وبل الخريف
01/01/2011, 12:43 PM
السلام عليكم ورحمة الله وبركاته
يالله حي هالوجيه يا مكشاتيه والله انكم تستاهلون كل خير والعلوم الطيبه انتو محلها
مشينا يوم الثلاثاء 22 محرم 1432 هـ بعد الظهر من الرياض ناوين عمره انا والاهل وكان الجو براد ولا فيه غيوم وكل الطريق وهو صحو الين جيينا الطائف وكان فيه بعض قطع السحاب
المهم امرحنا في الطائف وعند الصباح افطرنا ومرينا الميقات واحرمنا وكان الجووو روووعه على الطائف غائم شبه جزئي ونزلنا مكه واخذا عمره
وهذي الصوره وحنا طالعين
http://center.jeddahbikers.com/uploads/jb12938702201.jpg (http://games.jeddahbikers.com/)
المهم انتهينا من العمره وصلينا الظهر وسمعنا ان جده جاها مطر من الساعه تسع قلنا نطلع لها المهم من جينا بحره والارض ما شا الله خضراء حتى الجبل اخضر منظر يفتح النفس
وبعده والارض تشوف الماء يكثر فيها الين دخلنا جده وشفنا الشوارع فيها ماء
والجو كأنه مغبر ولهوب صافي والنصووب الرهيبه
كانت شمال الكورنيش وقبل المغرب هبت الجنوبيه وكانت صلفه وتطيير القراطيس ههههه
طبعا الجلسه ما تحلا الا على مكشات وكنت اتابع الاحداث
اللي صايره شمال عنا يم تبوك والوجه وينبع ورابغ
والله من العصيير (قبل المغرب)وانا مشغل الجهاز الين رحنا نتعشاء
استأجرنا في الحمرا وكنت اتابع الحاله عن طريق الخبراء الافاضل مدار الجدي وابو زيد وبقية الخبراء الين الساعه وحده ونمت وانا اتخيل بكره بمشيئة الله
اصبحنا واصبح الملك لله وقبل اتوضاء الفجر مريت الجهاز وشغلته يسخن الين اصلي طبعا يوم الخميس صلينا الفجر
ورجعت للجهاز ولقيت ابو زيد موجود في موضوع يالبا قلبه الا شفت معرفه موجود ينشرح صدري هو ومدار الجدي
وكان يقول ابشروو ياهل جده الساعات القليله القادمه يجييكم الخير بأذن الله المهم قلت اخذ لي نعسه شوي
قمنا الساعه عشر الصبح ورحت اجيب فطور والجو رهيب سحب منخفضه وسحب سوداء
جلسنا نفطر وفتحت الدريشه شوي وصوت الرعد يدوي ياحي هالصوووووت
(سبحان من سبح الرعد بحمده والملائكة من خيفته)
صراحه جو خياااال وبداء المطر باالنزول كل ماله يزداد يالله لك الحمد
هذي بعض الصور المتواضعه لنزوله من دريشة الشقه
[/URL]
[URL="http://games.jeddahbikers.com/"]http://center.jeddahbikers.com/uploads/jb12938717701.jpg (http://games.jeddahbikers.com/)
http://center.jeddahbikers.com/uploads/jb12938718391.jpg (http://games.jeddahbikers.com/)
صرحه الصور ليست بالجوده العاليه لأنها من جوال لكن التوثيق زين :D
وجلس المطر حوالي نصف ساعه وبعد ساعه بالضبط اشرقت الشمس قلنا نطلع للمدينه طبعا هذا سيناريو الرحله من قبل مشينا من الشقه الا والله الشوارع كلها ماء وزحمه لا اله الا الله المهم بعض الصور لبعض الاضرار
http://center.jeddahbikers.com/uploads/jb12938721371.jpg (http://games.jeddahbikers.com/)
مطعم سقطت لوحة الاعلانات على السيارات اللي قدام المحل
المهم مسكنا طريق المدينه الساعه 12الظهر من تحت الكوبري
والله مدري وش اسمه وساعتين الين طلعنا من جده ان سكرت القزاز حر ورطوبه وان فتحت الدريشه الماء ينطش عليك :D ولا ودي اشغل المكيف
وهذي صوره للوضع
http://center.jeddahbikers.com/uploads/jb12938724021.jpg (http://games.jeddahbikers.com/)
ومن طلعنا والماء واجد في كل محل وصلنا ثول الدحال محوله والغدران في كل محل يالله لك الحمد على عطائه
طلعنا للمدينه ولقينا قديد يمشي يالله انا نحمدك
وصلنا وادي ستاره لقيناه يمشي هذي صوره له
http://center.jeddahbikers.com/uploads/jb12938726311.jpg (http://games.jeddahbikers.com/)
المعذره لقله الصور وردائتها لأن معي اطفال وينزعجون من كثر الوقفات وطول المشوار المهم كل وادي يقابلنا نلقاه ماشي ومعبر الكبري يالله لك الحمد والشكر
http://center.jeddahbikers.com/uploads/jb12938728611.jpg (http://games.jeddahbikers.com/)
http://center.jeddahbikers.com/uploads/jb12938729181.jpg (http://games.jeddahbikers.com/)
بعض الصور للأجواء على الطريق كان الجو خيال ريحة السيل تشق الخشم
الارض ممطوره وكان الخيال منا ويمين
تغدينا في ساسكو وبعها مشينا الين وادي الفرع لقينا وادي كبير الظاهر انه هو سايل سيل طيب كان عريض وفارش مجراه بالماء
قبل المدينه ب85كم خف اثار الامطار مع انه فيه مجمعات ماء على الخفيف وفي الارض الحشاد(الصلبه) كان هذى الموقع اخر عهنا بالمطر الغزير
طبعا هناك ااثار للامطار بعد ما أتجهنا للقصيم من المدينه كل مالها تخف
سامحونا يالربع على هالتقرير المتواضع لأنه اول تقرير لي
وسلامتكم
يالله حي هالوجيه يا مكشاتيه والله انكم تستاهلون كل خير والعلوم الطيبه انتو محلها
مشينا يوم الثلاثاء 22 محرم 1432 هـ بعد الظهر من الرياض ناوين عمره انا والاهل وكان الجو براد ولا فيه غيوم وكل الطريق وهو صحو الين جيينا الطائف وكان فيه بعض قطع السحاب
المهم امرحنا في الطائف وعند الصباح افطرنا ومرينا الميقات واحرمنا وكان الجووو روووعه على الطائف غائم شبه جزئي ونزلنا مكه واخذا عمره
وهذي الصوره وحنا طالعين
http://center.jeddahbikers.com/uploads/jb12938702201.jpg (http://games.jeddahbikers.com/)
المهم انتهينا من العمره وصلينا الظهر وسمعنا ان جده جاها مطر من الساعه تسع قلنا نطلع لها المهم من جينا بحره والارض ما شا الله خضراء حتى الجبل اخضر منظر يفتح النفس
وبعده والارض تشوف الماء يكثر فيها الين دخلنا جده وشفنا الشوارع فيها ماء
والجو كأنه مغبر ولهوب صافي والنصووب الرهيبه
كانت شمال الكورنيش وقبل المغرب هبت الجنوبيه وكانت صلفه وتطيير القراطيس ههههه
طبعا الجلسه ما تحلا الا على مكشات وكنت اتابع الاحداث
اللي صايره شمال عنا يم تبوك والوجه وينبع ورابغ
والله من العصيير (قبل المغرب)وانا مشغل الجهاز الين رحنا نتعشاء
استأجرنا في الحمرا وكنت اتابع الحاله عن طريق الخبراء الافاضل مدار الجدي وابو زيد وبقية الخبراء الين الساعه وحده ونمت وانا اتخيل بكره بمشيئة الله
اصبحنا واصبح الملك لله وقبل اتوضاء الفجر مريت الجهاز وشغلته يسخن الين اصلي طبعا يوم الخميس صلينا الفجر
ورجعت للجهاز ولقيت ابو زيد موجود في موضوع يالبا قلبه الا شفت معرفه موجود ينشرح صدري هو ومدار الجدي
وكان يقول ابشروو ياهل جده الساعات القليله القادمه يجييكم الخير بأذن الله المهم قلت اخذ لي نعسه شوي
قمنا الساعه عشر الصبح ورحت اجيب فطور والجو رهيب سحب منخفضه وسحب سوداء
جلسنا نفطر وفتحت الدريشه شوي وصوت الرعد يدوي ياحي هالصوووووت
(سبحان من سبح الرعد بحمده والملائكة من خيفته)
صراحه جو خياااال وبداء المطر باالنزول كل ماله يزداد يالله لك الحمد
هذي بعض الصور المتواضعه لنزوله من دريشة الشقه
[/URL]
[URL="http://games.jeddahbikers.com/"]http://center.jeddahbikers.com/uploads/jb12938717701.jpg (http://games.jeddahbikers.com/)
http://center.jeddahbikers.com/uploads/jb12938718391.jpg (http://games.jeddahbikers.com/)
صرحه الصور ليست بالجوده العاليه لأنها من جوال لكن التوثيق زين :D
وجلس المطر حوالي نصف ساعه وبعد ساعه بالضبط اشرقت الشمس قلنا نطلع للمدينه طبعا هذا سيناريو الرحله من قبل مشينا من الشقه الا والله الشوارع كلها ماء وزحمه لا اله الا الله المهم بعض الصور لبعض الاضرار
http://center.jeddahbikers.com/uploads/jb12938721371.jpg (http://games.jeddahbikers.com/)
مطعم سقطت لوحة الاعلانات على السيارات اللي قدام المحل
المهم مسكنا طريق المدينه الساعه 12الظهر من تحت الكوبري
والله مدري وش اسمه وساعتين الين طلعنا من جده ان سكرت القزاز حر ورطوبه وان فتحت الدريشه الماء ينطش عليك :D ولا ودي اشغل المكيف
وهذي صوره للوضع
http://center.jeddahbikers.com/uploads/jb12938724021.jpg (http://games.jeddahbikers.com/)
ومن طلعنا والماء واجد في كل محل وصلنا ثول الدحال محوله والغدران في كل محل يالله لك الحمد على عطائه
طلعنا للمدينه ولقينا قديد يمشي يالله انا نحمدك
وصلنا وادي ستاره لقيناه يمشي هذي صوره له
http://center.jeddahbikers.com/uploads/jb12938726311.jpg (http://games.jeddahbikers.com/)
المعذره لقله الصور وردائتها لأن معي اطفال وينزعجون من كثر الوقفات وطول المشوار المهم كل وادي يقابلنا نلقاه ماشي ومعبر الكبري يالله لك الحمد والشكر
http://center.jeddahbikers.com/uploads/jb12938728611.jpg (http://games.jeddahbikers.com/)
http://center.jeddahbikers.com/uploads/jb12938729181.jpg (http://games.jeddahbikers.com/)
بعض الصور للأجواء على الطريق كان الجو خيال ريحة السيل تشق الخشم
الارض ممطوره وكان الخيال منا ويمين
تغدينا في ساسكو وبعها مشينا الين وادي الفرع لقينا وادي كبير الظاهر انه هو سايل سيل طيب كان عريض وفارش مجراه بالماء
قبل المدينه ب85كم خف اثار الامطار مع انه فيه مجمعات ماء على الخفيف وفي الارض الحشاد(الصلبه) كان هذى الموقع اخر عهنا بالمطر الغزير
طبعا هناك ااثار للامطار بعد ما أتجهنا للقصيم من المدينه كل مالها تخف
سامحونا يالربع على هالتقرير المتواضع لأنه اول تقرير لي
وسلامتكم