الحل يالصقاقير الطير انعما

[راعي الجمس200]

السلام عليكم
كيف الحال..؟ ان شاء الله طيبين
ياشباب الطير عينة اليسار ما يشوف فيها عليها زي الطبقة لونها اابيض خفيف وتحت ابيض داكن ودينا الطير للمستشفى قالو لنا ما نعالج الامراض هاذي والمشكلة هاذي بس بالعين اليسار اما اليمين سليمة وما فيها اي عذروب تكفوون ياصقاقير عطونا الحل
والله يجزاكم الف خيير
والله اني محتاج طريقة علاجة لان المستشفى ما يعالجونة

[جبار1]

العين حساسه اخوي ولا يمكن العبث فيها واذا المستشفى معالجه يعني وضع العين صعب

ومدام انك تقول ان فيها بياض هذا يدل ان فيه أوضحه بالعين يعني غشاء أبيض يكون على القرنيه

ومراح يشوف بسبب هذه الوضحه ومااتوقع له علاج ..

الله يشفيه ولا يخسر عليك وأنشاءالله يعوضك الله بخير منه ..

[نادر عش]

عطني سبب اللون الابيض هل هناك شي ضرب عين الطير او لاحقه البرقع ارسلي عالخاص وان شاء الله أفيدك بالي اقدر عليه

[قرناس شاهين]

اخوي بقولك روح مشفى البحرين العرين للصقور هناك بتلقى لعلاج

لانه واحد من الربع عنده طير شبه انعمى والله شفاه وهناك بتلقى الدكتور علاء هذي ان شاء الله عنده علاج طيرك

[قرناس شماالي]

اخوي الطير انعمى من البرقع؟
ولى وش منه؟

[راعي الجمس200]

اخوي قرناس شمالي انا اتوقع من البرقع بس هو ما لبس البرقع من اسبوع تقريبا ولا شافة والمشكلة بعين وحدة واخوي قرناس شاهين والله البحرين صعبة بسبب ظروفي ان كان فية شى بالرياض تكفى علمنا

[ديوان العرب]

الدكتورعلا ممتاز جدأبس ماعتقد عنده علاج لعين الطير

[بـــن خــتروش]

اخوي اخلط ماي مع زعفران في قارورة ماي صغيره ورجه لمين يختلط وحاول ترش عين الطير مرتين باليوم اسبوع وان شاء الله بيطيب انا جربته ونفع عندي في اكثر من حاله اذا كانت الحاله جديده بالطير ماهي مبطيه
وبالتوفيق

[الهدهد]

انت متاكد ان الطير ما يشوف في عينه اليسار
حاول انك تفتح فتحه في العين التعبانه الي ما يشوف فيها وتخلي العين الصاحيه مبرقعه قص البرقع وهذا يساعد الطير انه يستخدم عينه التعبانه.
لكن لابد من العلاج طريقة البرقع المقطوع تقوي العين مع العلاج والله يشفيه

[بندر99]

الله يشفي طيرك

[wwmfs]

افادووك الاخوان


والله يشفي طيرك

[راعي الجمس200]

جزاكم الله خير والله انكم ما قصرتو كفيتو ووفيتوا

[القناص أسعدي]

اخوي راعي الجمس
بفيدك إن شاءالله بعلاج طبي ومضمون أن شاءالله --
اسمع ياخوي - عند الصيدليات البيطرية ( مرهم ) لأمراض والتهابات عيون الطيور - المرهم هذا على شكل ( إبره ) ( قلواز) او ( برواز )من بلاستك - يعني شكله زي شكل الإبره بس اهو من بلاستك - تدهن فيه عين الطير - وهو مهيئ خصيصا للعين - وبطريقه بسيطه جدا - ادهن فيها عين الطير لمدة اسبوع - صبح ومساء - وبتحصل عين طيرك راحت منه البياضه والإلتهابات - ولا تتأخر عليه - وبتدعيلي إن شاءالله
وموفق خير والله يشفي طيرك وهو الشافي

[شبراق]

الله لا يهينك دق علي رقمي بالتوقيع ابسئلك كم سؤال ممكن عندي له علاج

[راعي الجمس200]

الله لا يهينكم
الطير اليوم مات وهاذا ثاني طير يموت عندي الموسم هاذا بس ما نقدر نعترض شى مقدر ومكتوب والله يعوضني والمسلمين جميعا واشكر كل الاي تفاعلو مع موضوع الطير حقي ما قصرتوا وجزاكم الله خير