خبر بيع الشوازن المصرحة بالرياض

[فهيد711]

السلام عليكم ورحمة الله وبركاتة
لقد طرحت هذا الموضوع وانا لست متأكد من صحة الخبر
ارجو من الأخوان اللي بالرياض التأكد من صحة الموضوع لإني سمعت البارحة عن بيع الشوازن في محلات بيع الأسلحة الهوائيه
يالله هاتو العلوم الطيبه

وتحياتي
فهيد711

[صوعان]

غير صحيح!!

[nahham]

اعتقد ان الخبر غير صحيح بالمره

[سفاح-زهران]

لا يا فهيد
الخبر ماهوب صحيح
أنا صار لي يومين أفتر في محلات الرياض ولالقيت خرازة اشلون شوزن

[الهزبر]

الله يسمع منك

[النداوي HZ2AF]

اتوقع ان شاء الله بعد 25 محرم 1427

[ريش القطا]

الله يسمع منك

[سلمون]

هذه الفترة للشوازن الموجودة أما الفترة الثانية فهي للوكالات يعني نفس نظام الكويت

[فهيد711]

شاكر للجميع الرد السريع
عموماً هي الظاهر كانت شائعة وحبيت التأكد من صحة الخبر او عدم صحتة بسبب تتناقلها بين الناس ببيع الشوازن في الرياض فقلت اخذ الخبر الصحيح من متابعي هذي المواضيع

[الفحل 2003]

اخوي / فهيد 711

السلام عليكم ورحمه الله وبركاته

ولا يهون الاخوان اصحاب الردود

تبي العلم الوكاد ، الشوازن سيتم بيعها في القريب العاجل وسيكون هناك وكالات لعدة شركات مثل البراوننج والسوبر بنلي وغيرها ، المهم راح تشتري وتبيع فيها بطريقة نظامية وأفضل من طريقة بيع وشراء ( أم صتمة ) ولا نستبق الاحداث ، هذا ما افادني به احد اصحاب العروض المقدمة لوزارة الداخلية لأخذ التصريح بفتح وكالة بيع اسلحة شوازن وذخيرتها وصيانتها .

والسلام عليكم

اخوك

الفحل 2003

الرياض

[كايد]

الخير جاي

انا نشدت اللي يشتغلون في محلات بيع الصتمات
قال
جانا علم
لكن من غير تعميد
وجاي ان شاء الله


توسمو خير

[لارسي]

السلام عليكم انا عضو جديد وارجوا اني اكون خفيف عليكم
لكن قول الاخ عن بيع الشوزن علنا لا اتوقع لان وزاره الداخليه عندها بند وهو عدم حمل اي سلاح يقتل اكثر منشخص الا بتصريح من الوزاره ويكون التصريح للشخص لا لل البندق
وجزاكم الله خير

[عاشق المزون]

هلا بالاخوان
والله انا كنت افكر اشتري شوزن جديدة بس بعد ما سمعت بانفلونزا الطيورهونت عن صيد القميري والصفاري و اتوقع بعد مايطلع التصريح والوكالات تملا الرياض مثل مطاعم المثلوثة يجي منع الصيد بسبب مرض انفلونزا الطيور مثل الحاصل في اروباء يعني محكوم علينا بالخوف مدى الحياه لكن الله لايجيب ذاك اليوم :)

[فهيد711]

تحية طيبة
اخوي عاشق المزون هون على نفسك ولا تخاف واللي ربك رايدة ما لك الا المكتوب وترا الموضوع اعطي اكثر من حقة وقد ونشر الخبراء ان الفيروس يقتل تماماً اثناء طهو الطعام اي بمعنى درجة حراره 75 كافية لقتل الفيروس
اتكل على الله وقول بسم الله

[مخاوي الصيد]

السلام عليكم ورحمة الله وبركاته
اخوي ولايهون الرجال
العلم مافيه شي من الصحه لاني ماخليت ولامحل من محلات الرياض الا وفريتها ابغالي جلدة الكرسي حق الشوزن ولكن مالقيت الشي الطيب لا في الرمايه ولا في الصقر والصقار ولا في المقناص ولا المحلات الثانيه ما شفت غير الساكتون الهوائيه
والله اعلم بس ياخوي مالقينا فشق
نلقى شوزن ههههههههههههههههههههه

[فهيد711]

تحية طيبة اخوي
مخاوي الصيد لا نسبق الأحداث لكن بعون الله سيتوفر في القريب كل ما تتمناة للشوازن علينا الصبر والله يكتب ما فية الخير

[ابو فهد 171]

الله يجيب اللي فيه الخير

[البنتلي]

هلا بالاخوان
والله انا كنت افكر اشتري شوزن جديدة بس بعد ما سمعت بانفلونزا الطيورهونت عن صيد القميري والصفاري


والله يالشهبان شفهم بالعصل اربع مواتر وراء قميرية ماجابو خبر للانفلونزا حتى لو فيها سرطان ماهم مخلينه