وش المواصفات المهمة لك في فراش البر

[راعي بيشة]

.



نبي نشارك في أهم الميزات المطلوبه بفراش البر :

-1- التدفئة وحفظ الحرارة
-2- الراحة ( يعني يريحك من قساوة الأرض )
-3- السعة
-4- جودة التصنيع في القماش والسحاب وبقية الإجزاء
-5- الحجم بعد الطوي والتسفيط
-6- الوزن
-7- تحمله للأتربة والشوك ومناسبته للبر
-8- اللون
-9- مناسبته للصيف والشتاء


اللي عنده مميزات أخرى يقولها

وشكراً

طبعاً أهم ميزات عندي الخمس الأولى

[الجندلي]

حياك الله يا بو سعيد ...
الحشوة الداخلية تكون ذات تدفئة عالية (عزل )بأقل سماكه بحيث يكون الحجم مناسب
اضف عليها خياطة الحشوة الداخلية ..بحيث انها ما تتجمع بمناطق معينه
و نوعية الطبقة الداخلية (تسمح بالتقلب بدون مشااااكل )
سيور ربط الفراش بعد لفة تكون من النوعية المتينه
شنطة الفراش تكون ذات جودة
واخيرا مشتاقين لمواضيعك المميزه
تحياتي

[راعي بيشة]

الله الله الله

الجندلي بذاته

والله وحشتني


مواصفاتك مهمممممة

[القنـاص2008]

حياك اخوي راعي بيشة من ناحية الالوان مو مهمة اهم شئ الجودة والراحة وفي التقلب والتدفئة ومواصفات الاضافية مثلا مخبى للمخدة, فتحة في الاعلى للتنفس ايضا موفر للصرف يعني يكون مصنوع من طبقتين للاستخدام في الشتاء والصيف, جراب او شنطة خاص بة للحماية من التلف , جيوب داخلية ............ الخ
وان شاءالله اني افدتك

[wafi4sa]

وانه مصنع من مواد امنه صحيا

[راعي ال جي]

اهط شي التقلب يكون مريح ...................

[المشكل]

أهم شي يكون مريح (حشو القطن يكون كبير)

[فايز8]

فيه ايضا نقطة خفة الفراش
يعني ما تحس بثقل الغطاء عليك

[راعي بيشة]

حياك اخوي راعي بيشة من ناحية الالوان مو مهمة اهم شئ الجودة والراحة وفي التقلب والتدفئة ومواصفات الاضافية مثلا مخبى للمخدة, فتحة في الاعلى للتنفس ايضا موفر للصرف يعني يكون مصنوع من طبقتين للاستخدام في الشتاء والصيف, جراب او شنطة خاص بة للحماية من التلف , جيوب داخلية ............ الخ
وان شاءالله اني افدتك

لا هنت بسام الطبقتين للفصلين جديدة وميزة نادرة

[عاشق السيل]

ماشاء الله عليك ماخليت لنا شي نقوله !!!!

عموما باقي السعر مهم جدا مايكون غالي ومبالغ في سعره !!

[الناب]

هلا ومراحب براعي بيشه
موضوع قيم ليتك إجتهت فيه أكثر

أنا بالنسبه إلي أهم شي الحجم وبعد ذالك أرى باقي النقاط

يوجد في السوق أكياس نوم كبيره جدا
لو تاخذ فراش (الدوشق) مع بطانيه كبيره وتطويهم سوى
بكونون أصغر من كيس النوم

وهذه مصيبه

موفق خير
أخوك
بن فهد

[القنـاص2008]

فيه ايضا نقطة خفة الفراش
يعني ما تحس بثقل الغطاء عليك





:) اذا الغطاء خفيف راح يكون فائدة قليلة للحماية من البرد

[ابن عيّاف]

الصرااحه اللي انا ادوره وما لقيته

الـــــــــحــــــــجــــــــــم

يعني اللي أقصده العرض اما الطوول ما يهمني

اللي يهمني العرض لاني سمين ,,,, فجا في بالي سؤال الحين

الشباب اللي عندهم سمنه مفرطه زيي و كبيرين الحجم وين يلاقوون لهم فرااش عريض مررررة

يعني عرضه مترين أو مترين إلا ربع كأقل شي عشان الواحد يتقلب على رااحته ؟

ومشكوووور يا الحبيب على المووضوع الطيب

[العاذر]

ما شاء الله عليك ما خليت شئ
لكن كيف تجتمع كلها ؟؟
امنية
ما ازيد على كلامك
تحياتي

[ابرد المطر]

اشكرك على هذا الموضوع

اهم شيء عندي

1 جودة المواد

2 تفصيل وخياطة طيبة

3 شكل ولون جيد

وسلامتك

[ابو خالد 8]

اهم شي انك تنام وما تحس بشي حولك ويكون رخيص

[البواردي...]

وش اسمه افضل نوع من فراش النوم

وكم تكلفته ومع ذكر المحل بارك الله فيكم ’’’

ودمتم بوود