ياعزٍي لمن مثل حالي ( طالبكم الشور والنصح ..)

[مسلط العتيبي]

السلام وعليَكم ورحمـة الله وبركاتـة .

صباح / مساء ( الخيـــر لـ الجميـع ..

’،

ياعزٍي لمن مثل حــآلي ..

يعلم الله قبل كل شي إني احب الصقور واهل الصقور .. وإني أفتخر لمن قالو عني عاشق لـ الصقور . تراث وأصالـة وهوايـة وعشق . تجتمع جميعها تحت مسمى صقارة ..

أنا واعوذ بالله من كلمـة أنا . طلعت من بين جميــع ألاقارب الي لاينتمون لـ الصقارة بـ إي شكل من الاشكال .. وعشقت الصقارة وأهلها .. من قبل 6 سسنوات والعشق يكبر يوماً بعد يوم . ولكن كان هناك عائق لدي وهو كيف أتعلم الصقارة وانا مااعرف أي شخص ينتمي لـ هوايـة الصقور .. وكل مازاد العشق كل مازادت التفاكير ..

طرحت هذه المشكلـة على شخص مقرب لي جداً وطلبت منه الشور .. قال محلات بيع الصقور يكون هناك بعض الاوقات اجتماع بين الصقاقير . اخذت الشور على عاتقي وكل بعد صـلآة عصر وانا بسسوق الصقر بـ قصر الحكم . والمغرب متنقل بين محل الصقر والصقار والمحلات المجاورة .. اكثر وقتي ملتزم الصمت واسمع فقط من منهم سبقوني بهذه الهوايـة ..

أستمريت على الحال لمدة سنتين او اكثر .. واكتفيت بـ أخذ ارقام اكثر من شخص .

قبل ثلاث سسنوات بديت بالصقارة وشريت لي وكري بنصيحة من شخص له بالهواية زمن طويل .

فرحتي وقتها ماتوصف .. ولكن صار لم أكن اتوقعه .. تحطيم الاقارب لي .. وشلك فيها مالك ومالها . ولكن لم اخذ كلامهم إي إعتبار .. مدة لاتتعداء الـ شهرين جاء رجالاً شرواكم وكسبني بالطير وبعتـه ..

والحمدلله تمكنت من الصقارة وبديت اشتري وامارس هوايتي وعشقي .. العام شريت طير وقبل نهايه الوقت بعتــه ..

لكن يعلم الله ماعمري تحمسست مثل السسنه ذي لـ شراء طير شي .
من قبل رمضان وانا ادعى الله يجيب لي المبلغ الي يحقق لي عشقي .

ادخل منتدي بيع الصقور واشوف الاعضاء يبيعون ويشرون وانا متابع فقط .

اقسسم بالله قبل نهايـة شهر 11 هجري اتصفح منتدي بيع الطيور ومادريت الا عيوني مليانـة دمــع .. أقفلت المنتدي وبديت اشكي حالي لـ روحي ..

،

ياأخواني يعلم الله اني ماطلبت منكم الشور والنصح الا من الثقـة فيكم ..

أنا عشقت وماتحقق عشقي مثل كل مره .. الظروف وقفت بيني وبين عشقي ..

نصيحتكم وشوركم وش السسواه بـ الحال .؟ اترك الصقارة وانا عاشقها .؟

ولى اعشقها بالتمني فقط .؟

أتمني منكم تعتبروني اخوكم الصغير وتريدون له الخير ..

[ahsmaalie]

نعم اترك الصقاره مافيه الا الفقر والتعب وتضيع الوقت من غير فايده http://www.mekshat.com/vb/showthread.php?t=331515 وهذا الرابط
موضوع لى بدعوى الصقاقير بترك الصقاره

[مسلط العتيبي]

نعم اترك الصقاره مافيه الا الفقر والتعب وتضيع الوقت من غير فايده http://www.mekshat.com/vb/showthread.php?t=331515 وهذا الرابط
موضوع لى بدعوى الصقاقير بترك الصقاره

والله ماردني عن شراء الطير الا الفقر ..

’،

إن تركتها وانا اخوك والله ماهو كره .. لا حرام بالله انه من الظروف الي ابعدتني عن هوايتي

..

كلن له وجـه نظر وانا اخوك .. لكن نصيحتَك قاسسيـة شوي ..

الف شكر لك وبالتوفيق يارب لـ طول عممرَك

[أهم 1]

اقول ياحي الهوايه لاصارت هوايتك على مرجله تتركها ليه كلام الاقارب ؟
انت هوايتك الصقاره موب هوايتك الدوران بالشوارع والاسواق
البر الخلا المهد الوناسه مع الربع (ياشيخ لو لحالك )انت مبسوط اذن انت :good2:
خلك على الصقاره دام لك هوا بها واذا طاب خاطرك منها ذا شي ثاني

[مسلط العتيبي]

اقول ياحي الهوايه لاصارت هوايتك على مرجله تتركها ليه كلام الاقارب ؟
انت هوايتك الصقاره موب هوايتك الدوران بالشوارع والاسواق
البر الخلا المهد الوناسه مع الربع (ياشيخ لو لحالك )انت مبسوط اذن انت :good2:
خلك على الصقاره دام لك هوا بها واذا طاب خاطرك منها ذا شي ثاني
’،
ياحي فالك يالذيب ..

ياحيي مشكلة الاقارب ماهي العائق الاساس . العائق والله وانا اخوك ( الدراهم .

ياوجد حالي على البر والخلا والمهد < والله هي سعة الصدر .

إنا ميت على الصقارة والهوايـة موجودة بقوة .. لَكن تفرجـه بسس ض1

الله يزين الحال ..

’،

الله يوفقَك والف شكر على المرور ..

[مودع الخلان]

موضوع رائع وصريح وبالنسبه للصقاره هوايه وعلا قول المثل المهتوي يقطع المستوي اصبر وربك يفرج همك

ويجيك باذن الله النادر والي يقولك اترك الصقاره لاتعطيه بال لانك انت عشقت هالشي كيف تتركه لانك مع الزمن

اذا تركت الصقاره ضميرك مهب راضي يبي يردك للصقاره فا سلمك الله عندك الكبار بالصقاره خذ منهم العلم الغانم
وبنسبه للوكريه فيه 1000 واحد يتمنى انه معه وكريه واعرفلك كم واحد من الصقاقير الكبار مايقنون الا الوكري وهم ادرى وابخص بهالشي
ولاتشوف الطيور الي اعلى من طيرك شف الي اردى من طيرك ومد لحافك علا رجولك

انا اقول كمل دربك بالصقاره والله يفرج همك وغمك ويوفق الجميع

حياتي اخوك ابو تميم

[صقار المملكة]

والله ياخوي مسلط اذا كانت الصقارة تبي تخرب على الرجال مستقبله فالله لايردها اهم شي مستقبلك دورلك على شغلة او وظيفة او حتى تكسي تكد عليه وتصرف على نفسك اما انك تتعلق بالصقارة وانت ماكونت نفسك انصحك بتركها فورا إلى ان تتحسن ظروفك لانك حتى لو شريت طير يبي علف ويبي جرد ويبي مقانيص وهذي كلها مكلفة جدا جدا ماتقدر عليها حسب كلامك

[مسلط العتيبي]

موضوع رائع وصريح وبالنسبه للصقاره هوايه وعلا قول المثل المهتوي يقطع المستوي اصبر وربك يفرج همك

ويجيك باذن الله النادر والي يقولك اترك الصقاره لاتعطيه بال لانك انت عشقت هالشي كيف تتركه لانك مع الزمن

اذا تركت الصقاره ضميرك مهب راضي يبي يردك للصقاره فا سلمك الله عندك الكبار بالصقاره خذ منهم العلم الغانم
وبنسبه للوكريه فيه 1000 واحد يتمنى انه معه وكريه واعرفلك كم واحد من الصقاقير الكبار مايقنون الا الوكري وهم ادرى وابخص بهالشي
ولاتشوف الطيور الي اعلى من طيرك شف الي اردى من طيرك ومد لحافك علا رجولك

انا اقول كمل دربك بالصقاره والله يفرج همك وغمك ويوفق الجميع

حياتي اخوك ابو تميم

جميع ماذكرته اعتبره دعم لي .. شكراً لك اخوٍي ..

[مسلط العتيبي]

والله ياخوي مسلط اذا كانت الصقارة تبي تخرب على الرجال مستقبله فالله لايردها اهم شي مستقبلك دورلك على شغلة او وظيفة او حتى تكسي تكد عليه وتصرف على نفسك اما انك تتعلق بالصقارة وانت ماكونت نفسك انصحك بتركها فورا إلى ان تتحسن ظروفك لانك حتى لو شريت طير يبي علف ويبي جرد ويبي مقانيص وهذي كلها مكلفة جدا جدا ماتقدر عليها حسب كلامك
’،
ياحيي الله يوفقَك .. الحمدلله موظف ومستور حال .. لَكن السسنه ذي مريت بظروف هدت الحيل .. والله يعين ..

’،

ألف شكر لَك ياحيي ..

[عزوتي وايل]

مرحبا فيك يامسلط لا والله لاتترك الصقاره ابرك والله من الهياته بالشوارع

هي شرحت الصدر لاقام يخاويك كل مارحت للبر وتصيد وتستانس وتفل حجاجك

وابشر بعزك والله انت بس اشر وانا اخوك......!

[الطبشي]

انت ذكرت ترك الصقاره
،،،،،،،،،،،،،،،،،،،،،،،،،،،،،،،،،،،،،،،،،
لسبب كثره الحاح الاقارب عليك بتركها
اوقله الامكانيات
وانا اخوك هذي كلها لها حلول عندي
الاولى؛وهي كثره الحاح الاقارب عليك بتركها
الهوايه دامها في طريق المرجله والاصاله ولا فيها عيب لايهمك كلام احد لاقريب ولا بعيد
الثانيه،قله الامكانيات
شف وانا اخوك ان كانك طالب لا يشغلك شي عن الدراسه حتى الصقاره لاحق عليها
يعني كون نفسك ادرس كافح تخرج توضف تحصل على جميع احتياجاتك من دون تعب
افضل طير وافضل سياره وافضل ارض مقناص
وعندي ملاحضه
انت طالب مثلا وعدد مواد الدراسه 13ماده
ليش ما اضيف معها ماده الصقاره
واخليها ماده نضريه الى وقت التخرج والوضيفه
واطبقها عملي
والله يوفقك
اخوك
ابومحمد
،،،،،،،،،،،،،،،،،،،،،،،،،،،،،،،،،،،،،،،،،

[مسلط العتيبي]

مرحبا فيك يامسلط لا والله لاتترك الصقاره ابرك والله من الهياته بالشوارع

هي شرحت الصدر لاقام يخاويك كل مارحت للبر وتصيد وتستانس وتفل حجاجك

وابشر بعزك والله انت بس اشر وانا اخوك......!

’،

الصقارة ولـع ..

الله يشرح صدرك ويسر أمرٍَك .. ودام عزَك ياحيي .. تسسلم انا الي لك روحي فداء .

قول وفعل والله

[هوايتي مكشات]

الله يرزقك ياغااااااالي

[مسلط العتيبي]

الله يرزقك ياغااااااالي

وياك وجميع المسلمين بالجنــة يارب ..

الف شكر لك .

[السبيعي 503]

اول شي أخوي مسلط الله يررزقك كل خير

أناا من رايي مع راي بعض الاخوان , الاحاح الاقارب على الصقارة , أول شي هذي هواية ولله الحمد

شريفه ولا فيها محرمات ولا نقص في الدين والمرجلة ومثل ماقالو المهتوي يقطع المستوي

وانا من رايي واصل في هوايتك ولا تعطل مصالحك الدنوية والدينية



والله يووفقك يا مسلط ويرزقك الطير الي يتمناه كل صقار

[قناص تربه]

واصل هوايتك يامسلط واصبر الين ربك يفرجها وشد حيلك والله يرزقنا وياك العلم الغانم

[wwmfs]

انت ذكرت ترك الصقاره

،،،،،،،،،،،،،،،،،،،،،،،،،،،،،،،،،،،،،،،،،
لسبب كثره الحاح الاقارب عليك بتركها
اوقله الامكانيات
وانا اخوك هذي كلها لها حلول عندي
الاولى؛وهي كثره الحاح الاقارب عليك بتركها
الهوايه دامها في طريق المرجله والاصاله ولا فيها عيب لايهمك كلام احد لاقريب ولا بعيد
الثانيه،قله الامكانيات
شف وانا اخوك ان كانك طالب لا يشغلك شي عن الدراسه حتى الصقاره لاحق عليها
يعني كون نفسك ادرس كافح تخرج توضف تحصل على جميع احتياجاتك من دون تعب
افضل طير وافضل سياره وافضل ارض مقناص
وعندي ملاحضه
انت طالب مثلا وعدد مواد الدراسه 13ماده
ليش ما اضيف معها ماده الصقاره
واخليها ماده نضريه الى وقت التخرج والوضيفه
واطبقها عملي
والله يوفقك
اخوك
ابومحمد
،،،،،،،،،،،،،،،،،،،،،،،،،،،،،،،،،،،،،،،،،




ماقصر اخوي ابو محمد :good2::good2::good2:

[عاشق جلاد]

لاشك حب الطير شارك عيالي**** وندفع علشانه ضريبه وبخشيش اخوي الطير ولع وراعي الولع مهو عن الناس نشاد

[مشبر البران]

قصتك مثل قصتي أني اهتويت الصقارة الحالي من بين جميع الأقارب
وأنهم يعيبوني فيها لاكن لايهمك أثبت على الهواية مادام انت متعلق فيها
وأما عن الطير ليه ما تحاول تطرح طيرك بنفسك الموسم الجاي
يمكن يرزقك الله بالنادر
وتقبل مروري

[abo jaara]

مثل قصتي والى الان المعاناة ومشكلتي مو الفلوس الاهل يقولون والله ما تشتري العصفور ب 2000ريال

حاول تطرح طيرك السنة الجاية والله يرزقك
مشبر البران ما قصر

[قرناس شماالي]

وعليكم السلام ورحمة الله وبركاتة
صبحك الله بالخير يامسلط العتيبي

اخوي هذي هوايه وبلاصح ولع والشئ الي تتولع فيه موبساهل تتركه يعني لو تفكر
تتركه اسبوع قل شهر وترجع لان انت تولعت بهشئ ومن المستحيل تتركه
وانت تفكر بطيور وبلوناسه وبلهدد لاكن الي بينصحك قوله تراك تنصحني على طريق خطا
الصقاره هوايت ابانا وجدانا وطريق مرجله ومايدخل بلهوايه الى الرجال وعلومهم غانمه
وانا اقولك من الصعب ترك الهوايه لان انا جربتها ومرت علي نفسك وتركتها شهر ورجعتت
يوم اشوف الربع وطيورهم وسوالف طلعات وهدد وناسه وطرب العمر بصقاره
ولك هذي الابيات الي تخليك تفكر بطير
لاحت بروق الوسم وأستبشر الدار
وأستملست منه القلايد مباكير

نو هما ودقه على الخد مدرار
ودار الفلك وجهه لنقالة الطير

وراع الولع فكره مع الطير يندار
والشوق شره مع الحرار المغاتير

هذاك الأشقر خص به راهي الأشبار
اللي بوصفه من معزي تعابير

أسرار تكشف لك بتفسيرها اسرار
فيها لبن عمي أدق التعابير

أبيه مثلك يابو تركي بالأنظار
وفي مخبره تكمن مزاياك يا مير

عديم أفضل ما تسميه بتار
وباسمعك وصفه بادق التفاسير

جوهر ولع ريشه تماوج لهب نار
تبري ويغري فيه بالشعر تصوير

وجهه إلى شلت الغبا عنه تحتار
فأوصاف أبينها لفعله تباشير

مثلك ولا مثله على كف صقار
أنته وهو يا خوي والثالث الزير

هو سلوتي لا طال في القنص الأسفار
فرخ وحش يعطيك للظن تبرير

كنه يقول إجزم وراك أنت محتار
مشهور هو طير الرجال المشاهير

يا خوي يا عزي نبي دار من دار
وأنت المقدم في جميع التقارير

نبي المضحى والمعشى فالأقفار
لاستفصلن معنا الفروخ السواعير

في روض أخضر كن خربه إلى طار
طيارة تعطي للإقلاع تحضير

وانته معك طير على الجول حشار
إلا على فعلك لفعله تفاسير

حر الحرار اللي يقودك للأقفار
كنه يقول أطلق لي السير اباطير

على الخريش اللي إلى بنت له طار
خرب فقع قدم الدجاج المعاشير

واللي بشكلك يابو تركي له أختار
عل وعسى يا خوي نسلا الغنادير

في خايع متشابك فيه نوار
زهر الربيع وجول أقفا مدابير

صفق الحباري درج فالقاع وطيار
بشقر الحرار وخوة أعلا المناعير

شوق الولع يلعب بقلبي ولي كار
قفز الحواجز في القنص والمحاذير

تبعت شف الطير في كل الأمصار
وأنت المميز من ورا كل تنظير

في الطير والمقنص وفي بدع الأشعار
وفي المجد لك عرش يقود الجماهير

واسلم ودم بالمجد في عال الأوكار
وعليك مافور الثناء في المحاظير

وعذرني على الاطاله اخوي
وتقبل تحياتي \ قرناس شمالي

[نادر عش]

كلنا كنا مثلك وصبرنا لين تسهلت وأنفرجت ولله الحمد