ضروري جزاكم الله خير شيروا علي في هالسفاري

[من عباد الله]

السلام عليكم ورحمة الله وبركاته
اخواني افزعولي بالراي و المشوره هذا فتك سوبر سفاري فل كامل و الكامل وجه الله
خليجي موديل 2006 ماشي 102500 كم
* اللون ذهبي
*قير اوتوماتيك
*دفلوك
*فتحة
*زينون
*مثبت سرعة
*تحكم بالمسجل والسيدي والراديو من الطارة
*تخشيبة شد بلد
*الداخلي جلد بيج
*تانكيين
*مكيفين
*ثلاجة
البدي نظيف و لابه صدمات راعيه يقول مسيوم 90 الف
وش الراي السيارة تسوى و الا لا

لا تبخلون علي بالراي تراي معتمد على الله ثم على شور الطيبين امثالكم

[ممدوح الأرجح]

يا عبد الله

و الله إذا الموتر على قد ما تقول

الظاهر الموتر يسوى القيمة و الرجال اللي يبي يستعمل ما هي خسارة

[أبونايف...]

والله الي اشوفه انه سعره مرتفع شي بسيط جدا

بعدين انت تقول السوم 90 هل يبي يبعك الموتر بسومته ؟

على العموم انا لي فتره ادور فتك من 2005 الى 2007 وب استمرار اروح للمعارض.



قبل اسبوعين او اكثر كنت بالمعارض وحصلت جيب فتك سفاري 2 توماتيك وان كاني منب غلطان فتحه ماشي الموتر 60 الف وراعي الموتر شارطه علي ويقول نضيف ومن هالكلام موديله 2006 يبي فيه ب اول 90

ولقيت موتر ثاني 2005 فل كامل لؤلؤي ماشي 90 حده على 83

طبعا كل المواتر جايه من الامارات

والله يكتب الي فيه الخير