وش علة ضعف العزم

[راجي الكريم]

السلام عليكم ورحمة الله وبركاته,,
أسعد الله صباحكم بكل خير مشكلتي يا شباب باختصار هي ضعف عزم السيارة
سيارتي يوكن2007 وغالباً انسى البنزين لين يقارب على النهاية واحيانا ينتهي والحين أشوف عزم السياره ضعف جداً ودعستها ثقلت فهل البخاخات متسددة وإلا وش المشكلة بالضبط علماً بأنه مافي السيارة تفتفه
أفيدوني جزاكم الله خير

[سديراوي 13]

عليكم السلام

غير اخوي صفاية البنزين

[al7beeeb]

غير الصفاية وماهي مكلفة اذا وترك مافيه تفتفة وانتبه لنوع البنزين اللي تستخدمه يمكن ما يكون اللي في الكتالوج وبالتوفيق

[2003 بوريان]

احتمالات كثيره ضعف العزم ويمكن يكون القير مو كويس يمكن يمشى بالنمره الثانيه ويكون ثقيل او اذا سيارتك دبل يكون الدبل شابك

[العمده 0ون0]

اخي الكريم : راجي الكريم
ابدأ بالسهل اولا

تنظيف فلتر الهواء حق المكينه0
غير فلتر البنزين زي ماتفضلو الاخوان قبل اشوي رخيص 0
افحص على طرنبة البنزين احتمال كبير يكون فيها ضعف على كلامك انك غالبا تنسى تعبي بنزين وهذا سبب من الاسباب الرئيسيه ضعف عزم السياره والله اعلم0

[mhajer666]

السلام عليكم

اخوي قبل ماتبدى مشوار الخسائر وتشتري قطع على الفاضي

اول شي قوم بفحص السياره (كمبيوتر& ظغط طرمبه البنزين)

[راجي الكريم]

الله يجزاكم خير يا اخوان , شاكر لمروركم وتفاعلكم وان شاء الله بأبدأ بفحص السيارة مع التركيز على ماذكرتوا

[المنتهي2000]

قبل كل شي وش نوع البنزين الي تعبي إذا كان 91 فغيره ب95 ويتغير عليك العزم
وانا مجرب في ياطويل العمر جمس صالون 2002
وباثفيندر2003 وشفر حوض2007
ال91 يلعب في عزمهن
اما الباث إذا احتر ب91 يطلع للمكينه صوت خرشه
وآسف على الاطاله.

[Faisal_1]

يامرحبا بك يالغالي انا مريت بنفس مشكلتك على يوكن 2005 نسيت البنزين والبخاخ اخذ الاوساخ الي بالتانكي وضعف عزم الموتر
الطريقه الي اكتشفت فيها موضوع وسخ البخاخات بسيطه فيه عندك لاعبت الموتر فل كم يمشيك من كيلو بالعاده عندي 570 وفوق قراءه طبعا وبعد الاتساخ قام يقرأ 460 و430 و 420 تأكدت ان البخاخات توسخت نزلتها عند ميكانيكي ووديتها لمحل تنظيف وطبقتها على الموتر الحمد لله رجعت احسن من اول اتمنى اني افدتك