وين أهل الخبرة شاص 2009 وماهو صافي

[sgl2002]

ياشباب شريت شاص 2009 لكن إذا صرت مشغل الموتر أحسه في هزة ماهو صافي ،، وبعدين صوت فرقعة أو زي ماتقول تفتفه بسيطه جدا يطلع كل خمس ثواني بس ماتلاحظه إلا وأنت بالموتر ومسكر القزاز ... ياترى وشو الحل ... مع العلم إن الموتر إذا شغلته في الصباح ومع البرد اللي حنا فيه مايرتفع عداد الضغط كثير ،، يعني يروح إلى واحد ، لأني جربت شاصات إذا شغلته وهو بارد يرتفع عداد الضغط إلى 1ونص بعدين يبدأ يهدا إلى الواحد ...


وثاني شي بعض الأحيان إذا جيت بوقف أشم ريحة احتراق او حرارة وتشتد إلىقربت من الكنداسه ورى ، مادري هو طبيعي والا فيه شي ؟؟

[قرناس صلا]

ما شاء الله تبارك الله

مبروك ما شريت

أخوي معي اف جي نفس المكينة تقريبا

وانحديت مرة و ما حصلت بنزين 95 وعبيت 91 الاخضر

وحصل تفتفة بسيطة بالمكينة وريحة بنزين شينة

وحسيت الوضع اختلف شوي

وعقبها ما اعبي الا 95 وراحت المشكلة

وان شاء الله الشباب يفيدونك اكثر بتجاربهم وخبراتهم

تقبل تحياتي

[sgl2002]

ياشباب اللي له خبرة

[فيصل بن مسعود]

يا ليت تكلمني اذا تقدر لان مشاركاتي ما وصلت للخمسين وعجزت ارسلك عالخاص





بعد اذن الادارة

[مخ سعودي]

ما شاء الله تبارك الله

مبروك ما شريت

أخوي معي اف جي نفس المكينة تقريبا

وانحديت مرة و ما حصلت بنزين 95 وعبيت 91 الاخضر

وحصل تفتفة بسيطة بالمكينة وريحة بنزين شينة

وحسيت الوضع اختلف شوي

وعقبها ما اعبي الا 95 وراحت المشكلة

وان شاء الله الشباب يفيدونك اكثر بتجاربهم وخبراتهم

تقبل تحياتي
اخوي قرناس
لمجرد المعلومية يوجد اختلاف الله يطول في عمرك بين المحركين حيث ان 2009 محرك طولي وهو المحرك القديم اما من 2010 فهو شبيه بمحرك سيارتك وهو محرك ذو راسين
ولك اروع تحيه
اما بخصوص مشكلتك وانا اخوك فابدى بالاقل تكلفه وعليك بمنظف متسوبيشي الاصلي سعره 35 ريال وامسك خط وان شاء الله يصفى

[mekshaat]

نفس المشكله عندي من الصيف الماضي
بدايتها كانت مع تشغيل المكيف تجي هزه
كل خمس ثواني شافهاالمهندس قال نظف
الثروتل المشكله منه واذا ماراحت غيره
وسيارتي ماهي شاص لكن الآن صارت
أكثر السيارات تتشابه في أنظمتها وأعطالها
واالثروتل وحساس الهوا حق القربه اذا فيهم
مشكله يتأثر ضغط المكينه وهذا من تجربتي.

[ls1.5700]

حياك الله اخوي اس ال جي 2002 ومبروك ماشريت والله يعطيك من خيره ويكفيك شره
اول شي عبي بانزين 95 مثل ماقال اخونا قرناس وجرب لاعله ينفع معك
موترك فيه مشكله في الاحتراق
اذا مانفع تغيير البانزين الى95 حاول تنظف الثروتل وفلتر الهوى وذا خرطوش الهوى فيه حساس نظفه
في منظف خاص بالاكترونيات
وتشيك على البواجي قد يكون فيهم واحد فيه لذعه او مكربن
وشيك على اسلاك البواجي

واذا مانفعت كل المحاولات
اعرض موترك على فني متخصص في الميكانيكا
وخله يفحص البلوف بالجهاز وشوف كم يعطي اذا اقل من 180 فـ المشكله من البلوف
والبخاخات ايضاً افحصهم واذا فيهم مشكله نظفهم بجهاز التنظيف
مع اني استبعد البخاخات بس شيك عليهم
واحرص على البلوف تفحصهم لا تستهين فيهم
في أمان الله

[sgl2002]

هههههههههه

ماقصرتوا ، لكن الموضوع قديم جدا

انا بعته الشاص هذا وشريت بعده ٣ باترولات وشريت شاص اخر وانقلبت عليه والحين رجعت للباترول


بس للمعلومية الهزه والتفتفه بسيطه جدا كانت بسبب الثروتل يبغاله تنظيف

[أب رحي]

هههههههههه

ماقصرتوا ، لكن الموضوع قديم جدا

انا بعته الشاص هذا وشريت بعده 3 باترولات وشريت شاص اخر وانقلبت عليه والحين رجعت للباترول


بس للمعلومية الهزه والتفتفه بسيطه جدا كانت بسبب الثروتل يبغاله تنظيف


السلام عليكم ورحمة الله وبركاته


أخوي ابي اسألك الشاص الجديد والموديل اللي عندك دعسته كهربائيه صح؟
ياليت تفيدني لو سمحت.

[sgl2002]

السلام عليكم ورحمة الله وبركاته


أخوي ابي اسألك الشاص الجديد والموديل اللي عندك دعسته كهربائيه صح؟
ياليت تفيدني لو سمحت.

بالنسبة للي شريته 2010 كهربائية وكانت ترفع الضغط تقول كانك تسوق اكسنت


وال2009 اللي قبله كانت عادية وماشاء الله قوة

[ls1.5700]

هههههههههه

ماقصرتوا ، لكن الموضوع قديم جدا

انا بعته الشاص هذا وشريت بعده ٣ باترولات وشريت شاص اخر وانقلبت عليه والحين رجعت للباترول


بس للمعلومية الهزه والتفتفه بسيطه جدا كانت بسبب الثروتل يبغاله تنظيف

هههههههههههههههههههههههه
وحنا جايبين الطبلون كله
والله ماانتبهنا للتاريخ
بس اشوى انك رجعت لعقلك وشريت باترول ههههههه
موفق خير
في أمان الله