(هزاع)
02/01/2011, 01:43 AM
السلام عليكم اخواني/كنا في رحلة صيد ظبان (تظبب) في منطقه قريبه من شطاب على ثلاث سيارات اصطدنا كفايتنا اللي رزقنا الله بها صبح وبغينا القهوا والعلوم الغانمه بعض اخويانا اشارو بالشراع بين سيارتين واشار خوينا الخبيربشجره خابرها العام اذا ماقصوها الجهال ويقول انها وارفه وقلنا توكل على الله خلك قدام ومشينا نتبعه الين وصلناها وصدق تبرك خالقها تاخذ لها خمس سيارات حدرها يوم نزلنا من مواترنا تفاجانا من منظر غريب عشرات من عكر الظبان منطل هنا وهناك العكر بس وش السالفه ياخوان من هالناس اللي ياكلون الظب ويحذفون عكرته مع العلم ان العكره مطلوبه رسميا ويتفارسو عليها وتقدم للكبير تقديرا على الصحن وش السالفه ياخوان ولتفت احد الاخوه قال شوفو المجرم الاهو ياخوان فرخ نسر بالعش فالشجره ريشه صاف ماعاد الا يطير ظخم مربيته امه على الخلوب سبحان الخالق قال احد اخويانا وهو ماشاء الله عليه رشبق الا اطلعله وشوف واتئكد وطلع ولقا الفرخ فاصل عكرة هاكالظب ويعلف من جسمه سبحان الرزاق وسلامتكم ياخوان اسف للاطاله وترحمو لوالدي