الــعـــنـــقـــاء مع بعض العوائل

[عبدالله العمير]

السلام عليكم ورحمة الله وبركاته

تزخر الرحلات بالمواقف والمناظر التي تمر على العين ولكن النسيان هوا عدوها

ومن يسافر ويترحل بدون العدسة السحرية فسوف يفقد الكثير من المناظر بعد العودة ومشاغل الحياة


بعض لقطات رفيقت الدرب<في الكشتات فقط:)

والتي يصعب التقاطها من الكثير لان حمل البندقية في تلك اللحظة احب الية واسهل الى القلب المتربص<يسمع بالتالية

لكن اخوكم اختصر على الكثير من الاخوان ومتسفيهم بها



الاولى : جوز من السمان اللطيف الدبدوب وهوا بحلن بي ماودة يطلع للشمس تدمغة ويبي فرقاي لان شكل عندهم موضوع حساس بخصوص الاولاد :)

http://www.kashtah.com/4images/data/media/3/hmhm4.jpg

الثانية : نوع من العصافير يشبه بحد قريب جدا للدخل <على ذمت حفرلوجيا

طبعا داقته الشمس دق وماصدق على الله اننا ناقف للفطور وطب تحت السيارة هروبا من الرنانية

http://www.kashtah.com/4images/data/media/3/hm24.jpg

الثالثة: اناث قطا مخمرات وضاربات الارض بالاول احسبهن قميري ويوم رجعت تعرفت عليهن:)

http://www.kashtah.com/4images/data/media/3/hmhm13.jpg

الرابعة : ابوهن ملبق قدامهن بالضلال بس الحقيقة الرجال كشخة

http://www.kashtah.com/4images/data/media/3/hmhm7.jpg

الخامسة : يبدو والله اعلم اني قومتها من النوم

http://www.kashtah.com/4images/data/media/3/hm22.jpg

السادسة : هذي سلمكم الله ناقة ساحلية مطفوقة , جت على تالي فطورنى وهي تناوش العسل

ومن ردات حضة نشب الغطاء بالشفه <هههههه وتقعد ربع ساعة تبية يطيح وهو معيي من الرطوبة الزايدة بالشفايف












http://www.kashtah.com/4images/data/media/14/hm21.jpg




ونصل لنهاية هذة الباقة مع لقطة اعتز بها كثيرا وهي لصاحبت العنق الطويل والسحر الجميل



































































http://www.kashtah.com/4images/data/media/3/hmhm3.jpg


ارجوا ان اكون قدمت لكم موضوع يسرّكم ان شالله

وبدعمكم نتطور

[صمانكو]

يشرفني اكون اول من يرد عليك ويشوف هاللقطات الجميله :)

شي جميل بارك الله فيك

واسعد الله صباحك :)

[ريف النشاما]

رائع جدا ..................وقاعد تنفخ فينا واثريك مخبي النووي


...........التوقيييييييييييييييع أزعجني كثيرا ........ياليت تجعل الإطار السفلي أكثر عرضا وتكتب عليه
=====
سوال كم المسافة بين وبين أقرب هدف صورته وابعد هدف بالمتر

===========العدسة جميله جدا ---وأختيارك للزوايا والمناسبات رائع جدا ........بس أرفق علينا صور حصينا
صور شجر ..........أما تسوي فينا تسذا ..........مايصير

من صفار بقميري بقطاة بحجل ........ترا ماعاد فينا صبر






........

فنان قادم بقوة

[بــرق الشمال]

صيد كمرتك رااااائع...

صوره جميله لطيور راااائعه...بس وينها.... :d

الله يعطيك العافيه اخوي الأزرق ومكشووور وماقصرت


تحياااااتي لك
برق الشمال

[عبدالله العمير]

صمانكو

لي الشرف يالغالي والله يعطيك العافية والله

وصباحك

------------------------------------------------------

ريف النشاما

هلا والله وغلا والله يابعدي اني متعلم منك الكثير فلا تحقر نفسك يالغالي تراك استاذنا

وبعدين المسافات فيه والله بعضهن يعطيني مجال اقرب الا مترين تقريبا ومعي عدسة زوم طيبة بالحيل


وابشر بالشجر والحصا جاي بالطريق

الله يجزاك خير يابعدي

--------------------------------

برق الشمال الله يسلمك من كل مكروة

ومشكور على مرورك

[ريع الدياب]

بسم الله الرحمن الرحيم
السلام عليكم ورحمة الله وبركاته

الغالى الازرق

ما أقول الا الله يرفع قدرك ويزيدك فى موهبة التصوير

والله انها صور تسر الخاطر و تشرح الصدر

كل الصور رووووووووووعة

آمل أن نرى المزيد من كنوز كاميرتك

[فاهم]

ما شاء الله تبارك الله على هالصور اللي تفتح النفس.

أخوي الازرق حرام عليك عندك كل هالزين ساكت كل هالفترة :no2:

نبي زيادة من هالنمونه .

تحيتي

[عبدالله الصالح]

تسلم ياولد الديره على الصور الاكثر من رائعه

وعسا يدك ماتنشل


اخوك القصمنجي .....

[*القبطان*]

أخي الغالي الازرق
السلام عليكم ورحمة الله وبركاته

ماشاء الله عليك صور احترافيه توسع الصدر الله يوسع صدرك
طيب وش نوع الكمرة ... نبي نصير محترفين مثلك

لا تقطعنى من جديدك

[الحضري]

ايه هين مثلي ومسألة حظ


ههههههههههههههههههه اهب يالنصاب


ما شاء الله تبارك الله الله يزيدك من فضلة


وزيدنا ترانا ادمناا على قول نفل

في أمان الله

[#الفارس#]

السلام عليكم ورحمة الله وبركاته

صراحة صور رووووووووعة ويعطيك العافية ....

بس ممكن تعطينا معلومات عن الكاميرا وما قصرت.... :good:

شكراً لك أخي الازرق...

[أبــوريـــان]

مشاء الله عليك يابولينا أبداع متواصل
كلهن قمة اروعة ...........
ماقول الا الله يعطيك العافية


اخوك ابوريان

[عبدالله العمير]

ريع الذياب

هلا فيك وغلا وابشر بالجاي ان شالله

-------------------------

فاهم ابشر يابعدي وانا من لي غيركم

وسبب التاخير هوا اخراجها بالصورة الي تشوفها الان والوعد بالجاي ان شالله

-------------------------------

القصمنجي

هلا بك وغلا ومنور مكشات بحجاجك

ومن قال والسامعين

--------------------------------

القبطان

ماشالله عليك والله ياعندك صور تاسر القلب بس ناقصة شوي ترتيب وعنديلك موقع فية دروس تنمي موهبتك بشكل كبير

ولهم الفضل بعد الله بتحسن نظرتك مستقبلا

وكامرتي سلمك الله نيكون d70s وسعرها غالي شوي بس الحقيقة تبرد التسبد وتجيب مردود اذا عرفت له:)

---------------------------------------

الحضري

هههههههههههههههههههههههههههههههههههههه<فسقان :)

كلنا مكملين لبعض وبالامس القريب ماعرف شي والدور عليك

---------------------------------

الفارس

تو مانور الموضوع بحجاجك ومكشات بعد

والف شكر على الاطراء والكاميرا مثل ماقلت للقبطان واي استفسار انا حاظر

-----------------------

ابوريان

انا من لي غيرك يابعدي والله

وترا صورك حقت البرد براسي للحين ونغر منك على هالصور <يمزح:)

[رسلان]

ماشاء الله تبارك الله ...
صور رروعة ...
يعطيك العافية أخوي ...
ونعم بأهل الديرة :) ... نريد محترفين في مكشات ...

عافاكم الله ...
ولكم أجمل تحية من اخوك ...
.... رســـلان ....

[نفل]

السلام عليكم ورحمة الله وبركاته

هلا اخوي المبدع الازرق

ماشاءالله تبارك الله ومثل ما قال اخونا فاهم ( أخوي الازرق حرام عليك عندك كل هالزين ساكت كل هالفترة :no2: )

وان كان عندك زود من هذه الروائع فلا تبخل علينا وشاكر لك حرصك على امتاعنا بمثل هذه الصور الجميلة والنادرة

واتوقع ان تتحفنا بالمزيد من الصور وقت الربيع ان شاءالله وتروى عطش الاعضاء بفنك في التصوير .

ومشكور مرة ثانية وجزاك الله الف الف الف خير .

[عبدالله العمير]

رسلان

النعم بك وبشرواك والله

وتبي محترفين بمكشات . يالله شد حيلك وادهرهم :) علشان نبيض الوجه ان شالله

-------------------------

اشتاذي نفل <بدا التلميع:)

ابشر ومن دون طلب لانة هذا محلي مثل ماهوا محلكم وبعدين التاخير هذا كله لكي نخرجها بالشكل المطلوب

ومن ناحية الربيع اولا الله يجيبة ان شالله وبعدين لي معانات مع الربيع العام والي قبله ماقدرة اجي للصمان والمناطق الجميلة

لكن ادعلي السنة هذي وادع ان الله يرزقنا بالربيع

[دهران]

أخوي الأزرق انت:

http://www.mekshat.com/pix/upload/images11/mk17809_rthumbsup.gif

[عبدالله العمير]

هههههههههههههههههههههههههههه

الله يسلمك والله وانت بعد مثلي

تسلم اخوي

[كشات]

http://www.geocities.com/hraaar_1/1100218787_starting_word.gif

اخوي الازرق
بارك الله فيك

صراحه صور تحبس الانفاس (يقالي مثقف )

تبي الحق
عجزت اعبر عن مدى روعة الصور بارك الله بك
وجزاك الله خير

[عبدالله العمير]

اصلا مرورك الحالة يسدن

فمابالك اعجابك بالصور

هلا والله وغلا

والطيب للطيبين يابعدي

[محب البر]

بسم الله الرحمن الرحيم
السلام عليكم ورحمة الله وبركاته

الغالي الازرق عندما طرحت الموضوع قبل كم يوم وبدأت قراءة التعليق المصاحب للصور لأول مرة ، قلت هذا موضوع محله خيمة الحياة الفطرية ، ولكن أنتظرت حتى تطلع الصور صورة وبان الجمال وما شاء الله على الصور الرائعة التي أجبرتني على صرف النظر عن نقل الموضوع حيث إن هذه الخيمة أولى به ، وأعانك الله على المحافظة على هذا المستوي والجودة بل على الإبداع أكثر وأكثر

وجزاك الله خير

أبو مروان

[عبدالله العمير]

صدقت يابومروان

انا يوم بغيت انزلة احترت وين انزل الموضوع لان قصدي التدرج بالمواضيع قبل لاضع التقرير الاخير للرحلة بالكامل

وجرت العادة ان تكون هنالك خبطة بس مالله اراد هالسنة :)

واردت ان اشارك مع الاخوان هنا بان اضع كل صورة بموضوع ولكن اذا اردت ربط المواضيع بعد فترة فسوف يكون هنالك صعوبة

فجعلته على شكل مجموعات وباقات لكي يكون الربط اسهل

وان شالله راح يكون فية موضوع بالحيات الفطرية بس يبيلة شوي ترتيب لان اخوك مايعرف باسماء بعض الاشجار المصورة

الف شكر وتقدير على ادارتكم الحريصة والمهتمة والواعية

[عجمي]

السلام عليكم ورحمة الله وبركاته


سلمت ها الأنامل يالأزرق على الصور النادرة صراحة ولكم جزيل الشكر...


وانشاالله الى الأمام والله يوفق الجميع والله الله بصور المطر والربيع الله يجيبة هالسنة ..


وتحيات اخوك عجمي,,

[الاداري]

ماشاء الله صور رووعه

[عبدالله العمير]

عجمي

هلا والله مليون غلا

وماطلبت شي بس عسى الله يجيب الخير

والحقيقة صورة توقيع تذبححححححححححححح:)

الاداري

منور الموضوع بحجاجك يابعدي ومكشات كله منور

وننتظر ابداعاتك ان شالله

[المهاجرة]

تسلم يمينك اخوي الازرق

الله يعطيك العافيه على الصور المتقنه

بس ودي اسأل سؤال

ماشوف بنات في المنتدى الا انا

وشكلي غلط وانا الحالي

بس الصور روعه وتستاهل الشكر عليها

اختك.

[عبدالله العمير]

ههههههههههههههههههه

حياك الله اختي المهاجرة

والبنات مايحبن البر والغبرة والكناود والقارمنات والسلاح

هذا هوا السبب

والف شكر على اعجابك بالصور

[عليان الليل]

هلا والله بالابداع كله ..
لا تعليق ,, وابشرك ابكسر كمرتي
لاني ماراح اقدر اصور مثل هالصور..

[المهاجرة]

حتى انا ما احب الغبره بس البر اعشقه عشق

واحب اشبع عيوني من المناظر الحلوة اللي ترد الروح

وريحة المطر تخليني اوت اف كنترول

ومنظر الجيوب في البران يستهويني

ووجوه القناصين الكلحا الملحا أقدرها واحترمها

>>>>>>>>>>>>> راعية طويله بتكمل سوالف

مرات اقول يا حظكم وياليتني رجال اقنص واصور مغامراتي >>>>>>> اقرا على نفسك يالازرق لا تصكك هالمهاجرة


تحياتي لكم وللموقع الراااااااائع والاول من نوعه

مهاجرة ،،،،

[الضاري]

الا يا قلبي هالعنق

مشكور يالازرق والله يعطيك العافية

[عبدالله العمير]

عليان هلا والله وغلا

هههههههههههههههههههههههههههههههههههه

يابعدي لا تكسر كامرتك ولا شي وترا المفروض انك تنبسط لان كل هالي تشوفة ماجاء الا بتوجيهاتك لي المستمرة

وتراك اول واحد علمن على اول خطوة في الفوتوشوب كانك ناسي ومن دون ماتعرفني

وافضالك واجد يابومحمد

------------------------------

المهاجرة

كملي لاتستحين

وهذا هوا هدف هالموقع وهوا توفير كل مادلذ وطاب من علوم البر والرحلات لك من يحبها

وبعدين ترا عينتس باردة يعني ماهنا الا العافية

حياك ربي

----------------------------------

الضاري

بسم الله على قلبك يابعدي وترا مايغلى ان بغيتها بس اشر على حداهن وابشربه :)

[دله وفنجال]

السلام عليكم...
ماشاء الله عليك يالزرق صور خياااال الله يرفع شانك ويزيدك في هلموهبة....

[الضاري]

ياعلك تسلم يالازرق

قول وفعل يالغالي

ومدام الدعوى صارت كذا

الا وش رايك ترسلي خمس طعش عنقاء ولا عليك أمر ....>>>> :d

[عبدالله العمير]

الله يسلمك ياراعي الدلة والفنجال

ويجزاك خير

---------------------

الضاري ماطلبت غالي وهذا شي بسيط

[ابوذيب]

صور رائعه يالازرق الله يزيدك

على فكرة تقدر تاخذ صورة الناقه وغطاء علبة العسل وتبيعه على الشركه المنتجه للعسل ، كدعايه لو حاول وا عمل بروفات عليها لجلسوا اياما وليالي حتى تاخذها الناقه بعفويه ، لانه من الممكن تلزيق الغطاء يدويا للناقه ولكن ستكون ملامحها مشوبة بالانزعاج ، اما مشاعرها التي بدات على محياها فهي سعيده وتعالج هذه القطعه بكل هدوء


تحياتي للجميع

[عبدالله العمير]

ههههههههههههههههههههههههههههههههههههه

والله انك جبته يابوذيب

ولا ترا عندي صور واجد الموضوع جاهز حق الناقة بس مسالة ترتيبات

وصدقني راح تضحك عليها