حر محشوش الذيل ,,,,,!!

[حر الجنوب]

بسم الله الرحمن الرحيم
السلام عليكم ورحمة الله وبركاته
تم طرح ولله الحمد طير حر حمر فرخ في مجيرمه قبل البارح الثلاثاء 15 رمضان
والغريب في الامر ان الطير مقصوص ذيله !! بمقص كل الذيل من النص
فماذا يمكن انكم تحللون هذا الامر؟؟ الطير عرضه 16.5 والطول مدري :confused: لانه ماكو ذيل
عني اشوف انه من طيور من منغوليا واللي شبكوه ما عجبهم ولذلك اعطوه هذي العلامه ما اقول غير الله يهداهم لو كلامي صح
ومشكورين

[تواق]

سلام عليكم


حسبي عليهم والله نذاله يمكن حركه جديده يعبون الطير ههههههه

اسال هل فيه حجل اربها من طيور اخونا الشمري

[عاشق البر1]

هل الطير زين....وسيم والا ما سيم؟

[لطاش]

ياجماعه هذه طريقه قديمه كان يستخدموها الشيبان علشان يميزون المثلوث واللزيز عن الكامل الوافي الطيب / يوم كانت الطيور كثيره ومايدورون غير الطير الوافي والي يستحق التعب والحمامه والظاهر ان هالطير طاح بيد صياد الطيور عنده كثيره وحمامه قليل وعلشان لايتوهم فيه مره ثانيه سوى هالطريقه ههههههههههه

تراه مايستحق المسبه يتواق هذا حريف هههههههههههه

[تواق]

اخوي لطاش

انا اقصدت بكلامي هذا الناس الي عبر الطير من عندهم اما ربعنا في ذا الوقت معاد يعتقون شي لالزيز ولامحقور

[حر الجنوب]

هلا والله اخوي تواق
ههههههه الطير هو حمر ارقط ومافي حجل برجله :D وكلامك صحيح حتي الحقبيات ماتسلم من الشباكين
ارحب يا عاشق البر الطير تام وهو مزيون ولكن الطير اتباع لواحد من ينبع
لطاش مرورك يشرفني يالغالي

[المري]

الله يعين الطيور في هذا الزمان .. ان كان زين ينشبك وان كان شين يقطع ذيله!!!!!!!!!!!!!


والله غريبة


تسلم اخوي بندر وماقصرت..

اخوك المري

[صقر عمان]

السلام عليكم

التفسير الوحيد هو :

مرة سألت أهل الشبك في منغوليا عن الحمام (الحمام أو القطا )

حال شبك الطيور
رد علي وقال :

نستبدل في بعض الاحيان بصقورة مشبوكة مسبقا ونقص ذيولهم وشوي من الريش الجناح ويجعل الطير يترنح في السماء ويخلية فريسة سهلة لبقية الطيور


والسلام عليكم

[حر الجنوب]

هلا فيك يا ابو معيض وكلامك عدل الله يعين الطيور ,,,
ومدام الطيور عندهم واجد ويتنقون الطيور كان خلوه نترزق حنا فيه :D

[العيون الزرق]

السلام عليكم ورحمة الله وبركاته
يالربع تبون العلم الزين وعلى رواية الراوي
الربع اللي يشرون طيور ماتستاهل رخيصة ويرحون لمنغوليا عشان تسجل عليهم بالجواز ويقدرون يطلعون بها اذا عودو لديرتهم دخلت بـ5 طيور ما تطلع الا بها
وربعنا الله يهداهم كنوا يستخدمون نوع من الرشة(بويه) مميزه فسفورية يصبغون بها الطير ان كان ما يستاهل عنوتهم مثل (الزيز والمحقور ) واذا طرحوه رشوه ان ما جاز لهم وان جاز لهم اطلقوا حدا طيورهم وهاذي شغلتهم إلى ان يطرح كل واحد شفه من الطيور والظاهر انهم قامو باسلوب ما ينبغى الله يسامحهم ويبيح منهم ما يبون غيرهم يسترزق من الطيور .......
ادعوا لهم بالهدايه الكلام الصحيح انهم اذا طرحوا طير وما جازلهم يخلونه عندهم عشان ما ييخسرون عليه حمامة مرة ثانية الين ياخذون شفهم ثم يطلقون اللي ما يبونه مع طيورهم الله يهداهم .....
والله زعلت لقصة ريش الذنيبة والطير عابوه رغم انه جاي من بعيد واكيد ان طياره زين وما وصللنا الا وهو يستاهل وعسى الله ينفع به اللي طرحه ويبارك له فيه ويصيدله من الحبارى اللي ماراح يشوفونها اللي قصود ريشه........


وسامحوني على اني طولت لاكن والله عورني قلبي على الطير وعلى الصقاقير اللي هاذي طبايعهم وان كانوا شباكة ومحسوبين على الصقاقير هل العلوم الطيبة والمراجل الصفات الخيرة
no2: :no2: :no2: :no2: تكفون لا عاد تعيدونها :no2: :no2: :no2: :no2: