الــهيدرز وعواقبه

[هاوي قصيده]

السلام عليكم ورحمة الله وبركاته

كيف الحااااااال يا الربع

حبيت اسالكم يا الربع عن الهيدرز اللي يبرد على الموتر ويركبونه بعض المصانع والورش..

واللي له خبرها فيها..هل هو يأثر على الموتر..؟؟

وهل له عواقب؟؟

لان كثير من الشباب اعرفهم ركبوه وقيمه مهيب ذاك الغلى على الشغل اللي ياخذ..قيمته حوالي 2000 ريال

وافضل محل مصنع العتيبي شكمان فولتشر..بالدمام..وفيه فرع له بالبحرين على ما اعتقد

بس ابي راعين الهيدرز والتزويد يعطونا معلوماتهم عن الهيدرز والمراوح الكهرب

ولكم جزيل الشكر

هاااوي قصيده

[عاشق الجبل]

وعليكم السلام


الأخ : هاوي قصيدة


بالنسبة للهيدرز فلا ضرر منها على السيارة ابدآ بل لها فوائد منها :

1- تقوم بعملية تنفيس لخروج الهواء المحترق وبشكل سريع وقوي حيث يكون الفرق قبل وبعد تركيبها كشخص يتنفس برئة وأخر برئتين .

2- تقوية عزم السيارة

3- أعتقد أنها تخفف الحرارة بدرجة قليلة .


بالنسبة لمراوح الكهرب فهي ممتازة من ناحية تخفيف صرف البنزين وأضافة قوة للسيارة


لكن مانوع سيارتك ؟

[nahham]

انا اعرف مراوح الكهرباء

بعد تركيبها في سيارتي صار عزم السياره افضل ووفرة في البنزين

[هاوي قصيده]

موتري طول الله عمرك لاند كروزر جي اكس 2005
يا عاشق الجبل

يعطيك الف عافيه اخوي نهام

[2500HD]

معلوماتي قليلة في هذا المجال
لكن اعرف واحد احترقت سيارته موديل 2005 من هدرز
يقول انه ماكان معزول وسبب التماس في السيارة نتيجة الحرارة
اتمنى من الاخوان يفيدونا في ذلك.

[هاوي قصيده]

الله يكفينا الشر

عاد هذي ارادة ربك

بس نبي من يفيدنا يا اهل العلوم السنعه

[عاشق الجبل]

تلقى مطلوبك وأنا أخوك بالإمارات وعندي أرقام المحلات هناك لتتأكد قبل تسافر أو توصي .


وبالنسبة لإحتراق السيارة فيظهر أنه مركب عوازل لف تجارية لاتتحمل الحرارة فأحترقت وأحرقت الظفيرة .

بعد تركيب الهيدرز لازم تركب الصاجة حقت بلدها اللي على القزوز لأنها أفضل عازل وممتص للحرارة ويكفي أنها من المصنع

الصراحة أول مرة أسمع أن فيه سيارة أحترقت بسبب الهيدرز وهذا ليس تكذيب للأخ : 2500hd بل أهمال في طريقة

العزل أو التركيب لأنه يجب التأكد من المسافة التي بين الهيدرز وآي سلك كهرباء خاصة في السيارات المرهة .

[هاوي قصيده]

يعطيك الف عافيه اخوي عاشق الجبل

طيب لاهنت لو ترسل لي الارقام عالخااص اذا ماعليك امر يا الذيب

وتقبل تحياتي

[عاشق الجبل]

تــم الإرسال طال عمرك

[2500HD]

اخوي ,,, اخينا اللي احترقت سيارته ما ركب عوازل اطلاقا على حسب ما فهمت
احترق عليه الموتر في طريق القصيم

[ع.ف.الدرويش]

السلام عليكم ورحمة الله وبركاته

هاوي قصيده.. أنا أتفق مع أخوي عاشق الجبل بما كتب
لكن وللمعلومية صرفية البنزين تزيد شوي
اما مراوح الكهرب فائدتها كبيره جداً جداً
كن بكلا الحالتين احرص على الورشة الزينة والشغل العدل

والله يوفقك..
إحم... إحم.. عاشق الجبل.. ممكن لو تكرمت ترسل لي أرقام المحلات إللي بالإمارات..!
لأني مسافر بإذن الله قريباً..:o
الأمر الآخر عندي إستفسار لكن أبرسله لك برساله خاصه.. إذا ما كان عندك مانع

أطيب التحايا للجميع
أبو فهــد..

[هاوي قصيده]

ياهلا بك اخوي الدرويش

ولا عدمناك يا الغاااااااالي

تقبل تحياتي

[عاشق المزون]

>>هلا اخوي هاوي قصيدة والله كلام الشباب تمام سمعت ان الامارات افضل في تركيب الهدرزات حتى بعض الورش يعطي ضمان على العمل يس للاسف ما اعرف العناوين :)

>>حبيت اسأل عن الكشفات الى انت مركبها على الجيب من وين ولا عليك امر وهل هي قوية .
وكذلك وشلون رفعت الموتر ياي او بالون ومشكور واسف على كثرة الاسألة

[العاني]

السلام عليكم ورحمه الله وبركاته


اخوي الكريم عاشق الجبل الله لايهينك هل الهيدرز ينفع لكل السيارات يعني للتويوتا والنيسان ام لا

وعلى فكره انا معي gx_r2002 ينفع لو اركب له هيدرز او لا

[عاشق الجبل]

الأخ : ع.ف.الدرويش ......... الوعد الخاص :)


الأخ : العاني .... نعم يركب وموجود في الأمارات ركبها وتدعي لي وبالنسبة لإحتراق السيارة التي قال عنها الأخ الفاضل

2500hd فقد يكون من سبب أخر لأن الهيدرز قطعة حديد بدلآ من القزوز وليست قطعة كهربائية تسبب ألتماس .

[الصياد المحترف]

بسم الله الرحمن الرحيم
السلام عليكم ورحمة الله وبركاته
الهدرز يخفف ضغط المكينة والناس تحسب انه شي كويس للسيارة ولكن مع الوقت يسبب تلف للمكينة على الوقت الطويل علشان كذا ما يجي مع السيارة شد بلد لكن بصراحة هو مفيد شوي .

[salehhd]

طرح رائع يعطيكم العافية

[أبو عمار]

** الأخ عاشق الجبل :

رح الله يوفقك على هالمعلومات المفيدة , وتذكر أن أحب عباد الله إلى الله أنفعهم .

السؤال هنا :

هل يصلح الهدرز لسيارات الديزل ؟

[هاوي قصيده]

يعطيكم الف الف عافيه شباب عالردود كلكم ولا يهون اللي ما دخل ..

واخوي عاشق مزون موتري شد بلد ماغيرت به شي..بس اللهم الكشافات شريتها من الوكاله وصراحه جاامده ماشاء الله تبارك الله

واما لونها الاصفر ياخوي تراها تضليله صفراا..بس طالعه ضبط وكانها شد بلد صفرااء

وتحياتي لك

والموتر فكرت وبتمعن منيب مركب له شي وقفته ماشاء الله حلوه بس الهم بركب عليه بوالين 900 واكتي بذا

والمساعدات الاستراليه ما اشوف لها داعي

وتشكرات مني لك

[kty]

نعم يصلح لديز وانا مركبه من ثلاث سنوات مع مراوح الكهرب وماشي زي اللوز على فكرة طبعاً موتر باترول وانا الي مركب المكينة (زي مايقولون) ترهيم

اي اطلب او استفسار مستعدين للغالين

[عاشق الجبل]

أبوعمار : مالك ومال الهيدرز وأنا أخوك خبري بك راكد وتدبي بالسيارة دبي ... لو طب أحد من سيارتك ماجاه شي :)

الديزل ماينفع فيه إلا التريبو وعسى :)

[هبوب الجنوب]

السلام عليكم ورحمة الله وبركاته
اخوي هاوي قصيده بالنسبه للهدرز هل هو نافع او ضار انا اعتقد انه نافع وانا مركب هدرز وموتري صار احسن بكثير في الفزه والممشا و صرفيه البنزين وراحه السياره كل الي بقوله لك توكل على الله وركب بس عند واحد فنان ركب فلتر وهدرز ونصيحه لا تغير البواجي واسلاك البواجي ركب بواجي راسين وشكراً لك

[هاوي قصيده]

يعطيك الف الف عافيه اخوي هبوب الجنوب

ولا هنت يا الغالي

[العاني]

السلام عليكم ورحمه الله وبركاته



اخوي عاشق جبل ممكن الله لايهينك ترسل لي عنوان الورشه بالامارات

[الرجه الدجه]

السلام عليكم ورحمة الله وبركاته
اخواني اعضاء المنتدى انا غشيم في الهدرز بس اني اسمع عنه ويقولون ان فيه نوعين هدرز مكينه وهدرز شكمان ؟؟؟؟؟
ايهم افضل ان كان هذا الكلام صحيح؟؟؟
وهل صحيح انه يرجع الكربون على المكينه مما يؤدي الى تلفها مع الوقت؟؟؟
ومشكورين على الموضوع والمشاركات المفيده والله لا يهينكم

[أبو يوسف]

معلومات قيمة

مراوح الكهرب وش الورشة الممتازة اللي تركبها في الرياض

مع الشكر لصاحب الموضوع

اخوي ابو منصور

اعجبني تشبيهك
1- تقوم بعملية تنفيس لخروج الهواء المحترق وبشكل سريع وقوي حيث يكون الفرق قبل وبعد تركيبها كشخص يتنفس برئة وأخر برئتين .
:):)

مع السلامة

[عاشق الجبل]

الأخ العاني : على الخاص لاهنت



أبويوسف ....... تسلم يالغالي وهذه صورة الهيدرز :



قبل التركيب

http://h-body.org/people/projects/monzamess/Images/Sanderson%20Headers%20-%20Mounting%20flanges.jpg



بعد التركيب

http://www.cadillacfaq.com/faq/answers/img/tpis/tpis-4.jpg[/align]

[ابومرتاح]

ما اختلفنا قوي وزين ......بس شلون الصوت .....السيارة اللي مركب عليها هدرز صوته تقل دمبر الله لا يبلانا........بعدين من واقع تجربة قديمة تراه الموتر مع الوقت يصرف زيت و تحت الدواسات يحتمي ....خصوصا بالخطوط...........و يصرف بنزين .......اذا زاد تصريف العادم زاد الاحتراق وسحب الهوا والبنزين.....العلاقة طردية<<<<مو علاقة الملابس....!!!

[عاشق الجبل]

صدقت أخوي أبومرتاح ..... وهذه هي ضريبة القوي الزائدة في المحرك :)

حيث لايمكن أن تجمع بين قوة المكينة وقلة صرف البنزين وأنخفاض الحرارة .... والهيدرز يترتب عليه قطع أخري لكي يعمل

بشكل صحيح وفعال ليستفاد منه مثل :

الكناديس ( الوسطى واللأخيرة الرياضية الكاتمة للصوت الى حد ما ) كلها تسبب ضجيجآ لابأس به :)

[الفهد454]

انا مجرب الهدرز مع العلم ان موتري نيسان 98 وماشالله مايحتاج ماعليه خلاف بس عند تركيب الدبات الخلفية والوسطية لا تركب الوسطية بيب 3 انش لانه يسبب صرفية بنزين خيالية لازم تركب دبة وشكرا لكن بغيت اسالك اخوي عاشق الجبل او من يعرف بالدبات ابي دبة صوت وين احصلها بالشرقية واذا ماعليك امر اخوي عاشق الجبل لو تعطيني ارقام الورش اللي بالامارات لو تعطيني اياها لاني ابي اركب دبات وسطية وخلفية وابيها صوت حلو وازعاج شوي ويكون منظم وشاكر لك اخوي وبغيت اعلمك ان صورة الهدرز اللي فوق القزوز النيكل هذي ماهي المظبوطة لان الشغل العدل تجي حمرا وشكرا.

[}{التميمي}{]

السلام عليكم


ابي.هدرز.شغل.مظبوط السياره هايلكس 95
الرياض

واذا فيه محلات تبيع علموني
وشكرا

[عاشق الجبل]

هذا رقم الماجد للتزويد ( الشارقة )


0097165394244

[الشاص]

يعطيك العافيه اخوي عاشق على هالمعلومات المفيده

لكن اخوي الهدرز زين لراعين المكافخ ام الى سواقته راكده فأعتقد الموتر شد بلد مهنا احسن منه

وخصوصا الى يبيع لان الموتر اذا صار راكب عليه هدرز يطيح من قيمته عن شد البلد

وانصح الى يبي الراحه يكتفي بمراوح كهرباء وسلامتكم

[الفهد454]

بعدين مراوح الكهرب كم قيمتها وشلون طريقة تركيبها ووين باي الورش

[الشاص]

والله ياخالي تختلف المراوح على حسب السياره الى بتركبها وعلى حسب قيمة المراوح نفسه يعني مراوح فورد والى شروكي .....

وهي ياخلي تجي بدل مروحة البلد وتصير المروحه تشتغل على الكهرباء والحساس ويخف الموتر بسبب الغاء سير المروحه الى

يثقل على الموتر ويسبب الحنه . وانشاء الله اكون افتدك بهالمعلومات البسيطه

[عاشق الجبل]

أخوي الشاص

الهيدرز جربتها على 3 سيارات وماشفت مشاكل وتقدر تفكها قبل البيع وترجع القزوز .... وهي عبارة عن قطعة تجعل

المكينة تخرج كل مافيها من هواء محترق اولآ بأول فقط .


الأخ الفهد 454

المراوح تعتمد قيمتها على نوع السيارة اولآ مثلآ :

الباترول أفضل مراوح تناسبه هي مراوح السوبارو وتكلف من 500 الى 550 ريال

وتقدر تركبها بالقصيم أفضل وأرخص وبالنسبة للرياض فهي عند الدغيري :

مخرج 16 أتجاه الشرق ( اسكان الحرس ) تجيك أشارة سمنان ترجع معها وتجيك محطة السعوي على يمينك والورشة فيها


ولايهون الأخ : الشاص

[هاوي قصيده]

اخوي الفهد اذا تبي محلات الهيدرو والدبات بالشرقيه..رح شركة العتيبي فولتشر...بالصناعيه الاولى بالخبر..وتقع خلف وكاله هوندا طريق الخبر السريع(الكباري)

واذا حصل لك اشكال بالوصف

اتصل/
0506889229 وحنا بالشوفه

[راعي العوجاء]

ما في محل متخصص بالرياض؟

[هبوب الجنوب]

السلام عليكم ورحمة الله وبركاته
شباب انا بعطيكم معلومات عن الهدرز والفلاتر ومراوح الكهرباء اولا الهدرز فيه واحد في الصناعيه القديمه في الرياض اسمه قايد هو احسن واحد في تركيب الهدرز في الرياض ورقم جواله 0508596842 والهدرز هو قزوز الشكمان بس الفتحات اليخرج منها العادم اوسع من حق بلاده ويريح المكينه في اخراج الهواا اما الفلتر انواع واحسن واحد هو امريكي knk وقيمته 200 ريال تقريبا ولي يركبه في الرياض محل اسمه4500 في حي الربوة مخرج 14 بتجاه الغرب اول اشاره يسار بعدين تجيك اشاره يسار بعدين يجيك المحل على اليسار في نفس الشارع مدارس اهليه بس هو غالي شوي وسعاره مره تزيد ومره تنقص و الفلتر يريح السياره في سحب الهوا ومراوح الكهرب هي انواع اذا كانت سيارتك جيب تركب مروحه قراند شروكي واذا كانت سيارتك هيلكس تركب مروحة سوبارو ولي يركبها واحد اسمه على ماظن ابو سليمان رقم جواله 0504209258 هذا الي عندي وسلامتكم
http://www.mekshat.com/pix/upload/images11/mk19140_3f_1_b.jpgwww.mekshat.com/pix/upload/images11/mk19140_1092847767435_d3_1.jpg

[عاشق الجبل]

صدقت ياهبوب الجنوب

خبري بقايد مقفلين محله البلديه ...... هل خلصت مشكلته معهم ؟

[هبوب الجنوب]

صدقت يا عاشق الجبل البلديه سكرت محله تقريبا شهر بسبب صغر المحل
والحين يدفع غرامه سنويه

[هاوي قصيده]

يعطيك العافيه هبوب الجنوب

[ماجد الشمري]

يا جماعة الخير .. خذوا رأيي ...
الهيدرز يعطي عزم للسيارة حلو ولكن لاتنسوا ان الـ Back Presure بيقل وبالتالي عمر اقل للمحرك ....
الهيدرز على فكرة راح يزيد استهلاك البنزين وهذا حسب تجارب كثيرة وحتى يزيد احيانا الاستهلاك بشكل كبير ...هذا عدا ان صوته غير مريح .. ويترافق مع تركيب الهيدرز عند اكثر الشباب فك كنداسات الرصاص وهذا له عواقب ما يتصورها الواحد وهي :
1 / مرور الغازات السامة للطبيعه بدون تفكيك ولها ضرر كبير جدا .
2 / غالبا بعد فترة طويلة من الاستعمال ووجود الهيدرز تقل كفاءة المحرك في الحرق وبالتالي تجد احيانا قطرات من البنزين على الكنداسة لم تحترق وهذه ايضا خطيرة .
3 / ما تسوى حق تعب فكها وما تزيد من القوة الا الشئ البسيط جدا وغالبا في الحالات اللي عندنا بالسعودية تقلل العزم .

ولاننسى يا جماعة الخير ان اغلب الحوادث اللي تصير في القصيم وغيرها من المناطق هو بسبب ان الهيدرز تفصيل .. لا وتفصيل اي كلام ... نصيحة لا تاخذون هيدرز الا اصلي كامل مع الاكزهوست سيستم الى آخر قطعة وما تكون المواصير اعرض بكثير من الاصلية .. واحب اقول لكم نصيحة حطوها حق على اذانكم يا اصحاب الكروزرات والربع :

حسب تجارب طويلة وعريضة لمنتدى I HATE MUD اكتشفوا ان افضل نظام اكزهوست سيستم للاندكروزر هو حق شد البلد وهو الافضل موازنه للاستهلاك والعزم ...

ونصيحة اخرى .. الى اصحاب اللاند بعد .. اللى معاه جير عادي ما انصحه يعدل بالهيدرز ابد لأن نسب الجير للتويوتا عاليه وصوت المحرك بيكون مزعج جدا وهذي من تجربة لصاحب لي معاه في اكس بهدرز .. اما اللي معاهم اوتو ومصرين انهم يركبون فأشوف انه اكثر عمليه خصوصا اللي معاهم موديل 2003 وطالع لأن الجير 5 سرعات اوتو والنسبة النهائية اقل وبالتالي ازعاج اقل .. لكن لاننسى ان الاصلي سعره فيه واداؤه لايعلي عليه ..







اخوكم ماجد الشمري