الخليج

ونحن نناشد الامير تركي الله يحفظه بمساندة صقاقير المنطقه

وننتظر منه اعلان وقت السباق

ونقول الله كريم وتصير هذه الفعاليه انشاءالله

تحياتي للجميع

قرناس شماالي

31/12/2010, 02:02 AM

وعليكم السلام ورحمة الله وبركاتة

اخوي الدول كلها تسوي سباقات ماعاد السعوديه راح تتاخر بسباق
لاكن ماحد يم هلهوايه الى القليل اما بلامرات المهتمين واجد ومشاركات بين الامرا
ولاكن مانقول الى الله يجيب الحباري الي ابرك من السبقات

سرهيد 1

31/12/2010, 02:25 AM

شكرا على مرورك

ووجهة نظرك

كلن يبي الحباري والهدد

ولكن المسابقات والمهرجانات وتجمع صقاقير المنطقه والمنافسه مطلوبه

والحين الحبارى مقفيه والوقت هذا بين الشوطين باقي على الكراوين وقت

وكل صقار يمارس هوايته

واشكرك على ابداء رأيك

تحياتي

المري

01/01/2011, 06:54 AM

الله كريم

نسال الله العلي القدير ان يجبر بخاطر صقاقير المملكه بهذا السباق

اللي كلنا ننتظره ولكن الله يعين

سرهيد 1

03/01/2011, 03:41 PM

حي والله ذالعين يابو معيض

هذا الموضوع المبروك اللي شفناك فيه

نقول الله ييسر الأمور انشاءالله

ونهني صقاقير الأمارات وقطر بسباقاتهم

اشكرك على مرورك

مبارك 1

03/01/2011, 03:45 PM

مرحبا

اشكر الاخ على طرح الموضوع

وصراحه حنا فاقدين الأمل في

سباق المملكه للصقور

واكثر الصقاقير مستعدين للتحديات والسباقات عقب هدد الحبارى

ولكن الحمدلله على كل حال

تحياتي للجميع

قرناس شاهين

05/01/2011, 01:46 AM

ان شاء الله فالبحرين بتصير المسابقه شهر2 ميلادي تحت رعاية المحافظه الجنوبيه

ابوعزيز2007

05/01/2011, 09:08 AM

حنا فاظين للسبقات وجع راس وبعد يجيك مزاين الصقور وبعدين تاخذ الطير الي يسوا1500 حاليا تاخذه 5000

مبارك 1

05/01/2011, 10:04 AM

هههههههه

ابو عزيز

لا الله يخليك لاتفضى وخلك على طيورك اللي بـ 1500

اشهد انك راعي صنف

ياخي موضوع الرجال ماهو صالح لك مو لازم ترد

هذي مسابقات لها ناسها

واللي مايعرف للصقر يشويه

سرهيد 1 اشكرك على موضوعك

تحياتي للجميع

CoLumBuS

05/01/2011, 10:07 AM

ياليت يكون في مقناص في مكه كنت اول واحد اشارك

هوايتي مكشات

05/01/2011, 10:13 AM

الله يعطيك العافية .........

الــنــشــمــي

05/01/2011, 10:18 AM

ان شاء الله يجي الخير

راعي الطييب

05/01/2011, 02:55 PM

السلام عليكم ورحمه الله وبركاته

الناس وش تبي في السباقات

الطير <= لغرض الصيد

فيه سيارت سباق بمكان كل شخص المشاركه فيها

االطير لغرض الصيد <= للمره الثانيه

هاتو حمام قمري وهدو عليها والطير الي يصيدها بأقل وقت هو الفائز هههههههههه

وفمان الله

طير الجنوب

07/01/2011, 10:09 AM

حنا فاظين للسبقات وجع راس وبعد يجيك مزاين الصقور وبعدين تاخذ الطير الي يسوا1500 حاليا تاخذه 5000

عين العقل

شريف مكة

07/01/2011, 07:58 PM

السلام عليكم ورحمة الله وبركاته

اخي الكريم سرهيد مساك الله با الخير
اشكرك علي طرح هذا الموضوع والامل في الله ثم فى صاحب السمو الملكى الامير تركى بن محمد بن فهد بن عبدالعزيز ال سعود ان يجعله
كل عام فى منطقه من مناطق الملكه الحبيبة
والامير تركي غنى عن التعريف وانشا الله ان تكون مناشدتنا قد سمعت

ولكم جزيل الشكر والتقدير

النـادر

08/01/2011, 12:29 PM

ابو عبدالله

مبطين من هالشوفات

عموما اي هوايه عشان تطورها لازم يكون لها جهه حاظنه

الامير تركي سواها سنتين او ثلاث باجتهاد شخصي المفروض يكون هناك جمعية صقاقير تنظم هالمهرجانات وتتولى انشطة الصقارين من استخراج تصاريح المقناص الى الشهادات الطبيه الى جوازات سفر الطيور الى حتى استخراج تصاريح شبك الطيور برسوم معقوله للعضويه وتنشي مستشفى للصقور وانشطه اخرى اكثر لا استطيع حصرها الآن

لكن من يهتم لهذه الهواية التي تلازمة مع تراث البلد والتي يمارسها قادته كرموز لمحبي الهوايه

الله المستعان المفحطين لقو من يرعاهم واقام لهم المهرجانات والصقاقير لازالو يدورون حولهم يبون اللي يتبنى هوايتهم

شكرا لك

النادر

راعي غضبان

10/01/2011, 12:04 AM

الله كريم

نسال الله العلي القدير ان يجبر بخاطر صقاقير المملكه بهذا السباق

اللي كلنا ننتظره ولكن الله يعين الله كريم وصدق اخوي ابومعيض كلن ينتظره ودنا نجربه والله من يوم حطوه ماشاركنا فيه ويوم بغينا نشارك ماعاد صار سباقات وانشاءالله الامير تركي ماهو مقصر واكيد يبي الدعم والمسانده من الجميع وبيصير سباق ثابت وكل سنه والف شكر لك اخوي سرهيد والله يوفقنا وياك وتقبل تحياتي

سرهيد 1

15/01/2011, 12:19 AM

اشكر الجميع على الردود الطيبه

نعم نعم اجتهادات شخصيه من صاحب السمو الملكي

ولكن الشركات الداعمه ماتقصر وتتنتظر من سموه الأمر فقط

تحياتي للجميع

فايز60

15/01/2011, 02:05 AM

الخيرباقبال ابشر بالخير

صقار 90

15/01/2011, 11:41 AM

شكر كثيرا علي النية الحسنة والاقبال الحسن

سرهيد 1

15/01/2011, 10:51 PM

اشكركم على المرور الطيب

دعاس

17/01/2011, 11:42 PM

مناشده طيبه والله يكتب الخير للجميع
وشكرا لك على الطرح الجميل