طقة إذا ضرت فرامل من أمام يمين ( باثفندر 2003 )

[.أبوعبدالرحمن]

بسم الله الرحمن الرحيم


أخواني الكرام

عندي مشكلة يمكن لها سنتين ولكن زادت ذا الأيام بقوة

وهي انه إذا ضربت فرامل تطلع عندي طقة من جهة الكفر الامامي يمين ولا هوب كل مرة

يعني كل رابع أو خامس ضربة فرامل تطلع الطقة وأحسبها في الدعسه نفسها بعض الاحيان

وحتى اللي برا لو أمر من عنده يسمع ذا الطقة ...

اتمنى القى أحد عنده علم

[الباثفندر 3.5]

و الله انه عندي نفس مشكلتك بالضبط و كل ما صار الجو بارد زادت الطقه و مو عارف من وين الصوت و حتى انا جهة الكفر اليمين و حتى على المطب تطلع الطقه
تكفه اذا عرف السبب دزلي على الخاص او اكتب الحل بالموضوع نفسه علما بأنه موتري باثفندر 2004

[mmgarni]

هذا سلمكم الله مسمار الكليبر بس يقولون الحل توديها للمخرطة وتجيب مسامير اكبر من حقت الوكاله بشي بسيط

[essa2088]

شيك على جلد المقصات والاذرعة اذا تعبانة تسوى هالصوت لان الحديد يظرب فى بعظة اذا صار فراغ ومع الفرامل توظح واللة اعلم

[.أبوعبدالرحمن]

الله يعطيكم العافية

الصوت هذا عندي من زمان لكن ذا اليومين زاد عندي

في انتظار البقية

[مدور طريق]

هاذي سلمك الله من علامات جلد المقصات تسمع صوت طقه مع الفرامل:D
او اذا قومت السيارة بسرعة وانت واقف

موضوعها بسيط.. شيك على جلد المقص اليمين بعدين اليسار

سعر جلد المقص اصلي للحبه 40ريال
التركيب 20 ريال للوحده

[مسير عليهم]

شيك على الكليبر

معي فكتورينا وطلع لي الصوت وغيرت الكليبر من سنه ورجع لي الصوت ثانية

[mmgarni]

للمرة الثانية تاكدو من مسمار الكليبر كان عندي نفس المشكلة ونفس السيارة اللي عندكم وسلامتكم

[عاشق الغميس]

صبحكم الله بالخير ماقصرو الأخوان وفو وكفو مشكلتك هذي احدى امرين لاثالث لهما اول شي شيك على مسمار ذراع التوازن وشيك عليه بنفسك وقف السياره على الحفره وحرك مسمار الذراع اذا فيه فضاوه غيره وتوكل على الله واذا كان سليم فالمشكله من الكليبر وهذي اكثر بكثير من الأولى وافحصها بنفسك فك الكفر وامسك الكليبر وحركه فوق تحت اذا فيه طقطقه مع الحركه فيلزمك تغير مسامير الكليبر ولاكن لابد تتأكد ان تجويف المسمار في الكليبر ماتوسع فإذا كان متوسع يلزمك فك الكليبر والذهاب للمخرطه وخرط مسمار مقاس التجويف وصلى الله وسلم على نبينا محمد..

[ناصر العدواني]

كلام الاخوان سليم 100%
واشك بمسمار الكليبر اكثر واكثر
تقدر تشيكه عند البيت او توديه لورشه يشوفونه لك
واذا كان محل المسمار توسع لازم المخرطه وتسوي المسمار بنفس المقاس
او تريح راسك وتغير كليبر بس بفرق في السعر
تحياتي للجميع

[هوايتي مكشات]

ياشيخ يمكن فحمات فيها فضاوة

[.أبوعبدالرحمن]

الله يرحم والديكم ويجزاكم خير

الموضوع تقريبا انحصر في الكليبر و جلد المقصات


ياشيخ يمكن فحمات فيها فضاوة

هلا بك اخوي من ناحية الفحمات غيرتها تقريبا 3 مرات والصوت مازال موجود فلا أعتقد انها منها

وللجميع الشكر والتقدير

في انتظار البقية

[شعيب المسمى]

قد صارت معي هالمشكله لاضربت فرامل اسمع طقه عند الكفر والموتر ينتع شوي مع الطقه مريت الورشه وغير مسامير الكليبر مع الربلات وحط عليهن شحم واختفى الصوت

[الموسيقار6]

عندي نفس المشكله علماً اني غيرت جلد المقصات وجلد ربلات عمود التوازن ,,,
وزريت على الرمانات وأتوقع أنه من كلبسات اللي تمسك الفحمات
بانتظار الحل ,,,

[الباثفندر 3.5]

تكفى اخوي لا تنساني اذا لقيت الحل لانه عندي نفس مشكلتك بالضبط

[.أبوعبدالرحمن]

هههههههههههههههههههههههههههههههههههههههههههههههه


وش المشكلة هذي ؟ كل اهل الباثفندرات عندهم نفس المشكلة !!!


بإذن الله نجد حل لها ونتعاون وننزل تقرير عنها

يالله شباب اللي جربوا يعطونا الحل

[شعيب المسمى]

يرجال وانت واقف يصلحها لك ماتبي شي

[ويلومني]

أنا ثالثكم
بس باث 2006
لقدمت ثم مسكت بريك مفأجى طلع الصوت أو قدامت ثم مسكت بريك برضو يطلع الصوت

الله يعين ويسر أمور المسلمين

[.أبوعبدالرحمن]

يرجال وانت واقف يصلحها لك ماتبي شي


شكرا لك ،،،

[الباثفندر 3.5]

بشر عساك لقيت الحل

[ابوصالح77]

هلا بك أخوي عبدالرحمن
شيك على ربل دودة الدركسون اللي ماسكة تحت

[HCW]

يا اخوان ارجوا التاكد من الشمات حقت القماشات
كثير من الورش لما يغير لك بريكات يرمي الشمات القديمه و يركب القماشات الجديده بدون شمات و تحصل عندك هذه المشكله خصوصا لما ترجع للخلف و تمسك بريك تسمع صوت طقه و تمشي قدام و تمسك بريك تسمع صوت طقه
هذي صوره الشمات
http://chinozie.googlepages.com/brake_pad_shim.JPG



تاكد انها تكون موجوده و اذا غير موجوده اشترها و ركبها و تروح المشكله ان شاء الله

معلومه :
بعض القماشات التجاريه تجي الشمات منها و فيها يعني ما يحتاج تركب حقت الوكاله و بعض السيارات الجديده تجي من الوكاله القماش فيه الشمات ملحمه فيها.
الباث فايندر او بالاحرى اغلب سيارات نيسان تجي الشمات لوحدها و يفضل انها تتغير مره كل ثلاث تغييرات للقماشات.

اصحاب الهونداي تجي الشمات مع القماشات في نفس العلبه و هذي ميزه تحسب لقطع غيار الهونداي ..... مجرد معلومه.

[لاند93]

انا نفس المشكله ,,

بس انا معي لاند كروزر 93

[.أبوعبدالرحمن]

بشر عساك لقيت الحل


لا والله الى الان ما بعد رحت للأسف والله العظيم ما فيه وقت أبدا

لكن إن شاء الله بروح قريبا

[.أبوعبدالرحمن]

هلا بك أخوي عبدالرحمن

شيك على ربل دودة الدركسون اللي ماسكة تحت



الله يعطيك العافية أخوي أبوصالح إن شاء الله إذا رحت للورشة

شيكة عليها وعلى اللي حولها

[.أبوعبدالرحمن]

يا اخوان ارجوا التاكد من الشمات حقت القماشات
كثير من الورش لما يغير لك بريكات يرمي الشمات القديمه و يركب القماشات الجديده بدون شمات و تحصل عندك هذه المشكله خصوصا لما ترجع للخلف و تمسك بريك تسمع صوت طقه و تمشي قدام و تمسك بريك تسمع صوت طقه
هذي صوره الشمات
http://chinozie.googlepages.com/brake_pad_shim.JPG



تاكد انها تكون موجوده و اذا غير موجوده اشترها و ركبها و تروح المشكله ان شاء الله

معلومه :
بعض القماشات التجاريه تجي الشمات منها و فيها يعني ما يحتاج تركب حقت الوكاله و بعض السيارات الجديده تجي من الوكاله القماش فيه الشمات ملحمه فيها.
الباث فايندر او بالاحرى اغلب سيارات نيسان تجي الشمات لوحدها و يفضل انها تتغير مره كل ثلاث تغييرات للقماشات.

اصحاب الهونداي تجي الشمات مع القماشات في نفس العلبه و هذي ميزه تحسب لقطع غيار الهونداي ..... مجرد معلومه.



مشكور أخوي على المعلومة المهمة مع العلم أنها موجودة وراكبة عندي

ولكن اتمنى من الشباب أن يتأكدوا من القطعه هي موجودة والا لا

[mmgarni]

ياغالي بعد البحث والتعمق الشديدين لها المشكله طلعت عندي الذراع الخارجي اتاكد منه فيه فضاوة عندي اذا مسكت فرامل او رجعت ورا ومسكت فرامل تكون واضحه وبعض الاحيان اذا لفيت يمين او يساااار

[.أبوعبدالرحمن]

ياغالي بعد البحث والتعمق الشديدين لها المشكله طلعت عندي الذراع الخارجي اتاكد منه فيه فضاوة عندي اذا مسكت فرامل او رجعت ورا ومسكت فرامل تكون واضحه وبعض الاحيان اذا لفيت يمين او يساااار


الله يوفقك أخوي راح أتأكد من الذراع الخارجي إن شاء الله

[حكيم المجالس]

انا بعد عندي نفس الصوت ونفس المكان

ونفس الموتر < باث 2005 :)


وشيكت على الهيئه الامامية أكثر من مررره بسس ما لقيت السبب

[mmgarni]

جبت الحل برضووو بعد ساعات من التسدح تحت الجيب طلع عندي جلب المقصات بكرة بغيرها باذن الله
يالبى قلبك يالباااااث

[.أبوعبدالرحمن]

طيب أخوي ليت لو تنزل تقرير أو تعطينا الخبر هل فيه تغيير والا لا ؟؟