وش رأيكم بالكشافين ؟ يوجد صور

[منتعش]

السلام عليكم ورحمة الله وبركاته
هلا وغلا بإخواني الفضلاء .
بعد أيام سوف يأتي الربيع والعلوم الزينة وطلعات البر و....
والكثير منا يحب يطلع بشي مناسب وجديد . ويسرني عرض كشافين وجتهم وأحببت أطلاع أخواني عليهم .
الأول :
كشاف يعمل على الشحن بالسيارة ونوره زنن وله حركتين ( تشغيل وفليشر )
وسعره من ( 25-30 ريال ) وبحثت عليه ولم أجده إلا في محل واحد وكانت آخر حبه :
http://www.mekshat.com/pix/upload/images11/mk7805_s3010004%20resized.jpg

http://www.mekshat.com/pix/upload/images11/mk7805_s3010019%20resized.jpg

http://www.mekshat.com/pix/upload/images11/mk7805_s3010020%20resized.jpg

http://www.mekshat.com/pix/upload/images11/mk7805_s3010021%20resized.jpg

تابع
7
7

[منتعش]

تابع

الثاني :
كشاف يعمل بالرج وقد ذكره أحد الأخوان من فترة وبحثت عليه ولم أجده
حتى أني ذهبت لدولة الكويت للبحث عنه
ويسر الله أن وجدته في أحد الجوامع بعد صلاة التراويح وسعره من ( 25-20 )
http://www.mekshat.com/pix/upload/images11/mk7805_s3010005%20resized.jpg

http://www.mekshat.com/pix/upload/images11/mk7805_s3010006%20resized.jpg

http://www.mekshat.com/pix/upload/images11/mk7805_s3010008%20resized.jpg

http://www.mekshat.com/pix/upload/images11/mk7805_s3010023%20resized.jpg

http://www.mekshat.com/pix/upload/images11/mk7805_s3010022%20resized.jpg


والله يوفقكم ويرعاكم .

[المترو]

السلام عليكم ورحمة الله وبركاته

اخي منتعش والله الاول اللي على البطاريه اضائته قويه لكن المشكله بشحنه يخوك مدري البلاء بالنوع كله والا ان اللي معي فيه عله داخليه احطه على الولاعه نصف نهار ونصف ساعه وهو طافي هل جربته وواجهتك المشكله نفسها لاني اخبر واحد عنده مجموعه من هذا النوع لكن تأكد لاني ماودي اورط الاخوان فيه تأكد وانا اعلمك وين تلقاه

اما الثاني لا اعرف عنه شيء واول مره اشوف تريك يشتغل بالرج :D جربهم وعلمنا لان اسعارهم قليله بس هل هي عمليه فعلا ام لا

ختاما تشكر على الموضوع وعطنا من تجاربك الحلوه

المترو ابو ناصر

[غيّام]

ياشباب فيه انواع كشافات مثل هالنوعيات من اللي تشبك على الولاعه او ترج وغيرها كثير وجميل تباع عند الرميح اللي في طريق التخصصي

المنتعش اشكرك اخي الكريم على الموضوع

[غالي]

والله اول مره اشوف الاول ابو ولاعه وشكله حلو ماشاء الله
اما انا ما استخدم الا كشاف الي ينحط فوق الراس بالمغاطات وعندي واحد فيه 6 لمبات زينون وهو جدا قوي واستخدمته 5 طلعات بر واشغله ومازالت البطاريات نفسها يعني مايسحب البطاريات الي فيه وانا انصحكم اخواني به
وهو جايني عن طريق احد الاقارب جايبه من القصيم
وشكرا

[منتعش]

ياهلا وغلا بأخوي الغالي : المترو
والله يأخوي المحب أستخدمته عدة مرات ومناسب معي وشفته مع أخوي ( مشغول ) من فترة ويمدحه جداً .
ودورته في ثلاث محلات ولم أجده وكل محل يحذرني منه ويقول ليس عملي .
وما لقيته إلا في محل وكانت آخر حبه .

والثاني : منذو فترة نزل الموضوع عن هذا الكشاف ولفيت المحلات ولم أجده ورحت للكويت للبحث عنه
والله سألت اللي يبيعه وقال يجلس ساعة مولع وعند ضعف نوره رجه لمدة 30ثانية على حسب كلامه .
ويعطيك العافية على مرورك الطيب .

========================

مراحب أخوي المحب : غيّام
وأشكرك على المعلومه الطيبة .
ووفقك الله .

========================

أهلين وسهلين بأخوي العزيز : غالي
صدقت الكشاف اللي ينحط على الراس جيد وممتاز وخاصة في طلعات البر في الليل عند الذهاب ما عليك إلا أن تربطه في رأسك وأمش .
واليوم أشوفه ينباع بـ (10) ريال عند أحد الجوامع في صلاة التراويح
والله يحفظك ويرعاك .

[kissit]

السلام عليكم ورحمة الله وبركاته

الكشاف موجود فى محل الرمايه واكسترا فى الخبر والرياضز

وشكرا

[منتعش]

هلا وغلا بأخوي : kissit
أشكرك على المعلومة .
والله يحفظك ويرعاك .

[فتى التويم]

السلام عليكم ورحمة الله وبركاته

اخوي الكشافات هذي تلقاها عند قرية البضاءع على شارع التخصصي مع تقاطع الملك عبد الله

[أبو يوسف]

الكشاف الأول شكله حلو

وميزته ان شاحنه معه يعني لا اسلاك ولا مشاكل

أما الثاني فأنا لقيت عند السنيدي أنواع كثيرة من كشافات الشحن اليدوي اما بالرج أو بمكرة تحركها لكن شكلهن مهب عملي

مشكور اخوي منتعش
وتقبل تحيتي

[عجمي]

السلام عليكم ورحمة الله وبركاته


بالنسبة للكشاف الأول جربتة وصراحة عملي شوي ولة معي من اربع شهور وما خالف ..لكن عيبة الوحيد


اللمبة اذا حترقت اقر علية السلام ..


والكشاف الثاني اول مرة اشوفة ..


اخوكم عجمي,

[منتعش]

هلا وغلا بأخوي : فتى التويم
وأشكرك على المعلومة الطيبة .
ووفقك الله .

================

مراحب أخوي : أبو يوسف
الكشافات جربتها وعمليه معي ، وحتى الآن ما شفت منها شي .
والله يوفقك ويرعاك وأشكرك على مرورك الطيب .

================

حياك الله وبياك أخوي : عجمي
ويعطيك العافية على المعلومة .
وصدقت الكشاف الثاني نادر تلقاه وغريب في عملية الشحن .
والله يحفظك ويرعاك أخوي الغالي .

[محبس]

السلام عليكم ورحمة الله وبركاته

اخوي الكشافات هذي تلقاها عند قرية البضاءع على شارع التخصصي مع تقاطع الملك عبد الله

[منتعش]

ياهلا وغلا بأخوي المحب : محبس
الله يعطيك العافية على المعلومات القيمة .
وبيض الله وجهك ووسع صدرك بالعافية .

[الذياب]

يعطيك العافية اخوي على الصور الرائعة

بس المشكلة انك حمستنا للبر

وما قلت من اي جامع شريت الكشاف الثاني الي ترجه




تحياتي

[ابو شكاع]

الكشاف الأول شريته قبل فترة قريبة وطلعت به مرة وحدة ولابأس جيد جدا
الثاني قد مر علي ...وبما أنه يشتغل بتقنية الرج الألمانية أنا أقول لصقه على عامود الغسالة قبل تمشي بيوم
خله يرج معه :d
مشكور

[فهيد711]

تشكر اخي المنتعش
على الصور الجميلة والموضوع الرائع والأدوات النادرة المهمة

[منتعش]

ياهلابكم ومسهلا بالجميع .

الكشاف اللي يشتغل بالرج شريته من جامع في حي سلطانة .
وشفته في السنيدي بالقصيم . بس اللي عنده كلها خربانه وجربتها وما تشتغل .
والله يعينكم دورها لين تلقونها هههههههههههه . أمزح معكم
الله يحفظكم ويرعاكم .