بشرى للي مصادر سلاحه

[خالد20]

اخواني الكشاته

السلام عليكم ورحمة الله وبركاته
واحد من الشباب قبل حوالي سنه وهو راجع من الساحل وقفته احد نقاط التفتيش
وشافو سلاحه(( مغبيه بصطب والعسكري اول ما فتش فك الصطب))
وبعد شد وجذب وحب شخوم صادرو السلاح ((سوبر بانلي )) وحولوه للمحكمه وقصه طويله عريضه
الزبده انه عنده صوره من المحضر حق الشرطه او الرقم وتاريخ ((ماني متأكد))
ونقز لم مركز الشرطه وقالهم ابرخص سلاحي الي انتم صادرتو
قالو ابرك ساعه
ورجعوله سلاحه
الرجال الى الحين ما شفته عشان اخذ العلم والاجرأت الي تمت.

[كايد]

لاهنت
يا ذيبان

والله يعقل على رفيقك

والله صارو خبرة العسكر
يفتشون الاصطبات

يعني صارت قديمة ؟؟؟
مشكلة

[الوسم]

الله يبشرك بكل خيييييييييييييييييييييير
والله يعقل على خويك سلاحه

[nahham]

الله يعقل عليه وعلى كل مسلم

الله يبشرك بالخير

لكن تأكد من صاحبك وعطنا العلم الوكاد الله لايهينك

[رعد الجنوب]

السلام عليكم ورحمة الله وبركاته

نفس هذه القصة حصلت معي واحد اخواني قبل 7 سنوات في رماح
صادرو الشوزن الي مع اخوي وهي بدون رخصة وعن طريق الواسطة سمحوله انه يرخصها
وفعلا رخصها وودى الرخصة للمركز في رماح وعطوه البندق .
ولكن الان لا اعرف الاجراءت الجديدة وطبعا الواسطة تسهل الامور .

اجمل تحية

[بدولوجيا]

قد تصادرلي شوزن قبل حوالي اربع سنوات

متحسر عليه لليوم

ولا عندي اوراق ولا شي

لو اروح للمركز يطلعون المحضر ولا ما عندك احد ؟؟؟

[عليم العطش]

لكن المشكله اللي صادرو بندقه وهي مرخصه والى الان وهو من هيئه الادعاء الى المحكمه ويقولون المساله بسيطه ولاحصل شيء
تحياتي
عليم العطش

[خالد20]

كايد
اذا نوى القشر العسكري
والله ان يطلع حب الفصفص الي بالمرتبه
ويقولك وش ذا؟ بعين قويه بعد
الوسم
امين
nahham
امين والعلم وكاد بس احتريه
وبشوف وش الاجراات المطلوبه
رعد الجنوب
مقيوله الي ماله واسطه
مثل النخله الماسطه
بدولوجيا
على حسب ان كان معموله محضر مايضيع شي وراه مطالب
اما ان كان الدعوى من غير محضر فتلقاه مع ولد العسكري الصادره

عليم العطش
ياخوي قطاع غزه رجع يوم نشبو بحلوقهم الفلسطينين
عجزت ترجع بندق وزود مرخصه؟
احشرهم وانبت لهم بالمركز ولا تصير حبيب وتستحي
انت معك رخصه ازهل عمرك تطلع
الا ان كانك مصيد بمحميه هذا شي ثاني

[عجمي]

السلام عليكم ورحمة الله وبركاته

المشكلة حصلت معي ايام السماح بالتصاريح ..مسكون وان رايح لساحل وصادرو سلاحي ..وقدمت طلب تصريح


قبل يوم المسكة (طبعاً بواسطة ) يعني كأني مقدم طلب تصريح قبل ان اذهب الى السحل ...طبعاً السلاح صادروة


ويوم طلع التصريح ذهبت الى قسم الأسلحة واخذت السلاح..



وبخصوص الوضع الحالي ..سمعت ان الشخص اللي مصادر سلاحة ويوجد اوراق ثبوتية لدية يقدر


يرجع السلاح ..بشرط عدم وجود صيد معة وقت المسكة ..


والأخ عليم العطش يمكن ماسكينك ومعك نوع من الصيد ؟؟؟


اخوكم عجمي

[عاشق الجبل]

العسكري ماعنده خبر .... لكن خويك الظاهر مشيوف وهو يغبيها داخل مكان الأصطب .

[خلوها]

السلام عليكم ورحمة الله وبركاته
الله يعطيك العافيه على هذا الخبر الطييييييييييييييييييب
ارجوك تجيب الخبر كامل لان قد صادروا لي وحده قبل 10 شهور تقريبا

[عليم العطش]

اخواني المشكله ان مامعي صيد ولااي شيء مخالف الاان اللي مسكنا قرب الحدود الجنوبيه حول شروره ومثلكم عارف يتبعون لمنطقه نجران ومنطقه نجران الذكي يعرف مشكلتهم مع اللي مثلنا ومثلكم.
تحياتي
عليم العطش

[خالد20]

عجمي
احمد ربك على رجعت البندق
وعلى الواسطه الي رجعت البندق :d

عاشق الجبل
تبي الصدق خويي لك
عليه الموتر كله غبار اللا السطب يلق من النظافه والمكان الي حوله كله بصمات((عقب الفك وربط))
يعني لو العسكري عميان لمس البصمات وعرف انه مغبي شي

خلوها
انشالله خل اشوفه بس

عليم العطش
حسبي الله على الظالم
وما يمنع انشب بحلوقهم مادامك ماشي بسليم