ريف نجد
01/01/2011, 09:42 PM
السلام عليكم ورحمة الله وبركاته
مساكم/صبحكم الله بالخير
السالفه قديمه يوم مافيه وسائل مواصلات ولا اتصلات , يوم كان الناس يستخدمون الخيل والابل والحمير في حياتهم اليومه,جرت هذه السالفه على رجل من خارج منطقة القصيم .
أراد الحج الرجال مع احد القوافل التي تنطلق من عنيزه .
حزم عفشه الرجال على رحوله ودع اهله ومشى لعنيزه ,كانت الظروف في ذلك الوقت صعبة المعيشه قرر الرجال انه يشتغل ويجمع بعض الدراهم علشان تعينه في اداء فريضة الحج ,وصل عنيزه الرجال وسأل عن القافله وقالوا العلم عند فلان بن فلان رح له وخذ العلم من عنده ,راح له وضيفه وهبهب ريحه وكلمه عن انه يبغى يحج معهم قال حياك الله
وسأله متى تمشون لمكه قال له رئيس القافله بعد شهر ان شاء الله قال مايخالف انا موجود بعنيزه واترزق الله لين نحج مكه ,الرجال مايعرف احد رجع للجامع وصلى فيه الظهر واستاذن من الشيخ انه يبيت في المسجد في الليل وفي النهار يترزق الله,اذن له الشيخ,رقد الليله الاوله في المسجد وشاف له حرمةٍ تطلع من بيت جنب المسجد اخر الليل وتطلع برى الديره وترجع بعد ساعة من الزمن ,واليله الثانيه مثلها وكذلك الليلة الثالثه
استغرب الرجال وشك في الوضع يوم جت الليلة الرابعه قال لازم اتبعها واشوف وش عندها تطلع اخر الليل ؟ تبعها الرجال من دون انها تحس فيه .المهم لقاها تروح لجثت حمار (اكرمكم الله )وتقطع منه وتاخذه لبيتها ,عرف الرجال وش عندها يوم تطلع اخر الليل.يوم جاء الصبح راح لبيتها وسألها :وش الي حدكي على جثت الحمار يوم تقطعين منه؟
بكت المسكينه وقالت والله الجوع ذبحني انا وعيالي انا ارمله وعندي 3 عيال من وين اطعمهم .لا اله الاالله .دمعت عين الرجل رأفتاً ورحمه بهم ,أحذ ذلوله الي كان ناوي يحج عليها وداها للسوق وحرج عليها وباعها وأخذ دراهمها وعطاها الارمله.
ويم جاء قبل موعد رحلة الحج علم خوياه انه ماهو حاج معهم .وقعد بعنيزه يترزق الله ويصلي بالجامع مع الشيخ كل الاوقات .مشو خوياه الي من اول يبي يحج معهم ويوم وصلوا مكه وطافوا ويشوفون خويهم في الطواف وشافوه بعرفه وبمنى .وزعلوا عليه
وقالوا يواعدنا ويحج مع غيرنا والله ليجيب الحق وهو رجال .المهم رجعوا لعنيزه الحجاج
واجهوا خويهم وقالوا لازم انك تجيب الحق ,يوم انك تواعدنا وتحج مع غيرنا وتخلينا ,لازم نجلس عند الشيخ وناخذ منك الحق .قال يامسلمين انا بعنيزه ولا حجيت ,قالوا حنا شايفينك بمكه بعيونا تبينا نصدقك ونكذب عيونا ,مافيه لازم تجيب الحق ,قال مايخالف عند الشيخ .
راحوا للشيخ وقالوا ياشيخ نبي الحق من فلان يوم يواعدنا ويحج مع غيرنا وشايفينه بمكه , وقال انت وش تقول بكلامهم :قال انا اقول اني اصلي معك الفروض بالمسجد كل يوم ولا حجيت.سكت الشيخ شوي قال:انت مسوي عمل خير ولازم تعلمنا, وعلمهم بقصة الحرمه .وقاله الشيخ انت كتبت لك حجه بها العمل واقتنع خوياه .
فسبحان الله كتب الله له حجا بعمل الخير
خاطره :
هل فكرت يوما في حال الفقراء والمساكين؟
هل فكرت يوما بعدم الاسراف في المأكل والمشرب؟
هل فكرت يوما في وضع بقايا الاطعمه الزائده في مكان أفضل من سطول البلديات؟وأعطائها الحيوانات؟
هل فكرت يوما ان هذه النعم ستزول؟
هل فكرت يوما في محق البركه في المال ؟
هل فكرت يوما ماهو سبب غلاء الاسعار؟
هل اخرجت زكاة مالك؟
وهل؟ وهل؟ وهل؟.......وياكثر الاسئله
ارجوا ان لا اكون اطلت عليكم..
مساكم/صبحكم الله بالخير
السالفه قديمه يوم مافيه وسائل مواصلات ولا اتصلات , يوم كان الناس يستخدمون الخيل والابل والحمير في حياتهم اليومه,جرت هذه السالفه على رجل من خارج منطقة القصيم .
أراد الحج الرجال مع احد القوافل التي تنطلق من عنيزه .
حزم عفشه الرجال على رحوله ودع اهله ومشى لعنيزه ,كانت الظروف في ذلك الوقت صعبة المعيشه قرر الرجال انه يشتغل ويجمع بعض الدراهم علشان تعينه في اداء فريضة الحج ,وصل عنيزه الرجال وسأل عن القافله وقالوا العلم عند فلان بن فلان رح له وخذ العلم من عنده ,راح له وضيفه وهبهب ريحه وكلمه عن انه يبغى يحج معهم قال حياك الله
وسأله متى تمشون لمكه قال له رئيس القافله بعد شهر ان شاء الله قال مايخالف انا موجود بعنيزه واترزق الله لين نحج مكه ,الرجال مايعرف احد رجع للجامع وصلى فيه الظهر واستاذن من الشيخ انه يبيت في المسجد في الليل وفي النهار يترزق الله,اذن له الشيخ,رقد الليله الاوله في المسجد وشاف له حرمةٍ تطلع من بيت جنب المسجد اخر الليل وتطلع برى الديره وترجع بعد ساعة من الزمن ,واليله الثانيه مثلها وكذلك الليلة الثالثه
استغرب الرجال وشك في الوضع يوم جت الليلة الرابعه قال لازم اتبعها واشوف وش عندها تطلع اخر الليل ؟ تبعها الرجال من دون انها تحس فيه .المهم لقاها تروح لجثت حمار (اكرمكم الله )وتقطع منه وتاخذه لبيتها ,عرف الرجال وش عندها يوم تطلع اخر الليل.يوم جاء الصبح راح لبيتها وسألها :وش الي حدكي على جثت الحمار يوم تقطعين منه؟
بكت المسكينه وقالت والله الجوع ذبحني انا وعيالي انا ارمله وعندي 3 عيال من وين اطعمهم .لا اله الاالله .دمعت عين الرجل رأفتاً ورحمه بهم ,أحذ ذلوله الي كان ناوي يحج عليها وداها للسوق وحرج عليها وباعها وأخذ دراهمها وعطاها الارمله.
ويم جاء قبل موعد رحلة الحج علم خوياه انه ماهو حاج معهم .وقعد بعنيزه يترزق الله ويصلي بالجامع مع الشيخ كل الاوقات .مشو خوياه الي من اول يبي يحج معهم ويوم وصلوا مكه وطافوا ويشوفون خويهم في الطواف وشافوه بعرفه وبمنى .وزعلوا عليه
وقالوا يواعدنا ويحج مع غيرنا والله ليجيب الحق وهو رجال .المهم رجعوا لعنيزه الحجاج
واجهوا خويهم وقالوا لازم انك تجيب الحق ,يوم انك تواعدنا وتحج مع غيرنا وتخلينا ,لازم نجلس عند الشيخ وناخذ منك الحق .قال يامسلمين انا بعنيزه ولا حجيت ,قالوا حنا شايفينك بمكه بعيونا تبينا نصدقك ونكذب عيونا ,مافيه لازم تجيب الحق ,قال مايخالف عند الشيخ .
راحوا للشيخ وقالوا ياشيخ نبي الحق من فلان يوم يواعدنا ويحج مع غيرنا وشايفينه بمكه , وقال انت وش تقول بكلامهم :قال انا اقول اني اصلي معك الفروض بالمسجد كل يوم ولا حجيت.سكت الشيخ شوي قال:انت مسوي عمل خير ولازم تعلمنا, وعلمهم بقصة الحرمه .وقاله الشيخ انت كتبت لك حجه بها العمل واقتنع خوياه .
فسبحان الله كتب الله له حجا بعمل الخير
خاطره :
هل فكرت يوما في حال الفقراء والمساكين؟
هل فكرت يوما بعدم الاسراف في المأكل والمشرب؟
هل فكرت يوما في وضع بقايا الاطعمه الزائده في مكان أفضل من سطول البلديات؟وأعطائها الحيوانات؟
هل فكرت يوما ان هذه النعم ستزول؟
هل فكرت يوما في محق البركه في المال ؟
هل فكرت يوما ماهو سبب غلاء الاسعار؟
هل اخرجت زكاة مالك؟
وهل؟ وهل؟ وهل؟.......وياكثر الاسئله
ارجوا ان لا اكون اطلت عليكم..